అరటికాయ సెనగపప్పు వడలు

శనగపప్పు వడలు

అరటికాయ సెనగపప్పు వడలు అరటికాయ, శనగపప్పులతో చేయబడిన శాకాహారం వంటకం.

కావల్సిన పదార్థాలు

• అరటికాయలు - రెండు,
• పచ్చిసెనగపప్పు - కప్పు
• అల్లంవెల్లుల్లి ముద్ద - అరచెంచా
• పచ్చిమిర్చి - రెండులేక మూడు
• ఉప్పు - తగినంత
• పసుపు - చిటికెడు
• ధనియాలు - రెండు చెంచాలు
• వేయించిన సెనగపప్పు - నాలుగు చెంచాలు
• దాల్చినచెక్క, లవంగాలు, యాలకులు కలిపి చేసిన పొడి - అరచెంచా
• నూనె - వేయించడానికి సరిపడా.

తయారుచేయు విధానము:

1. శనగపప్పును నాలుగు గంటల ముందుగా నానబెట్టుకోవాలి.
2. అరటికాయల చెక్కు తీసి పెద్ద ముక్కలుగా తరగాలి.
3. రిపడా నీటిలో అరటికాయ ముక్కలు, నానబెట్టిన సెనగపప్పు, అల్లంవెల్లుల్లి ముద్ద, పచ్చిమిర్చి ముక్కలు, పసుపు, ఉప్పు వేసుకుని ఐదు నిమిషాలు పొయ్యిమీద ఉడికించాలి.
4. నీరు వంపేసి మరీ మెత్తగా కాకుండా రోట్లో దంచుకోవాలి.
5. ధనియాలు, వేయించిన వేరుసెనగపప్పును కూడా దోరగా వేయించి మెత్తగా పొడిచేసుకోవాలి.
6. అరటికాయ మిశ్రమంలో ఈ పొడి, దాల్చినచెక్క పొడి కలపాలి.
7. బాణలిలో నూనె వేడిచేసి ఈ మిశ్రమాన్ని వడల్లా అద్ది వేయాలి.
8. బంగారువర్ణంలోకి వచ్చాక తీసేయాలి.
9. టమాటా కెచెప్‌తో కలిపి తింటే చాలా రుచిగా ఉంటాయివి.