గేమ్ ఆఫ్ థ్రోన్స్

వికీపీడియా నుండి
Jump to navigation Jump to search
గేమ్ ఆఫ్ థ్రోన్స్
Genre
  • ఫాంటసీ * సీరియల్ డ్రామా
Created by
  • డేవిడ్ బెనియాఫ్ * డి.బి.వీస్
Based onఎ సాంగ్ ఆఫ్ ఐస్ అండ్ ఫైర్ 
by జార్జ్ ఆర్. ఆర్. మార్టిన్
Theme music composerరామిన్ జావేది
Opening themeమెయిన్ టైటిల్
Composerరామిన్ జావేదీ
Country of originఅమెరికా
Original languageఆంగ్లం
No. of seasons6
No. of episodes60
Production
Executive producers
  • డేవిడ్ బెనియాఫ్f * డి. బి. వీస్ * కారొలిన్ స్ట్రాస్ * ఫ్రాంక్ డాల్గర్ * బెర్నెడెట్టే * జార్జ్ ఆర్. ఆర్. మార్టిన్
Production locations
  • కెనడా * క్రొయేషియా * ఐస్ లాండ్ * మాల్టా * మొరాకో * స్పెయిన్ * యునైటెడ్ కింగ్ డమ్ * యునైటెడ్ స్టేట్స్
Running time50–69 నిమిషాలు
Production companies
  • టెలివిజన్ 360 * గ్రాక్! టెలివిజన్ * జనరేటర్ ఎంటర్టైన్మెంట్ * స్టార్ట్లింగ్ టెలివిజన్ * బిగ్ హెడ్ లిటిల్ హెడ్
Distributor
  • హెచ్.బి.వో. ఎంటర్ప్రైజెస్ * వార్నర్ బ్రదర్స్ టెలివిజన్ డిస్ట్రిబ్యూషన్ * వార్నర్ హోమ్ వీడియో (బ్లూరే, డీవీడీ)
Release
Original networkహెచ్.బి.వో.
Picture format1080ఐ (16:9 హెచ్.డి.టి.వి)
Audio formatడాల్బీ డిజిటల్ 5.1
Original release2011 ఏప్రిల్ 17 (2011-04-17) –
present
External links
Website
Production website

గేమ్ ఆఫ్ త్రోన్స్ అన్నది డేవిడ్ బెనియాఫ్, డి.బి.వైస్ సృష్టించిన అమెరికన్ ఫేంటసీ డ్రామా టీవీ సీరీస్. జార్జ్ ఆర్. ఆర్. మార్టిన్ రాసిన ఫాంటసీ నవలల సీరీస్ ని స్వీకరించి ఈ టీవీ సీరీస్ తీశారు. బెల్ ఫాస్ట్ లోని టైటానిక్ స్టూడియోస్ లోనూ, యునైటెడ్ కింగ్ డమ్, కెనడా, క్రొయేషియా, ఐస్ లాండ్, మాల్టా, మొరాకో, స్పెయిన్, యునైటెడ్ స్టేట్స్ వంటి పలు దేశాల్లోని లొకేషన్లలో చిత్రీకరించారు. సీరీస్ అమెరికా వ్యాప్తంగా హెచ్.బి.వో. చానెల్లో 2011 ఏప్రిల్ 17న ప్రసారం కావడం ప్రారంభం కాగా, ఆరవ సీజన్ 2016 జూన్ 26న ముగిసింది. సీరీస్ లో 7వ సీజన్,[1] 2017 జూలై 16 నుంచి ప్రసారం కానుండగా,[2] 2018లో ఎనిమిదవ సీజన్ తో సీరీస్ ముగియనుంది.[3]

వెస్టెరోస్, ఎస్సోస్ అన్న కల్పిత ఖండాల్లో జరిగినట్టు ఏర్పాటుచేసిన గేమ్ ఆఫ్ త్రోన్స్ కథనంలో అనేక అనేక కథాంశాలు, భారీ తారాగణం ఉన్నాయి. మొదటి కథా క్రమం ఏడు రాజ్యాల సింహాసనం (ఐరన్ త్రోన్) కోసం వివాదించే హక్కుదార్లు, సింహాసనం నుంచి స్వాతంత్రం, సార్వభౌమత్వం  కోసం పోరాడే సామంతులతో కలిసివుంటుంది. రెండో కథా క్రమంలో సింహాసన భ్రష్టులైన పూర్వ రాజవంశానికి సంబంధించిన వారసుల్లో మిగిలినవారు ప్రవాసంలో జీవిస్తూ సింహసనాన్ని తిరిగి పొందాలని చేసే ప్రయత్నాలు ఉంటాయి. మూడోదానిలో ప్రమాదకరమైన చలికాలం వస్తూండడం, ఉత్తరాదికి చెందిన భయంకరమైన వింత జీవులు, ప్రచండమైన మనుషుల ప్రమాదం ముంచుకురావడం సాగుతుంటుంది.

