రాజీ నా ప్రాణం
| రాజీ నా ప్రాణం (1954 తెలుగు సినిమా) | |
 చందమామ పత్రికలో రాజీ నా ప్రాణం ప్రకటన | |
|---|---|
| దర్శకత్వం | కె.జె. మహదేవన్ |
| తారాగణం | శ్రీరంజని జూ., టి.ఆర్.రామచంద్రన్ |
| సంగీతం | ఎస్.హనుమంతరావు |
| నేపథ్య గానం | ఆర్.బాలసరస్వతి దేవి |
| గీతరచన | దేవులపల్లి కృష్ణశాస్త్రి |
| నిర్మాణ సంస్థ | జెమిని స్టూడియో |
| భాష | తెలుగు |
రాజీ నా ప్రాణం 1954 జనవరి 29 న విడుదలైన తెలుగు సినిమా.కె.జె.మహదేవన్ దర్శకత్వంలో వచ్చిన ఈ చిత్రం లో శ్రీరంజని జూనియర్, టి. ఆర్.రామచంద్రన్, ఎస్. వి. రంగారావు ముఖ్యపాత్రలుపోషించారు.సంగీతం సాలూరి హనుమంతరావు అందించారు.
తారాగణం
[మార్చు]- ఎస్ వి. రంగారావు,
- శ్రీరంజని,
- టి.ఆర్. రామచంద్రన్,
- సుందరిబాయి,
- శ్రీరామ్,
- వనజ,
- జూనియర్ లక్ష్మీ రాజ్యం,
- జె.పి.చంద్రబాబు,
- సురభి కమలాబాయి,
- మద్దాలి కృష్ణమూర్తి
సాంకేతిక వర్గం
[మార్చు]దర్శకుడు: కె.జె.మహదేవన్
సంగీతం: సాలూరి హనుమంతరావు
నిర్మాణ సంస్థ: జెమినీ స్టూడియో
సాహిత్యం:దేవులపల్లి కృష్ణశాస్త్రి
గానం . ఎ.ఎం.రాజా, రావు బాలసరస్వతి దేవి
విడుదల:29:01:1954.
పాటలు
[మార్చు]- అమ్మా! ఇవిగోనమ్మా! ఇపుడే కోసినవమ్మా! - రచన: దేవులపల్లి కృష్ణశాస్త్రి , గానం. ఆర్.బాలసరస్వతి దేవి
- నిండువెన్నెల మల్లెలలో నిదురపోవా నెలరాజా, రచన:దేవులపల్లి కృష్ణశాస్త్రి, గానం.ఆర్.బాలసరస్వతి
- మనగలనా శూన్యము ఈలోకాన మనగలనా, రచన: దేవులపల్లి కృష్ణశాస్త్రి, గానం.ఆర్.బాలసరస్వతి దేవి
- ఇంతేనా బ్రతుకంతా ఇంతేనా .,. ఎరుగరో, రచన:దేవులపల్లి కృష్ణశాస్త్రి, గానం.ఎ.ఎం.రాజా
- మల్లెపూలు మొల్లపూలు కలువపూలు కావాలి, రచన: దేవులపల్లి కృష్ణశాస్త్రి, గానం.ఆర్.బాలసరస్వతి దేవి
- మీరైనా చూసి తెలుపరమ్మా ఎవరైనగాని వచ్చారేమో, రచన:దేవులపల్లి కృష్ణశాస్త్రి, గానం.ఆర్.బాలసరస్వతి
- రమ్మని చెప్పిరావే పోవే నెమ్మది సామిని నమ్మితినే గదా, రచన:దేవులపల్లి కృష్ణశాస్త్రి
- హాలిడే హాలిడే హాలిడే వన్డే కంప్లీట్ జాలిడే, రచన:దేవులపల్లి కృష్ణశాస్త్రి
కథ
[మార్చు]రాము (టి.ఆర్.రామచంద్రన్) అనే నిరుద్యోగి పనీపాటా లేకుండా తిరగడం చూచి సంఘం అతన్ని హీనంగా చూస్తూ ఉంటుంది. అతడొకసారి రాజీ(శ్రీరంజని) అనే గుడ్డిపిల్లను ప్రాణాపాయం నుండి రక్షిస్తాడు. ఆమె తన ప్రాణదాతను చూడలేకపోయినా, అతణ్ణి ప్రేమిస్తుంది. అతడు కూడా ఆమెను ప్రేమిస్తాడు. ఒక డాక్టరు సహాయం వల్ల ఆమెకు తిరిగి దృష్టి కలుగజేస్తాడు. కానీ ఆమె అతణ్ణి చూసే అవకాశం లేకుండానే, అతణ్ణి పోలీసులు దొంగతనం నేరం మీద జైలుకు లాక్కుపోతారు. రాజీకి దృష్టి యిచ్చిన డాక్టర్ రఘు(శ్రీరామ్) ఆమెను ప్రేమించి పెళ్లాడగోరతాడు. ఆమె యిష్టం లేకపోయినా పెళ్లికి ఒప్పుకోవలసి వస్తుంది. కొన్ని సంవత్సరాల తర్వాత రాము జైలు నుండి విడుదలై రాజీ వద్దకు వస్తాడు. డాక్టర్ రఘు రామును అనుమానిస్తాడు. డాక్టర్ అనుమానాన్ని తొలగించేందుకు, రాజీ సంతోషంగా జీవిస్తుందనే తృప్తితో రాము రాజీకి తను ఎవరో తెలియ జేయకుండానే అక్కడి నుండి వెళ్లిపోతాడు[1].
మూలాలు
[మార్చు]. 2.ఘంటసాల గళామృతము, కొల్లూరి భాస్కరరావు బ్లాగ్ .