ఐటీసీ గ్రాండ్ చోలా హోటల్

వికీపీడియా నుండి
Jump to navigation Jump to search
ITC Grand Chola
225px
Chennai skyline.JPG
Grand Chola (centre), amidst surrounding buildings
హోటల్ చైన్ITC Welcomgroup Hotels, Palaces and Resorts
సాధారణ సమాచారం
ప్రదేశంChennai, India
చిరునామా63, Anna Salai, Guindy
Chennai, Tamil Nadu 600 032
ప్రారంభం15 September 2012
యజమానిITC Hotels
యాజమాన్యంITC Welcomgroup
ఎత్తు49 m (161 ft)
సాంకేతిక విషయములు
అంతస్థుల సంఖ్య15
నేల వైశాల్యం1,624,000-square-foot (150,900 మీ2)
రూపకల్పన మరియు నిర్మాణం
వాస్తు శిల్పిSRSS Architects (Singapore)
అభివృద్ధికారకుడుLarsen & Toubro
ఇతర విషయములు
గదుల సంఖ్య600
సూట్ల సంఖ్య14
రెస్టారెంట్ల సంఖ్య10
పార్కింగ్800 cars
జాలగూడు
itchotels.in/ITCGrandChola

భారత దేశంలో అతి విలాసవంతమైన హోటల్ చెన్నై నగరంలో ఐటీసీ గ్రాండ్ చోలా ఫైవ్ స్టార్ హోటల్. ప్రపంచంలోనే అతిపెద్ద లీడ్ సంస్థ నుంచి గ్రీన్ హోటల్ సర్టిఫికెట్ అందుకున్న హోటల్ ఇది. ముంబయిలోని గూండీ ప్రాంతంలోని ఎస్.పి.ఐ.సి.[1] భవనం ఎదురుగా అశోకా లే లాండ్ టవర్స్ ఉన్న వరుసలోనే ఈ హోటల్ కూడా ఉంటుంది. సింగపూర్ కు చెందిన ప్రముఖ ఎస్ఆర్ఎస్ఎస్ అనే నిర్మాణ సంస్థ చోలా హోటల్ ను డిజైన్ చేసింది. చోల సామాజ్యం, ద్రవిడుల నిర్మాణ కౌశలాన్ని మేలవించి ఆనాటి సంప్రదాయాలను గుర్తుకు తెచ్చేలా మూడు విభాగాలను డిజైన్ చేశారు. ఇది స్టార్ వుడ్ హోటళ్ల సముదాయంలోనే... తొమ్మిదవ “విలాసమైన కలెక్షన్లు” చేసే హోటల్ గా గుర్తింపు పొందింది.1,600,000 చదరపు అడుగుల భారీ వైశాల్యం ఉన్న స్థలంలో ఈ హోటల్ ను నిర్మించారు. భారతదేశంలోనే ఒంటరి నిల్చొన్న అతి పెద్ద హోటల్ గా ఐటీసీ గ్రాండ్ చోలా హోటల్ పేరు గడించింది.[2] రూ. 12,000 మిలియన్ల భారీ మొత్తాన్ని ఈ హోటల్ నిర్మాణం కోసం ఖర్చు చేసారు.

చరిత్ర[మార్చు]

ఐటీసీ సంస్థ హోటళ్ల విభాగంలోకి ప్రవేశించిన తర్వాత తొలిసారిగా మద్రాస్(చెన్నై) లో చోలా షెరటాన్ హోటల్ ను ప్రారంభించింది. దీని పేరును ఇటీవలే మై ఫార్చూన్ గా మార్చారు. చెన్నైలోని అన్నా సాలై ఏరియాలో ఉన్న క్యాంపాకోలా క్యాంపస్ లోని 8 ఎకరాల స్థలాన్ని రూ. 800 మిలియన్ల ఖర్చుతో 2000 సంవత్సరంలో ఐటీసీ హోటళ్ల గ్రూపు కొనుగోలు చేసింది. భారీ పెట్టుబడుల్లో భాగంగా సంస్థ ఛైర్మన్ వై.సి.దేవేశ్వర్ అప్పట్లో రూ. 8,000-10,000 మిలియన్ల రూపాయలతో ప్రాథమికంగా హోటల్ నిర్మాణం చేపట్టాలని భావించారు. సెప్టెంబర్ 15, 2012లో అప్పటి తమిళనాడు ముఖ్యమంత్రి జయలలిత ఈహోటల్ ను ప్రారంభించారు.[3] షరటాన్ చోలా హోటల్ ఆ తర్వాత తన చిరునామాను మార్చుకుని ఐటీసీ గ్రాండ్ చోలా పేరుతో ప్రారంభమైంది.

నిర్మాణ కౌశలం[మార్చు]

దక్షిణ భారత దేశంలోని దేవాలయాల్లో మాదిరిగా సరిగ్గా అలాంటి నిర్మాణ కౌశల్యాన్ని(ఆర్కిటెక్చర్)ను ఈ హోటల్ పోలి ఉంటుంది. “వల్లవాన్(ఉత్తరం)”, “సెంబియాన్(తూర్పు)”, “కిల్లి(పడమర)” మరియ “చోల(దక్షిణం)” పేర్లతో నాలుగు సూట్లు ఇందులో ఉన్నాయి. ఇవిగాకుండా 43 ఏక పడక గదులు, 33 రెండు గదులు మరియు 2 రెండు పడక గదుల అపార్టుమెంట్లు ఉన్నాయి. పొడవైన స్థంబాలతో, వేలాడే మెట్లతో అచ్చమైన ఆలయ నిర్మాణాలను తలపిస్తుంది ఈ హోటల్.[4]

