అలారం క్లాక్

వికీపీడియా నుండి
Jump to navigation Jump to search
"కీ" తిప్పటం ద్వారా పనిచేసే సాంప్రదాయ యాంత్రక, స్ప్రింగ్ అలారం క్లాక్

అలారం క్లాక్ (Alarm clock, Alarm - అలారం) అనేది పేర్కొన్న సమయంలో వ్యక్తి లేదా వ్యక్తుల బృందాన్ని అప్రమత్తం చేసేందుకు రూపొందించిన ఒక గడియారం. ఈ గడియారాల యొక్క ప్రాధమిక ఉదేశం ప్రజలను నిద్ర నుండి మేల్కొల్పడం. ఆధునిక వ్యవస్థ లో వీటిని రిమైండర్ గా కూడా వాడుతున్నారు. నోటిఫికేషన్ కొరకు చాలావరకు గడియారాలు ధ్వనిని, కొన్ని కాంతి లేదా ప్రకంపనలను ఉపయోగిస్తాయి. ధ్వని లేదా కాంతిని ఆపివేయడానికి, గడియారంలోని ఒక బటన్ లేదా హ్యాండిల్ నొక్కాలి. చాలా గడియారాల్లో తగినంత సేపు పట్టించుకోకుండా విడిచిపెట్టినట్లయితే, అలారం స్వయంచాలిక గా ఆగిపోతుంది.

అనలాగ్ అలారం గడియారాలు[మార్చు]

ఎనలాగ్ అలారం గడియారాలలు 1500 వ సంవత్సరం నుండివున్నాయి, అయితే అవి పేటంటు చేయబడలేదు. ఇవి 19 వ శతాబ్దం చివరి వరకు విస్తృతంగా ఉపయోగించబడ్డాయి[1].సాంప్రదాయ యాంత్రిక అలారం గడియారాలు ఒకటి లేదా రెండు గంటలను కలిగి ఉంటాయి, ఇవి మెయిన్‌స్ప్రింగ్ ద్వారా మోగుతాయి, ఇవి రెండు గంటలు మధ్య లేదా ఒకే గంట లోపలి వైపుల మధ్య ఒక సుత్తిని వేగంగా ముందుకు వెనుకకు తరలించడానికి గేర్‌కు శక్తినిస్తాయి ఆ సుత్తి గంటలను కొడుతుంది.కొన్ని నమూనాల్లో, గడియారం యొక్క వెనుక భాగంలో మెటల్ కవర్ కూడా గంట వలె పనిచేస్తుంది. ఎలక్ట్రానికల్ ఆపరేటెడ్ బెల్-స్టైల్ అలారం క్లాక్ లో, ఒక విద్యుదయస్కాంత వలయం ద్వారా గంట మోగుతుంది.బరువు లేదా స్ప్రింగ్ కిందకు పరిగెత్తే వరకు అలారం మోగవచ్చు, లేదా ఆపటాని మీట ఉండవచ్చు.

డిజిటల్ అలారం గడియారాలు[మార్చు]

డిజిటల్ అలారం గడియారాలు గంటలే కాకుండా ఇతర శబ్దాలు చేయగలవు. విద్యుత్తు(బ్యాటరీ) తో నడిచే ఈ అలారం గడియారాలు మేల్కొలపడానికి పెద్దగా ద్వని చేస్తాయి లేదా వినిపిస్తాయి, ఇప్పుడు మార్కెటులొ ఉన్న చాలా రకాలు అయిన డిజిటల్ అలారం గడియారాలు శబ్దాలు మాట్లాడగలవు, నవ్వగలవు, పాడగలవు , మనం రికార్దు చేసిపెట్టుకున్న సంగీతం అలారంగా వినిపించ గలవు.

చరిత్ర[మార్చు]

మానవులు కొన్ని వేల సంవత్సరాలుగా సమయానికి మేల్కొవటానికి మార్గాలను వెతుకుతున్న ఆధారాలు ఉన్నాయి. 725 సంవత్సరానికి చెందిన, యి జింగ్ యొక్క అలారం గడియారం ప్రపంచంలోని మొట్టమొదటి రికార్డ్ పరికరాలలో ఒకటి. క్రీస్తుపూర్వం 4 వ శతాబ్దంలో ప్లేటో తాను మేల్కొనేటందుకు నీటి గడియారంతో ఉపయోగించేవాడు[2].ఇంటి కొరకు యాంత్రిక గడియారాలు 13 వ శతాబ్దం మొదట్లోనే తయారు చేయబడి ఉండవచ్చు[3].1787 లో అమెరికాకు చెందిన లెవీ హట్చిన్స్ వ్యక్తిగత అలారం ( మెకానికల్ అలారం )పరికరాన్ని కనుగొన్నాడు కానీ తన ఆవిష్కరణకు పేటెంట్ ఇవ్వలేదు. అర్ధ శతాబ్దం తరువాత, ఫ్రెంచ్ వ్యక్తి ఆంటోయిన్ రెడియర్ 1847 లో సర్దుబాటు చేయగల అలారం గడియారాన్ని పేటెంట్ చేసిన మొదటి వ్యక్తి అయ్యాడు. సర్దుబాటు చేయగల ఈ అలారం గడియారం మేల్కొనే సమయాన్ని ఎంపిక చేయడానికి వినియోగదారుని అనుమతించింది. అలా అనేక ఆసక్తికరమైన అలారం గడియారాలు సంవత్సరాలుగా తయారు చేయబడ్డాయి.

మూలాలు[మార్చు]

  1. "How does an analog alarm clock work". Bagby (in ఆంగ్లం). Archived from the original on 2020-06-09. Retrieved 2020-06-09.
  2. Russo, Naomi (2016-04-21). "A 2,000-Year History of Alarm Clocks". Atlas Obscura (in ఆంగ్లం). Retrieved 2020-06-09.
  3. "Alarm Clock History". clockhistory.com. Archived from the original on 2020-06-09. Retrieved 2020-06-09.