తెలంగాణలో ఆశ్రిత జానపద కళారూపాల జాబితా

తెలంగాణ ప్రాంతంలో పటం ఆధారంగా, బొమ్మల ఆధారంగా కథలు చెప్పటం మిగితా తెలుగు ప్రాంతాల లాగానే విస్తృతంగా కనిపిస్తుంది. ఈ కింది పట్టికలో వివిధ కులాల, వారి ఆశ్రిత కులాల, ప్రదర్శన కళలు చూడవచ్చు:

తెలంగాణ జానపద కళారూపాల వివరాలు

క్రమ సంఖ్య	ఆశ్రిత కళారూపం	పోషించే కులం	ప్రక్రియ	ప్రదర్శనాంశం
1	కూనపులి	పద్మశాలి	పటం ఆధారంగా కథాగానం	మార్కండేయ పురాణం
2	సాధనాశూరులు	పద్మశాలి	ఇంద్రజాలం	ఇంద్రజాల విద్యలు
3	గౌడజెట్టి	గౌడ	పటం ఆధారంగా కథాగానం	గౌడపురాణం
4	ఏనూటి	గౌడ	పటం ఆధారంగా కథాగానం	గౌడపురాణం
5	రుంజ	విశ్వ బ్రాహ్మణులు	రుంజవాద్య ఆధారంగా	విశ్వకర్మపురాణం
6	పనస	విశ్వ బ్రాహ్మణులు	కథాగానం	విశ్వకర్మపురాణం
7	బీరన్నలు	కుర్మ	కథాగానం	బీరన్నకథ
8	మందహెచ్చులు	గొల్ల	బొమ్మల ప్రదర్శన కథాగానం మరియు పటం ఆధారంగా కథాగానం	కాటమరాజు కథలు
9	ఒగ్గు	గొల్ల	కథాగానం / ఒగ్గువాద్యం	మల్లన్న కథ
10	గొల్ల భాగవతులు	గొల్ల	భాగవతం / నాటకాలు	రామాయణ, భారత, భాగవత కథలు
11	కొమ్ము	గొల్ల	పటం ఆధారంగా కథాగానం	కాటమరాజు కథలు
12	గోత్రాలవారు	కాపు, చౌదరి, వెలమ	నాటకాలు / కథాగానం	భాగోతాలు, గోత్రాలు కీర్తించడం
13	గొల్ల సుద్దులు	గొల్ల	కథాగానం	దాసరి కథలు / యాదవ కథలు
14	పిచ్చుకకుంట్ల	గొల్ల	కథాగానం	గోత్రాలు / కథాగానం
15	తెరచీరలవారు	గొల్ల	కథాగానం	గంగమ్మకథ/గంగపూజారులు/మల్లన్న కథలు
16	గంగిరెద్దులు	ఎర్రగొల్ల	గంగిరెద్దుల ఆట	గంగిరెద్దుల ఆటలు
17	బేరి పనస	కోమటి	కథాగానం	కన్యకా పురాణం
18	వీరముష్ఠి	కోమటి	కథాగానం	ఖడ్గాలు / కన్యకాపురాణం
19	కాకిపడిగెలు	ముదిరాజులు	పటం ఆధారంగా కథాగానం	పాండవుల కథలు
20	పిచ్చుక కుంట్ల	రెడ్డి / కాపు	కథాగానం	గోత్రాలు / కుంటి మల్లారెడ్డి కథలు
21	ఆదికొడుకులు	మేదరి	కథాగానం	మేదరికథలు
22	అద్దపు	మంగలి	పటం ఆధారంగా కథాగానం	అద్దపు పురాణం
23	పెక్కర్లు	కుమ్మరి	పటం ఆధారంగా కథాగానం	గుండబ్రహ్మయ్యపురాణం
24	మాసయ్యలు	రజకులు	పటం ఆధారంగా కథాగానం	మడేలు పురాణం
25	శారద గాళ్ళు	కాపు, రెడ్డి	బుర్రకథ	శారద కథలు
26	బండారి భక్తులు	పెరక	కథాగానం	పెఱకపురాణం
27	గోంధళే వీధి భాగోతం	ఆరె	భాగవతాలు / నాటకాలు	గోంధళే నాటకాలు
28	చిందు యక్షగానం	మాదిగ	యక్షగానం	రామాయణ, భారత, భాగవత కథలు
29	డక్కలి	మాదిగ	పటం ఆధారంగా కథాగానం	జాంబపురాణం
30	బైండ్ల/బవనీలు	మాదిగ	కథాగానం	ఎల్లమ్మ కథ / మాంధాత కథ
31	నులక చందయ్యలు	మాదిగ	కథాగానం	జాంబపురాణం
32	మాదిగ బోగం / మాదిగ మాష్టీలు	మాదిగ	ఇంద్రజాలం	గారడీ విద్యలు, భాగోతాలు
33	మాల జంగాలు	మాల	కథాగానం	చెన్నయ్య కథ
34	గుర్రపు	మాల	పటం ఆధారంగా కథాగానం	భేతాళ పురాణం
35	మాల మాష్టి	మాల	కథాగానం	పండుగ సాయన్న కథలు / బేతాళ పురాణం
36	మిత్తిలి	మాల	కడ్డీతంత్రీవాద్యంతో కథాగానం	రామాయణ కథలు / నాటకాలు
37	విప్ర వినోదులు	బ్రాహ్మణులు	ఇంద్రజాలం	ఇంద్రజాల విద్యలు