శ్రీ భవాన్యష్టకమ్ .

శ్రీ భవాన్యష్టకమ్ .

న తాతో న మాతా న బంధు ర్న దాతా
న పుత్రో న పుత్రీ న భ్రుత్యో న భర్తా !
న జాయా న విద్యా న వృత్తి ర్మమైవ
గతి స్త్వం గతిస్త్వం త్వమేకా భవానీ !! 1.

భవాబ్దా వపారే మహాదుఃఖ భీరుః
పపాత ప్రకామీ ప్రలోభీ ప్రమత్తః
కుసంసార పాశ ప్రబద్దః సదాహమ్
గతి స్త్వం గతిస్త్వం త్వమేకా భవానీ !! 2.

న జానామి దానం న చ ధ్యాన యోగం
న జానామి తంత్రం న చ స్తోత్ర మంత్రమ్ !
న జానామి పూజాం న చ న్యాస యోగం
గతి స్త్వం గతిస్త్వం త్వమేకా భవానీ !! 3

న జానామి పుణ్యం న జానామి తీర్థం
న జానామి ముక్తిం లయం వా కదాచిత్ !
న జానామి భక్తిం వ్రతం వాపి మాత
గతి స్త్వం గతిస్త్వం త్వమేకా భవానీ !! 4

కుకర్మీ కుసంగీ కుబుద్ధిః కుదాసః
కులాచార హీనః కదాచార లీనః
కుదృష్టిః కువాక్య ప్రబందః సదాహమ్
గతి స్త్వం గతిస్త్వం త్వమేకా భవానీ !! 5.

ప్రజేశం రమేశం మహేశం సురేశం
దినేశం నిశీథేశ్వరం వా కదాచిత్ !
న జానామి చాన్యత్ సదాహం శరణ్యే
గతి స్త్వం గతిస్త్వం త్వమేకా భవానీ !! 6.

వివాదే విషాదే ప్రమాదే ప్రవాసే
జలే చానలే పర్వతే శత్రుమధ్యే !
అరణ్యే శరణ్యే సదా మాం ప్రపాహి
గతి స్త్వం గతిస్త్వం త్వమేకా భవానీ !! 7.

అనాథో దరిద్రో జరా రోగ యుక్తో
మహాక్షీణ దీనః సదాజాడ్య వక్త్రః !
విపత్తౌ ప్రవిష్టః ప్రణష్టః సదాహమ్
గతి స్త్వం గతిస్త్వం త్వమేకా భవానీ !! 8.