మార్లోన్ బ్రాండో
మార్లోన్ బ్రాండో | |
|---|---|
 మార్లోన్ బ్రాండో (1961) | |
| జననం | మార్లోన్ బ్రాండో జూనియర్ 1924 ఏప్రిల్ 3 ఒమాహా, యుఎస్ |
| మరణం | 2004 జూలై 1 (వయసు 80) |
| వృత్తి |
|
| క్రియాశీల సంవత్సరాలు | 1944–2004 |
| జీవిత భాగస్వామి | అన్నా కష్ఫీ
(m. 1957; div. 1959)మోవిటా కాస్టనెడ
(m. 1960; ann. 1968)తరిటా టెరిపియా
(m. 1962; div. 1972) |
| పిల్లలు | 11 |
| బంధువులు | జోస్లిన్ బ్రాండో (సోదరి) డి. ఎ. పెన్నెబేకర్ (బంధువు) |
| సంతకం | |
 | |
మార్లోన్ బ్రాండో (1924, ఏప్రిల్ 3 - 2004, జూలై 1) అమెరికన్ నాటకరంగ, సినిమా నటుడు. తన సినీ జీవితంలో రెండు అకాడమీ అవార్డులు, రెండు గోల్డెన్ గ్లోబ్ అవార్డులతోపాటు అనేక ఇతర అవార్డులను అందుకున్నాడు. బ్రాండో అత్యున్నత గౌరవాన్ని కొనసాగించడంతోపాటు స్టానిస్లావ్స్కీ నటన, మెథడ్ యాక్టింగ్‌ని ప్రధాన స్రవంతి ప్రేక్షకులకు అందించిన మొదటి నటులలో ఒకరిగా అతను ఘనత పొందాడు.
జననం, విద్య
[మార్చు]మార్లోన్ బ్రాండో 1924 ఏప్రిల్ 3న నెబ్రాస్కాలోని ఒమాహాలో మార్లోన్ బ్రాండో సీనియర్ - డోరతీ పెన్నెబేకర్‌ల ఏకైక కుమారుడిగా జన్మించాడు. తండ్రి ఒక సేల్స్‌మ్యాన్ కాగా, తల్లి నాటకరంగ నటి.
నటనారంగం
[మార్చు]నాటకరంగంతో తన నటనా జీవితాన్ని ప్రారంభించాడు. 1951లో ఎ స్ట్రీట్‌కార్ నేమ్డ్ డిజైర్ అనే సినిమాలో స్టాన్లీ కోవల్స్కీ పాత్రకు ఉత్తమ నటుడిగా మొదటి అకాడమీ అవార్డుకు నామినేట్ అయ్యాడు. 1954లో వచ్చిన .ఆన్ ది వాటర్‌ఫ్రంట్ సినిమాలో టెర్రీ మల్లోయ్‌గా నటించి ప్రశంసలు పొందడంతోపాటు మొదటి అకాడమీ అవార్డు, గోల్డెన్ గ్లోబ్ అవార్డును అందుకున్నాడు. 1953లో ది వైల్డ్ వన్ సినిమాలో నటించాడు.[1]
1961 వన్-ఐడ్ జాక్స్ అనే సినిమాకి దర్శకత్వం వహించి, నటించాడు. కానీ ఈ సినిమా విజయవంతం కాలేదు. ఆ తర్వాత 1962లో తీసిన మ్యూటినీ ఆన్ ది బౌంటీ అనే సినిమాకు కూడా ఆశించిన ఫలితం రాలేదు. దాంతో అతని కెరీర్‌ దెబ్బతన్నది. పదేళ్ళపాటు సినిమాలపై ఆసక్తి తగ్గిన తర్వాత, 1972లో వచ్చిన ది గాడ్‌ఫాదర్ సినిమాలో వీటో కార్లియోన్‌గా నటించాడు. ఇది ప్రపంచ సినిమా చరిత్రలో అత్యుత్తమమైన సినిమాగా నిలిచింది, అతనికి రెండవ అకాడమీ అవార్డు, గోల్డెన్ గ్లోబ్ అవార్డును అందించింది. 1972లో వచ్చిన లాస్ట్ టాంగో ఇన్ ప్యారిస్ సినిమాకు ఆస్కార్-నామినేట్ తోపాటు బ్రాండో టాప్ బాక్స్-ఆఫీస్ స్టార్స్ ర్యాంక్‌లో మళ్ళీ స్థానం సంపాదించాడు.
1978లో సూపర్‌మ్యాన్ సినిమాలో జోర్-ఎల్ పాత్ర, 1979లో అపోకలిప్స్ నౌ సినిమాలో కల్నల్ కుర్ట్జ్‌ పాత్రలో, 1980లో ది ఫార్ములా సినిమాలో ఆడమ్ స్టీఫెల్ పాత్రలో నటించి అత్యంత ఎక్కువ పారితోషికం తీసుకునే క్యారెక్టర్ యాక్టర్‌గా నిలిచాడు.
చివరి జీవితం
[మార్చు]బ్రాండో జీవితంలోని చివరి రెండు దశాబ్దాలు వివాదంతో ముగిసాయి. సమస్యాత్మక వ్యక్తిగత జీవితంలో మానసిక రుగ్మతలు, చట్టపరమైన సమస్యలను చవిచూశాడు.
మరణం
[మార్చు]బ్రండో కొంతకాలం మధుమేహం, కాలేయ క్యాన్సర్‌తో బాధపడ్డాడు.[2] గుండెలో రక్తప్రసరణ లోపం, ఊపిరితిత్తుల ఫైబ్రోసిస్‌తో శ్వాసకోశ ఇబ్బందులకు యూసిఎల్ఏ మెడికల్ సెంటర్‌లో చికిత్స పొందిన బ్రాండో 2004 జూలై 1న మరణించాడు.[3]
మూలాలు
[మార్చు]- ↑ Jones, Dylan (August 14, 2014). Elvis Has Left the Building: The Day the King Died. The Overlook Press. ISBN 9781468310429. Archived from the original on August 5, 2020. Retrieved 2023-05-19.
- ↑ "Brando biography", New Netherland Institute; retrieved 2023-05-19.
- ↑ ""Marlon Brando dies at 80." CNN.com, July 2, 2004". CNN. Archived from the original on October 16, 2007.
బయటి లింకులు
[మార్చు]
- అధికారిక వెబ్‌సైటు
- Vanity Fair: "The King Who Would Be Man" by Budd Schulberg
- The New Yorker: "The Duke in His Domain" – Truman Capote's influential 1957 interview.
- Excess after success: Marlon Brando