టిబెట్ లో 15 నెలలు

గొప్ప పండితులు, బహుగ్రంథకర్త, పత్రికారచయిత, బహుభాషాకోవిదులు, భోజ్ పురి నాటకకర్త, విశ్వయాత్రికులు రాహుల్ సాంకృత్యాయన్ 1929-30 ప్రాంతంలో టిబెట్ ముఖ్యపట్టణం ల్హాసాలో 15నెలలు ఉన్నారు. ఈ దుర్గమమైన మార్గంలో చేసిన యాత్రను, టీబెట్ ప్రజల జీవనవిధానాన్ని వారు హిందీలో పుస్తక రూపంలో తెచ్చి ఎంతోకాలమైంది.

విదుషి, బహుగ్రంథ రచయిత్రి, శ్రీమతి పారనంది నిర్మల చాలా సమర్ధవంతంగా ఈ యాత్రాచరిత్రను తెలుగు చేయగా, విశాలాంధ్ర ప్రచురించింది. ఈ పుస్తకం చదవడం గొప్ప అనుభవం. ప్రాచీన కాలంలో జ్ఞానతృష్ణతో యాత్రలు చేసిన మహనీయుల మాదిరే సాంకృత్యాయన్ తిరుగు ప్రయాణంలో అపూర్వమైన టీబెట్ రాతప్రతులను కంచర గాడిదలమీద వేసుకొని భారతదేశం చేరారు. ఏ రాజాశ్రయం లేకుండా, ప్రకృతి వనరులు లేకుండానే అంత అతిశీతల భూమిలో నివసించిన బౌద్ధ భిక్షువులు వందలాది సంస్కృత రచనలను, బౌద్ధ తత్వ గ్రంథాలను భోటియా భాషలోకి అనువాదం చేసుకొని, మఠాలలో గ్రంథసంపదను కాపాడుకొన్నారు. అటువంటి పండితులే సాంకృత్యాయన్ గారు కూడా.

మూలాలు

• టిబెట్ లో 15 నెలలు, విశాలాంధ్ర ప్రచురణ, 2017.