వాడుకరి:Haijinprithvi/ప్రయోగశాల

డా.తలతోటి పృథ్వి రాజ్ నానీలు

"నలుదిక్కుల నానీలు"

    సంకలనంలోనివి

అనుభవ పాఠాల్ని    

పఠించాలనుకునేవాళ్లేరీ

మహా గ్రంథాలే

వృద్ధులు

దళారులు

ఉరితాడు లేకుండానే

రైతుల ఉసురుతీసే

తలారులు

డా.తలతోటి పృథ్వి రాజ్ 

సామాజిక కవిత్వం

ప్రారంభించాను

కలం

అక్షరాల కొలిమైంది

డా.తలతోటి పృథ్వి రాజ్ 

ఎక్కడ చూసినా

గుళ్ళూ ,చర్చీలు, మసీదులు!

సామరస్యానికి

చోటేక్కడా?

డా.తలతోటి పృథ్వి రాజ్ 

నిజం

ఎప్పటికీ నిప్పే

అబద్దమే

నిజాన్ని దాచాననుకునే నివురు

డా.తలతోటి పృథ్వి రాజ్ 

భూగోళం అంచుపై

కనురెప్పను వాల్చింది

కాంతినేత్రం.

- పురివిప్పిన నింగి

డా.తలతోటి పృథ్వి రాజ్ 

మూగవాళ్ళ

సంజ్ఞలు

మాటల మోసాలు లేని

స్వచ్ఛ మైన భాష

డా.తలతోటి పృథ్వి రాజ్ 

భార్యంటే నేటి అర్థం

భర్తలో సగం కాదు

కష్టాల్లో పూర్ణం

సుఖాల్లో శూన్యం

డా.తలతోటి పృథ్వి రాజ్ 

చచ్చాక కూడా  

ఆక్రమణలే !    

కూడళ్ళలో

నాయకుల విగ్రహాలు !!

డా.తలతోటి పృథ్వి రాజ్ 

నలుదిక్కులు

ప్రసరించిన

హృదయభాను కిరణాలు

నానీలు  

డా.తలతోటి పృథ్వి రాజ్ 

జీవితమంటే

రోజూ కొంచెం కొంచెం

ఆశతో

బ్రతుకుతూ చావడం

డా.తలతోటి పృథ్వి రాజ్ 

పిల్లాడి చేతిలో

బలపమై

వెలిగిపోతూ ఆరిగిపోతూ

మాస్టారు

డా.తలతోటి పృథ్వి రాజ్ 

ఆకలి తీర్చేందుకు

దొరకని గంజి

నేత ఖద్దరు చొక్కాకు

కానుకైంది

డా.తలతోటి పృథ్వి రాజ్ 

నాది డాక్టరేట్

మా అబ్బాయ్ ఫోర్త్ క్లాస్  

నాకంటే

మావాడి చదువే 'విలువైంది'

డా.తలతోటి పృథ్వి రాజ్ 

వంటింటి

కారాగార గృహంలో

ఆజన్మాంత ఖైదీ

త్యాగాల అమ్మ

డా.తలతోటి పృథ్వి రాజ్ 

ఎలుకల గొడవ

పిల్లి తీర్చునో లేదో గాని

దొంగల పంపకం

పోలీస్లే...!

డా.తలతోటి పృథ్వి రాజ్ 

ఇల్లు శుభ్రంగా ఉంచుతాడు

వీధే... !

మనిషి శుభ్రంగా ఉంటాడు

కాని మనసే...!!

డా.తలతోటి పృథ్వి రాజ్ 

ప్రజాస్వామ్య క్షేత్రంలో

కలుపు మొక్కలు..

పదునులేని కొడవళ్ళు

ప్రజలు

డా.తలతోటి పృథ్వి రాజ్ 

దేశపౌరుల తలరాతల్ని

తిరగరాసే

అపర బ్రాహ్మలు

నేతలు

డా.తలతోటి పృథ్వి రాజ్ 

వారధి మీదుగా

అఘాదాల్ని దాటుతాం

స్నేహ వారదుల్నే

నిర్మించుకోం!

డా.తలతోటి పృథ్వి రాజ్ 

ఎగువ రాష్ట్రం

డ్యాంల నిర్మాణం .

బురద చల్లుకుంటూ

పాలక-ప్రతిపక్షాలు.

డా.తలతోటి పృథ్వి రాజ్ 

దొంగలందరూ

ఒకేలా పుట్టరు

కొందరు ఆకల్లోంచి

ఎందరో ఓట్లలోంచి...

డా.తలతోటి పృథ్వి రాజ్ 

పట్టా భూమితో

రైతుకి భరోసా.

ఎన్ని  పట్టాలున్నా

నిరుద్యోగికి నిరాశ!

డా.తలతోటి పృథ్వి రాజ్ 

అనగనగా...

ఒకానొకప్పుడు పిచ్చుకలు!

సెల్ ఫోన్ హత్యలకు

తొలి బలి

డా.తలతోటి పృథ్వి రాజ్ 

ఎన్నో పార్టీలే కల్సి

పాలన సాగిస్తుంటే

వెర్రోళ్ళు

విడాకులు కావాలట!    

  * * * * * * *

  డా.తలతోటి పృథ్వి రాజ్

"క్రాంతి నేత్రం" నానీల సంపుటి

         (అముద్రితం)

మరణించడమంటే

మహా యాత్రను చాలించడం

మరొక్కరికి

చోటివ్వడం

డా.తలతోటి పృథ్వి రాజ్ 

పడమర

అగాధపుటంచుల్లో తొంగి చూడు

రోజుల

శకలాల  కోసం

డా.తలతోటి పృథ్వి రాజ్ 

రోజూ రగిలే

ఎందరి విప్లవ స్వప్నాలో

ధరిస్తూ

పునర్జన్మల రవి

డా.తలతోటి పృథ్వి రాజ్ 

యాంత్రిక లోకమే అనుకున్నా

తాంత్రిక లోకంగా తీర్చే

బాణామతి...

బాబాలు !

డా.తలతోటి పృథ్వి రాజ్ 

విలువైనవెన్నో

వెలికి తీస్తాడు

విలువలేకుండా

మట్టిలోకి మనిషే...

డా.తలతోటి పృథ్వి రాజ్ 

దేవుడి దర్శనానికి

గుడిమెట్లు

జీవితాదర్శానికి

బతుకు  మెట్లు

డా.తలతోటి పృథ్వి రాజ్ 

క్షణికావేశపు చిహ్నానికి

చెత్తలా

విసిరి పడేసేందుకేమో

చెత్త కుండీలు

డా.తలతోటి పృథ్వి రాజ్ 

చిగురు

చైతన్యానికి ప్రతీక!

పండుటాకు

అనుభవాల సంపుటి!!

డా.తలతోటి పృథ్వి రాజ్ 

వరల్డ్  బ్యాంక్

ప్రతినిధుల రాక

బిచ్చగాళ్ళను తరిమేస్తూ

ప్రభుత్వ బిచ్చగాళ్ళు

డా.తలతోటి పృథ్వి రాజ్ 

ఒకపూట

భోంచెయ్యడం కుదరలేదు

ఆకలి  బాధ

రుచితెలిసింది

డా.తలతోటి పృథ్వి రాజ్ 

ప్రతి తల్లీ

వీరమాతే

రక్తం అద్ది బిడ్డను పంపు

జీవన సమరానికి