సాత్విక్ సాయిరాజ్ రంకిరెడ్డి

సాత్విక్ సాయిరాజ్ రంకిరెడ్డి
వ్యక్తిగత సమాచారం
దేశం	భారతదేశం
వాటం	కుడిచేతి
పురుషుల డబుల్స్
అత్యున్నత స్థానం	7 (11/12/2019)

సాత్విక్ సాయిరాజ్ రంకిరెడ్డి ప్రఖ్యాత బ్యాడ్‌మింటన్ క్రీడాకారుడు. పురుషుల డబుల్స్ లో ఇతని జోడీగా చిరాగ్ షెట్టి ఉన్నాడు. కామన్వెల్త్ క్రీడలు - 2018లో మిక్స్ డ్ టీంలో, కామన్వెల్త్ క్రీడలు - 2022లో పురుషుల డబుల్స్ లో స్వర్ణపతకాన్ని సాధించాడు.

2023లో దుబాయ్‌లో ఆసియా బ్యాడ్మింటన్ చాంపియన్‌షిప్స్ ఫైనల్‌లో మలేసియా జోడీని మట్టికరిపించిన సాత్విక్ సాయిరాజ్, చిరాగ్ శెట్టి జోడీ 58 సంవత్సరాల తర్వాత భారతదేశానికి స్వర్ణ పతకం అందించారు. కాగా ఆసియా బ్యాడ్మింటన్ చాంపియన్‌షిప్స్‌లో భారత్‌కు 1965లో దినేశ్ ఖన్నా పురుషుల సింగిల్స్‌లో గోల్డ్ మెడల్ సాధించాడు, అలాగే 1971లో దీపు ఘోష్, రామన్ ఘోష్ జంట కాంస్య పతకంతో మెరిపించారు.