స్వేచ్ఛా పతనం

వికీపీడియా నుండి
ఇక్కడికి గెంతు: మార్గసూచీ, వెతుకు
Free-fall

గురుత్వాకర్షణ క్షేత్రంలో కొంత ఎత్తునుండి వస్తువుని జారవిడిచినపుడు అది గ్రహము(భూమి) యొక్క గురుత్వాకర్షణ ప్రభావంతో క్రిందికి పడుతుంది. ఇలా పడటాన్ని స్వేచ్ఛాపతనం అందురు. ఆ వస్తువును స్వేచ్ఛా పతన వస్తువు అందురు. ఒక వస్తువు కొంత ఎత్తు నుండి స్వేచ్ఛా గా పడినపుడు దాని తొలివేగం శూన్యమవుతుంది. కాని దాని వేగం సెకనుకు 9.8 మీ/సె చొప్పున నిరంతరం పెరుగుతూ ఉంటుంది. వేగం క్రమంగా పెరుగుతుంది కనుక వేగంలో మార్పు కూడా పెరుగుతుంది. కనుక గురుత్వత్వరణం ధనాత్మకంగా తీసుకుంటాము.

ఒక వస్తువు గరిష్ట ఎత్తు నుండి స్వేచ్ఛా పతనం తో కిందికి ప్రయాణిస్తూ భూమిని చేరటాన్ని అవరోహణ కాలం అందురు

చలన సమీకరణాలు[మార్చు]

స్వేచ్ఛగా క్రిందికి పడుతున్న వస్తువుకు

తొలివేగం {(u)}=0 మీ/సె.
తుది వేగం {(v)=v}మీ/సె
త్వరణం=గురుత్వత్వరణం {(g)=g}మీ/సె2
గమన దూరం = ఎత్తు {(h)=h}మీ
అయిన దాని చలన సమీకరణాలు:


v=gt
h=\frac{1}{2}gt^2
v^2=2gh

గా రాయవచ్చు.

పైకి విసిరిన వస్తువు యొక్క గమన సమీకరణాలు[మార్చు]

ఒక వస్తువు తనంతట తానే, భూమి నుండి దూరంగా వెళ్లలేదు, ఎందుకంటే వస్తువుపై గురుత్వాకర్షణ పని చేస్తుంటుంది. కాబట్టి వస్తువు, భూమికి దూరంగా పైకి వెళ్లాలంటే, దానిపై కొంత బలాన్ని ఉపయోగించి, కొంత తొలివేగం u తో, పైకి విసరాలి. అయినా, ఒకసారి పైకి విసిరిన వస్తువు, పై వైపుకే వెళ్లక, కొంత ఎత్తుని చేరుకుని, తిరిగి భూమి వైపుకే వచ్చి పడుతుంది. దీనికి కారణం, పైకి విసిరిన వస్తువు వేగం, నెమ్మదిగా తగ్గిపోతూ చివరికి శూన్యం అయిపోతుంది. దీని కారణం పైకి విసిరిన వస్తువు ప్రయాణించే దిశకి వ్యతిరేక దిశలో, గురుత్వ త్వరణం పని చేస్తూండడమే. అందువలన పైకి విసిరిన వస్తువులపై ఋణాత్మక గురుత్వ త్వరణం '-g' పనిచేస్తుంది.

పైకి విసిరిన వస్తువుల సమీకరణాలు


v=u-gt
h=ut-\frac{1}{2}gt^2
v^2-u^2=-2gh



ఇవి కూడా చూడండి[మార్చు]

బయటి లింకులు[మార్చు]