ఆహ్లాదకర వాతావరణం[మార్చు]

గ్రాండ్ చోలా హోటల్ పర్యావరణ పరిరక్షణకు, చెట్ల పెంపకానికి అధిక ప్రాధాన్యమిస్తోంది. హోటల్ నుంచి వెలునీటిని తిరిగి వాడుకునే విధంగా ఏర్పాట్లు చేసుకుంది. హోటల్ అవసరాల కోసం 12.6 మెగావాట్ల సామర్థ్యం గల పవన విద్యుత్ ను సొంతంగా ఏర్పాటు చేసుకుంది.[4] హోటల్ కోసం వాడుకోగా మిగిలిన విద్యుత్ ను తమిళనాడు విద్యుత్ బోర్డుకు సరఫరా చేస్తోంది.[5] హార్టమన్ లూప్ సాంకేతిక పరిజ్ఞానంతో వేడినీటిని తయారు చేసుకోవడం, ఏసీ లు నడిపేందుకు వాడుతున్నారు.[4] నీటిని సద్వినియోగం చేసుకునేందుకు ప్రత్యేక ఏర్పాట్లు చేసింది.

సౌకర్యాలు[మార్చు]

అధునాతన సౌకర్యాలతో ఉన్న ఐ.టి.సి. గ్రాండ్ చోలా హోటల్లో మొత్తం 600గదులున్నాయి. 1,600,000 చదరపు అడుగుల(150,000 చ.మీ) నిర్మాణ వైశాల్యం దీని సొంతం. విశాలమైన మైదానం, 100,000చ. అడుగుల వైశాల్యంలో కాన్ఫె రెన్స్ హాల్, 26, 540 చదరపు అడుగుల వైశాల్యంతో రాజేంద్ర హాల్ పేరుతో అతి తక్కువ పిల్లర్లు విందుగది వంటి అనేక ప్రత్యేకతలున్నాయి.[4] అంతర్జాతీయ స్థాయిలో గ్రీన్ భవనాలకు అవార్డులు అందించే శక్తి మరియు పర్యావరణ డిజైన్(ఎల్.ఇ.ఇ.డి.) సంస్థ నుంచి ప్లాటినమ్ రేటింగ్ పొందిన హోటల్ ఇది. ప్రపంచంలో ప్రస్తుతానికి ప్రపంచంలోనే గ్రీన్ హోటల్ అవార్డు పొందిన అతి పెద్ద హోటల్ ఇదే.[6] త్వరలోనే హోటల్ పై అంతస్తు డాబాపై హెలిపాడ్ నిర్మాణానికి కూడా యాజమాన్యం యోచిస్తోంది అవార్డులు మరియు రేటింగ్స్ [7]

గ్రాండ్ చోలా హోటల్ అనుసరిస్తున్న పర్యావరణ రక్షణ చర్యలకు గానూ 2013 ఫిబ్రవరిలో 5 స్టార్ జి.ఆర్.ఐ.హెచ్.ఎ. రేటింగ్ గల అవార్డును “ది ఎనర్జీ రీసెర్చ్ ఇనిస్టిట్యూట్(టి.ఇ.ఆర్.ఐ.)” నుంచి పొందింది. మరియు యూనియన్ మినిస్ట్రీ ఆఫ్ న్యూ అండ్ రిన్యూవబుర్ ఎనర్జీ (ఎం.ఎన్.ఆర్.ఇ.) తరపున రాష్ట్ర పతి ప్రణబ్ ముఖర్జీ చేతుల మీదుగా కూడా ఈ హోటల్ ఆవార్డును అందుకుంది.[8] ఇవిగాక ఎన్నో అవార్డులు, రివార్డులు పొందిన విఖ్యాత హోటల్ గా గ్రాండ్ చోలా హోటల్ పేరు గడించింది.[9]

వీటిని కూడా చూడండి[మార్చు]

బయటి లింకులు[మార్చు]

సూచనలు[మార్చు]

  1. "ITC flags off world's largest green hotel". The Hindu (Chennai: The Hindu). 16 Apr 2012. Retrieved 16 Apr 2012. Cite web requires |website= (help)
  2. Sanjai, P. R. "The Grand Chola Scheme Of Things". Executive Traveller (Exec—Executive Traveller). Retrieved 16 Sep 2012. Cite web requires |website= (help)
  3. "ITC inaugurates Rs 1,200 crore Grand Chola hotel in Chennai". The Economic Times (Chennai: The Times Group). 15 September 2012. Retrieved 16 Sep 2012. Cite web requires |website= (help)
  4. 4.0 4.1 4.2 4.3 Sridhar, Vijayalakshmi. "Project of the month : A Citadel in the City". Chennai Realty.biz. Retrieved 31 Mar 2013. Cite web requires |website= (help)
  5. Daswani, Divia Thani (18 September 2012). "Sneak peak: ITC Grand Chola Chennai". Conde Nast Traveller (Chennai: CNTraveller.in). Retrieved 5 Apr 2014. Cite web requires |website= (help)
  6. "ITC Grand Chola Chennai Hotel". Cleartrip.com. Cite web requires |website= (help)
  7. "ITC Grand Chola Hotel". CRN.co.in. Retrieved 5 Apr 2014. Cite web requires |website= (help)
  8. Law, Abhishek (15 February 2013). "ITC Grand Chola, Chennai gets 5-star GRIHA rating". The Hindu (Kolkata: The Hindu). Retrieved 17 Feb 2013. Cite web requires |website= (help)
  9. "Hotel plea to erect helipad rejected". The Hindu (Chennai: The Hindu). 28 October 2011. Retrieved 20 Nov 2011. Cite web requires |website= (help)