ఎస్.సోమసుందరం
| మదురై ఎస్.సోమసుందరం | |
|---|---|
 మదురై సోము | |
| వ్యక్తిగత సమాచారం | |
| జన్మ నామం | ఎస్.పరమశివం |
| జననం | 1919 ఫిబ్రవరి 19 |
| మరణం | 1989 డిసెంబరు 9 (వయసు 70) |
| సంగీత శైలి | కర్ణాటక సంగీతం |
| వాయిద్యాలు | గాత్రం |
| క్రియాశీల కాలం | 1934-1989 |
మదురై ఎస్.సోమసుందరం (ఫిబ్రవరి 9, 1919 – డిసెంబర్ 9, 1989) ఒక కర్ణాటక గాత్రసంగీత విద్వాంసుడు.[1]
విశేషాలు[మార్చు]
ఇతని అసలు పేరు పరమశివం. ఇతడు 1919, ఫిబ్రవరి 9న సచ్చిదానందం పిళ్ళై, కమలంబాళ్ దంపతులకు 10వ సంతానంగా జన్మించాడు. ఇతని తాత శ్రీనివాస పిళ్ళై నాదస్వర విద్వాంసుడు. ఇతని తండ్రి సచ్చిదానందం పిళ్ళై న్యాయస్థానంలో గుమాస్తాగా పనిచేసేవాడు. ఇతని కుటుంబం మొదట స్వామిమలైలో నివసించేది. తన తండ్రికి మదురై బదిలీ కావడంతో మదురైకి మకాం మార్చాడు. తన సోదరులతో కలిసి ఇతడు ముత్తు ఒడయార్ వద్ద కర్రసాము, కుస్తీ నేర్చుకున్నాడు. ఇతని తల్లి తన కుమారుడికి నాదస్వరం నేర్పించాలని భావించింది. ఐతే ఇతడు గాత్ర సంగీతంవైపు మొగ్గు చూపాడు. ఇతడు మదురై దేవాలయంలో నారాయణ కోనర్ ఆలపించే భజనల పట్ల ఆకర్షితుడయ్యాడు. ఇతడు తన సంగీతాన్ని సేతు సుందరేశ భట్టర్ వద్ద ప్రారంభించాడు. తరువాత మదురై లక్ష్మణ చెట్టియార్, శేషం భాగవతార్, అభిరామి శాస్త్రియర్, మదురై తిరుప్పుగళ్ మణి, చిత్తూరు సుబ్రహ్మణ్యం పిళ్ళైల వద్ద తన సంగీతాన్ని మెరుగు పరుచుకున్నాడు. ఇతడు 1934లో తిరుచందూరు దేవస్థానంలో సోమసుందరేశ్వరుని సన్నిధిలో తన మొదటి కచేరీని చేశాడు. ఆ దేవుని ఆశీస్సులు ఉండాలని ఇతని తల్లి ఇతని పేరును పరమశివం నుండి "సోమసుందరం"గా మార్చింది.[1]
పురస్కారాలు[మార్చు]
ఇతనికి భారతప్రభుత్వం 1976లో పద్మశ్రీ పురస్కారాన్ని ఇచ్చి సత్కరించింది.[2]కేంద్ర సంగీత నాటక అకాడమీ 1978లో కర్ణాటక గాత్ర సంగీత విభాగంలో అవార్డు ప్రకటించింది.[3] 1983లో ది ఫైన్ ఆర్ట్స్ సొసైటీ, చెన్నై ఇతడిని సంగీత కళాశిఖామణి బిరుదుతో గౌరవించింది.[4] అన్నామలై విశ్వవిద్యాలయం ఇతడిని గౌరవ డాక్టరేటుతో సత్కరించింది.[5]
మూలాలు[మార్చు]
- ↑ 1.0 1.1 Venkatraman, Shankar (2019-07-11). "The incomparable genius of Madurai Somu". The Hindu (in Indian English). ISSN 0971-751X. Retrieved 2019-10-13.
- ↑ "List of Padma Shri award recipients (1970–1979)", Wikipedia (in ఇంగ్లీష్), 2019-03-22, retrieved 2019-05-29
- ↑ "Sangeet Natak Akademi Award", Wikipedia (in ఇంగ్లీష్), 2019-05-27, retrieved 2019-05-29
- ↑ "Welcome to The Indian Fine Art Society". www.theindianfineartssociety.com. Archived from the original on 2018-09-26. Retrieved 2019-05-29.
- ↑ Says, Govinda Lal Baba. "Madurai Somasundaram – Legend 1 – Compiled by Sashi Kulkarni & T.V. Ramprasadh | eAmbalam" (in అమెరికన్ ఇంగ్లీష్). Retrieved 2019-05-29.
బయటి లింకులు[మార్చు]
- All about 'isai perarignar' Madurai Somu Archived 2019-07-25 at the Wayback Machine
- About Madurai Somu
- Madurai Somu Artist
- Madurai Somu
- [1] Archived 2019-12-23 at the Wayback Machine