గోగులమూడి

వికీపీడియా నుండి
Jump to navigation Jump to search
గోగులమూడి
—  గ్రామం  —
రాష్ట్రం ఆంధ్రప్రదేశ్
జిల్లా గుంటూరు
మండలం పెదనందిపాడు
ప్రభుత్వము
 - సర్పంచి శ్రీమతి కట్టా సునీత
పిన్ కోడ్ 522015
ఎస్.టి.డి కోడ్ 0863

గోగులమూడి గుంటూరు జిల్లా పెదనందిపాడు మండలానికి చెందిన గ్రామం. పిన్. కోడ్ నం. 522 015., ఎస్టీడీ కోడ్ = 0863.

గ్రామములోని విద్యాసౌకర్యాలు[మార్చు]

జిల్లా పరిషత్తు ఉన్నత పాఠశాల.

గ్రామ పంచాయతీ[మార్చు]

  1. గోగులమూడి సర్పంచి పదవికి, ఏకగ్రీవం ఆనవాయితీగా ఉంది. గతంలో శ్రీ చిగురుపాటి వీరయ్య చౌదరి సర్పంచిగా ఏకగ్రీవంగా ఎన్నికైనారు. వీరు 1962 నుండి 1988 వరకూ సర్పంచిగా పనిచేసారు. ఇందులో రెండు సార్లు ఏకగ్రీవంగా ఎన్నికైనారు. మధ్యలో ఒక విడత పోటీ చేశారు. ఆయన హయాంలో గోగులమూడి-రావిపాడు రహదారి, రక్షిత మంచినీటి పథకం ఏర్పాటు చేశారు. మౌలిక వసతులకల్పన, వాటర్ ట్యాంక్ నిర్మాణం, పాఠశాలల ఏర్పాటుకు కృషిచేసారు. గ్రామానికి బస్సు సౌకర్యం కలుగజేసినారు. వీరు 1956లో రష్యా సందర్శించారు. వీరు 2014, అక్టోబరు-11న కాలధర్మం చెందినారు. ఆ తరువాత శ్రీ వెలినేని కృష్ణారావు పోటీలో గెలుపొంది, గ్రామాభివృద్ధికి తనవంతు కృషి చేశారు. కృష్ణారావు తరువాత, శ్రీ లావు సోమయ్య, శ్రీమతి లావు సుబ్బమ్మ ఏకగ్రీవంగా ఎన్నికై గ్రామంలోని పాఠశాల అభివృద్ధికి కృషి చేశారు. 2006 నుండి ఇప్పటివరకూ, శ్రీ జక్కం నాగేశ్వరరావు సర్పంచిగా పనిచేసి గ్రామాభివృద్ధికి పాటుబడ్డారు. [1]&[5]
  2. 2013 జూలైలో ఈ గ్రామ పంచాయతీకి జరిగిన ఎన్నికలలో, శ్రీమతి కట్టా సునీత, సర్పంచిగా ఏకగ్రీవంగా ఎన్నికైనారు. [2]

గ్రామంలోని దర్శనీయ ప్రదేశములు/దేవాలయాలు[మార్చు]

  1. శ్రీ సిద్ధి వినాయక స్వామివారి దేవాలయం:- ఈ ఆలయంలో స్వామివారి 19వ వార్షికోత్సవం, 2014, మే-11, ఆదివారం నాడు ఘనంగా నిర్వహించారు. ఈ సందర్భంగా ఆలయంలో మహాన్యాస పూర్వక ఏకాదశ రుద్రాభిషేకం, ప్రత్యేక పూజలు నిర్వహించారు. ఈ సందర్భంగా పలువురు భక్తులు తరలి వచ్చి, స్వామివారికి పూజలు చేసారు. పలువురు దంపతులు గణపతి శాంతికళ్యాణంలో పాల్గొన్నారు. అనంతరం భక్తులకు అన్నదానం నిర్వహించారు. [4]
  2. శ్రీ వీర్లంకమ్మ దేవాలయం:- ఈ ఆలయ వార్షికోత్సవాన్ని పురస్కరించుకొని, 2015.మే-31వ తేదీ ఆదివారంనాడు, ఆలయంలో ప్రత్యేకపూజలు నిర్వహించారు. ఈ సందర్భంగా అమ్మవారిని ప్రత్యేకంగా అలంకరించారు. మద్యాహ్నం భక్తులకు అన్నదాన కార్యక్రమం నిర్వహించారు. [6]
  3. గోగులమూడిలో రామమందిర నిర్వాహకులకు, 2014, మార్చి-31న (ఉగాదిరోజున) శ్రీ లావు నాగేశ్వరరావు తరఫున, పార్వతి, సీతాసమేత రామ, లక్ష్మణ హనుమంత ఉత్సవ విగ్రహాలను, అందజేశారు. [3]
  4. శ్రీ పోలేరమ్మ తల్లి ఆలయం:- ఈ ఆలయంలో వార్షిక తిరునాళ్ళు, 2015, జూన్-2వ తేదీ మంగళవారం ఘనంగా నిర్వహించారు. సమీప గ్రామాలనుండి భక్తులు ఆలయానికి తరలివచ్చి, అమ్మవారిని దర్శించుకొని, మొక్కులు తీర్చుకున్నారు. [7]

గణాంకాలు[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 3,823.[1] ఇందులో పురుషుల సంఖ్య 1,904, స్త్రీల సంఖ్య 1,919, గ్రామంలో నివాస గృహాలు 915 ఉన్నాయి. గ్రామ విస్తీర్ణము 1,656 హెక్టారులు.

జనాభా (2011) - మొత్తం 4,094 - పురుషుల సంఖ్య 2,050 - స్త్రీల సంఖ్య 2,044 - గృహాల సంఖ్య 1,09

మూలాలు[మార్చు]