గేమ్ ఆఫ్ త్రోన్స్ హెచ్.బి.వో. చానెల్ లో రికార్డు స్థాయిలో వీక్షకులను పొంది, అంతర్జాతీయంగా విస్తారమైన అభిమానులను కలిగివుంది. నటన, సంక్లిష్టమైన పాత్రలు, కథ, విస్తృతికి అవకాశం, నిర్మాణ విలువలు వంటివాటికి విమర్శకుల ప్రశంసలు పొందింది. మరోవైపు సీరీస్ లో నగ్నత, హింస (లైంగిక హింసతో సహా) ఉపయోగం వల్ల విమర్శల పాలైంది. అత్యుత్తమ డ్రామా సీరీస్ పురస్కారాలు (2015, 16 సంవత్సరాలకు గాను) సహా సీరీస్ 38 ప్రైమ్ టైమ్ ఎమ్మా పురస్కారాలు పొందింది. స్క్రిప్ట్ ఆధారితమైన ప్రైమ్ టైమ్ సీరీస్ ల్లో ఇదే అతిఎక్కువ పురస్కారాలు పొందింది. గోల్డెన్ గ్లోబ్ పురస్కారాల్లో అత్యుత్తమ టెలివిజన్ సీరీస్ - డ్రామాకు నాలుగు నామినేషన్లు (2012, 2015, 2016, 2017) పొందింది. తారాగణంలో టైరియన్ లానిస్టర్ పాత్రలో పీటర్ డింక్లిజ్ నటనకు గాను రెండు ప్రైమ్ టైమ్ ఎమ్మీ పురస్కారాల్లో అత్యుత్తమ సహాయ నటుడు (డ్రామా) పురస్కారం (2011, 2015), 2012లో గోల్డెన్ గ్లోబ్ ఉత్తమ సహాయ నటుడు (సీరీస్, టెలివిజన్ ఫిల్మ్) పురస్కారం అందుకున్నారు. లీనా హేడే, ఎమిలియా క్లార్క్, కిట్ హారింగ్టన్, మైసీ విలియమ్స్, డయానా రిగ్, మాక్స్ వాన్ సిడో సీరీస్ లో వారి నటనకు ప్రైమ్ టైమ్ ఎమ్మీ పురస్కారం నామినేషన్లు పొందారు.

నేపథ్యం[మార్చు]

దస్త్రం:Game of Thrones Oslo exhibition 2014 - Weapons.jpg
గేమ్ ఆఫ్ త్రోన్స్ సీరీస్లో ప్రధానమైన థీమ్స్ - అధికారం, హింస. సీరీస్ కోసం రూపకల్పన చేసిన ఆయుధాల్లో ఇది ప్రతిఫలిస్తుంది. (వాటిలో కొన్నిటిని ఇక్కడ చూడొచ్చు)

కాల్పనిక ప్రపంచం[మార్చు]

ఎ సాంగ్ ఆఫ్ ఐస్ అండ్ ఫైర్ నవలల సీరీస్ లో వెస్టెరోస్ కాల్పనిక ఖండంలోని ఏడు రాజ్యాలు, మరో కాల్పనిక ఖండమైన ఎసోస్ లో జరిగే కథాంశం గేమ్ ఆఫ్ త్రోన్స్ టెలివిజన్ సీరీస్ కు చాలావరకూ ఆధారం.[4][5] సీరీస్ రాజ్యానికి చెందిన రాజవంశీకుల మధ్య సింహాసనం కోసం పోరాటాన్ని, మిగతా కుటుంబాలు దాని నుంచి స్వాతంత్రం కోసం పోరాటాన్ని చేయడం చిత్రీకరిస్తుంది. మంచుతో గడ్డకట్టుకుపోయిన ఉత్తరం, తూర్పున ఎసోస్ ప్రాంతాల నుంచి అదనపు ప్రమాదాలు దీంట్లో పొడసూపుతూంటాయి.[6]

2012లో 40 ఇటీవలి అమెరికన్ టీవీ డ్రామా సీరీస్ ల మీద ఎపిసోడ్ కి సగటున ఎన్ని మరణాలు చూపిస్తున్నారన్న అంశంపై జరిగిన ఒక అధ్యయనంలో గేమ్ ఆఫ్ త్రోన్స్ రెండవ స్థానం పొందింది. (సగటున 14 మరణాలతో).[7]

