కాన్సాస్ సిటీ హిందూ దేవాలయం
| కాన్సాస్ సిటీ హిందూ దేవాలయం | |
|---|---|
| ప్రదేశం | |
| దేశం: | యునైటెడ్ స్టేట్స్ |
| రాష్ట్రం: | కాన్సాస్ |
| ప్రదేశం: | షావ్నీ |
| అక్షాంశ రేఖాంశాలు: | 39°00′47″N 94°45′43″W / 39.013117°N 94.762028°W |
కాన్సాస్ సిటీ హిందూ దేవాలయం, మిస్సోరి రాష్ట్రం, కాన్సాస్ సిటీ మెట్రోపాలిటన్ ప్రాంతంలోని ఉన్న ఒక హిందూ దేవాలయం.
చరిత్ర[మార్చు]
1982లో స్థానిక హిందూ, జైన ప్రజలు హిందూ దేవాలయం ఆవశ్యకత గురించి చర్చించి జాన్సన్ కౌంటీలో ఒక హిందూ దేవాలయాన్ని నిర్మించేందుకు ప్రణాళికలు వేశారు. 4 కుటుంబాలు హిందూ దేవాలయ నిర్మాణంకోసం ఒక సంస్థను స్థాపించడానికి అభ్యర్థనలు పంపడంతోపాటు, దేవాలయం నిర్మించబడే స్థలాన్ని కొనుగోలు చేయడానికి విరాళాలు అడిగారు. 1983 మేలో ఐఆర్ఎస్ ద్వారా మతపరమైన సంస్థగా గుర్తించబడింది. పన్ను మినహాయింపు హోదా కూడా ఇవ్వబడింది.[1] కాన్సాస్ నగర ప్రాంతంలో ఎక్కువమంది హిందువులు నివసించే ప్రాంతానికి దగ్గరగా ఉన్న ప్రాంతంలో 5 ఎకరాల భూమిని కొనుగోలు చేసారు.[2] 1985 అక్టోబరు 27న శంకుస్థాపన కార్యక్రమంతో దేవాలయ నిర్మాణం ప్రారంభమై 1988 మే 22న వేలాదిమంది హిందూ భక్తుల సమక్షంలో ప్రారంభోత్సవం జరిగింది. భారతదేశం నుండి అనేక దేవతామూర్తుల విగ్రహాలు దిగుమతి చేయబడ్డాయి. దేవాలయం లోపల, బయట వివిధ హిందూ & జైన దేవతలు బొమ్మలు చెక్కబడ్డాయి. 1991 ఏప్రిల్ లో దేవాలయ రూపకల్పన పూర్తయింది.[3] అన్ని హిందూ పండుగలు ఇక్కడ జరుపబడుతాయి.
పూజలు[మార్చు]
చతురస్రాకారంలో ఉన్న ఈ దేవాలయంలో దేవతామూర్తులకు ప్రత్యేకంగా చిన్నచిన్న గుడులు ఉన్నాయి. 16 భాషల్లో పూజాసేవలు ఉన్నాయి. నియమిత రుసుముతో దేవాలయం బయట హిందూ ఆచారాలతో ప్రత్యేక పూజలు నిర్వహిస్తారు.[4] ఇక్కడ తరగతి గదులు, ఫలహారశాల, వంటగది కూడా ఉన్నాయి.
సేవా కార్యక్రమాలు[మార్చు]
ప్రపంచవ్యాప్తంగా ప్రకృతి వైపరీత్యాల బాధితుల సహాయార్థం దేవాలయ యువజన బృందం ఆధ్వర్యంలో అనేక స్వచ్ఛంద కార్యక్రమాలు, నిధుల సేకరణ జరుగుతాయి. 2010 హైతీ భూకంపం బాధితుల కోసం $6,000 పైగా విరాళాలు సేకరించింది.[5]
మూలాలు[మార్చు]
- ↑ "Hindu Temple and Cultural Center of Kansas City Inc". charity navigator. Retrieved 2 February 2022.
- ↑ Jain, K Swaran. "Temple History". htccofkc. Retrieved 2 February 2022.
- ↑ "Hindu Temple and Cultural Center of Kansas City". templesinindiainfo. Retrieved 2 February 2022.
- ↑ "Hindu Temple and Cultural Center of Kansas City". pluralism. Archived from the original on 6 ఫిబ్రవరి 2020. Retrieved 2 February 2022.
- ↑ Shepherd, Sara (3 November 2010). "At Shawnee temple, Kansas City's Hindus at home in their community". shawneedispatch. Archived from the original on 2 ఫిబ్రవరి 2022. Retrieved 2 February 2022.