థీమ్స్[మార్చు]

సీరీస్ మధ్యయుగాల వాస్తవికతను ప్రతిబింబిస్తున్నందుకు ప్రశంసలు పొందింది.[8] జార్జ్ ఆర్.ఆర్. మార్టిన్ కథను సమకాలీన ఫాంటసీలా కాక చారిత్రిక కల్పనలా అనిపించేందుకు తగ్గ విధంగా రూపకల్పన చేశారు. మాయ మంత్రజాలాలకు తక్కువ ప్రధాన్యత, యుద్ధాలకు, రాజకీయ తంత్రానికి ఎక్కువ ప్రాధాన్యత ఇచ్చారు. ఎపిక్ ఫాంటసీ జాన్రాలో మాయాజాలాన్ని కొంతవరకే ఉపయోగించాలన్న దృక్పథంతో ఇలా చేశారు.[9][10][11] బెనియాఫ్ అనే విమర్శకుడు - జార్జ్ కటువైన వాస్తవికతను హై ఫాంటసీలోకి తీసుకువచ్చాడు. నలుపు-తెలుపుల ఊహా ప్రపంచంలోకి గ్రే ఛాయలు తీసుకువచ్చాడని పేర్కొన్నాడు.

మంచి-చెడుల మధ్య పోరాటం అన్నది ఫాంటసీ జాన్రాలో సాధారణమైన థీమ్, కానీ అది నిజజీవితానికి ప్రతిబింబం కాదంటాడు రచయిత మార్టిన్.[12] నిజజీవితంలో మంచిగానూ, దుర్మార్గంగానూ కూడా అదే మనిషి ఉండగలిగినట్టుగా, విముక్తి గురించి ప్రశ్నలు, పాత్రల మార్పుల గురించీ మార్టిన్ అన్వేషించసాగాడు.[13] చాలా ఫేంటసీలకు భిన్నంగా ఈ సీరీస్ వివిధ పాత్రలను వాటి వాటి దృక్కోణాల నుంచి చూసేందుకు వీలిస్తుంది. కాబట్టి ప్రతినాయకులు కూడా కథను వారి వైపు నుంచి చెప్పే వీలు దొరుకుతుంది.[14]

References[మార్చు]

  1. Hibberd, James (July 18, 2016). "Game of Thrones: HBO announces summer return, 7 episodes". Entertainment Weekly. Retrieved July 18, 2016.
  2. Roots, Kimberly (March 9, 2017). "Game of Thrones Season 7 Premiere Date (Finally) Set at HBO". TVLine. Retrieved March 9, 2017.
  3. "Game of Thrones to end after season eight in 2018". BBC News. July 30, 2016. Retrieved July 31, 2016.
  4. Fleming, Michael (January 16, 2007). "HBO turns Fire into fantasy series". Variety. Archived from the original on May 16, 2012. Retrieved March 2, 2010.
  5. Cogman, Bryan (November 6, 2014). Inside HBO's Game of Thrones. Orion. p. 4. ISBN 978-1-4732-1040-0. Retrieved November 6, 2016.
  6. Martin, George R. R. (July 16, 2010). "From HBO". Not a Blog. Retrieved March 14, 2013.
  7. O'Connell, Michael (May 22, 2012). "'Game of Thrones' Topped by 'Spartacus: Vengeance' as TV's Deadliest Series". The Hollywood Reporter. Archived from the original on June 29, 2016. Retrieved May 23, 2012.
  8. Orr, David (August 12, 2011). "Dragons Ascendant: George R. R. Martin and the Rise of Fantasy". The New York Times. Archived from the original on 2013-03-28. Retrieved August 22, 2016.
  9. Richards, Linda (January 2001). "January interview: George R.R. Martin". January Magazine. Retrieved August 22, 2016.
  10. Itzkoff, Dave (April 1, 2011). "His Beautiful Dark Twisted Fantasy: George R. R. Martin Talks Game of Thrones". The New York Times. Retrieved August 22, 2016.
  11. Cogman, Bryan (November 6, 2014). Inside HBO's Game of Thrones. Orion. p. 7. ISBN 978-1-4732-1040-0. Retrieved November 6, 2016.
  12. Gevers, Nick (December 2000). "Sunsets of High Renown – An Interview with George R. R. Martin". Infinity Plus. Retrieved August 22, 2016.
  13. "The battle between good and evil reigns – Martin talks about new series Game of Thrones". The Guardian. June 11, 2011. Retrieved August 22, 2016.
  14. Baum, Michele Dula (April 11, 2001). "A Song of Ice and Fire – Author George R.R. Martin's fantastic kingdoms". CNN. Retrieved August 22, 2016.