ట్వెల్త్ ఫెయిల్
| ట్వెల్త్ ఫెయిల్ | |
|---|---|
 | |
| దర్శకత్వం | విధు వినోద్ చోప్రా |
| రచన | విధు వినోద్ చోప్రా జస్కున్వర్ కోహ్లీ |
| దీనిపై ఆధారితం | అనురాగ్ పాఠక్ - 12th ఫెయిల్ |
| నిర్మాత | విధు వినోద్ చోప్రా యోగేష్ ఈశ్వర్ |
| తారాగణం |
|
| Narrated by | అనంత్ వి జోషి |
| ఛాయాగ్రహణం | రండరాజన్ రామబద్రన్ |
| కూర్పు | విధు వినోద్ చోప్రా జస్కున్వర్ కోహ్లీ |
| సంగీతం | శంతను మోయిత్ర |
నిర్మాణ సంస్థ |
|
| పంపిణీదార్లు | జీ స్టూడియోస్ |
విడుదల తేదీ | 2023 అక్టోబరు 27 |
సినిమా నిడివి | 146 నిమిషాలు[1] |
| దేశం | భారతదేశం |
| భాష | హిందీ |
| బడ్జెట్ | ₹20 కోట్లు[2] |
| బాక్సాఫీసు | అంచనా ₹66 కోట్లు[3] |
ట్వెల్త్ ఫెయిల్ 2023లో విడుదలైన హిందీ సినిమా. ఐపీఎస్ అధికారి మనోజ్ కుమార్ శర్మ, ఐఆర్ఎస్ అధికారి శ్రద్ధా జోషిల నిజ జీవిత వృత్తాంతంతో ప్రేరణ పొంది రాసిన ‘12th ఫెయిల్’ నవల ఆధారంగా వినోద్ చోప్రా ఫిల్మ్స్ బ్యానర్‌పై విధు వినోద్ చోప్రా, యోగేష్ ఈశ్వర్ నిర్మించిన ఈ సినిమాకు విధూ వినోద్ చోప్రా దర్శకత్వం వహించాడు. విక్రాంత్ మాస్సే, మేధా శంకర్, ప్రియాంశూ ఛటర్జీ, సంజయ్ బిష్నోయి, హరీష్ ఖన్నా ప్రధాన పాత్రలలో నటించిన ఈ సినిమా అక్టోబ‌ర్ 27న థియేటర్లలో విడుదలై డిసెంబ‌ర్ 29 నుండి హిందీ, త‌మిళ్‌, తెలుగు, క‌న్న‌డ భాష‌ల్లో డిస్నీ ప్లస్‌ హాట్‌స్టార్‌ ఓటీటీలో స్ట్రీమింగ్ ప్రారంభమైంది.[4]
ట్వెల్త్ ఫెయిల్ సినిమా 69వ ఫిల్మ్ఫేర్ అవార్డ్స్ లో ఉత్తమ చిత్రం, ఉత్తమ దర్శకుడు తో సహా పాలు విభాగాల్లో అవార్డులను అందుకుంది.[5]
కథ[మార్చు]
బిహార్‌లోని చంబల్‌ గ్రామానికి చెందిన మనోజ్ కుమార్ శర్మ (విక్రాంత్ మెస్సీ) ప్రతీసారి 12వ తరగతి ఫెయిల్ అవుతూ ఉంటాడు. మనోజ్ తండ్రి (హరీష్ ఖన్నా ఓ ప్రభుత్వ ఆఫీసులోని క్లర్క్ గా పని చేస్తూ లంచం తీసుకోను అన్నందుకు అన్యాయంగా తనను సస్పెండ్ చేసిన వారిపై న్యాయ పోరాటం చేస్తుంటాడు. ఈ క్రమంలో తన ఊరికి వచ్చిన డిఎస్పీ దుశ్యంత్ (ప్రియాన్షు ఛటర్జీ) ని చూసి తనలాగా పోలీస్ అవ్వాలనుకుంటాడు. మనోజ్ నాయనమ్మ దాచుకున్న పెన్షన్ డబ్బులు ఇచ్చి గ్వాలియర్‌కు కోచింగ్ కోసం పంపిస్తుంది. ఈ క్రమంలో అనుకోని పరిస్థితుల్లో ప్రీతమ్ పాండే (అనంత్ వి జోషి)ను రైల్వే స్టేషన్‌లో కలిసి ఐపిఎస్ అవ్వడానికి డిల్లీ వెళ్తాడు. అక్కడేం జరిగింది ? మనోజ్ జీవితంలోకి శ్రద్ధా (మేధా శంకర్) ఎలా వచ్చింది ? అసలు మనోజ్ ఐపిఎస్ అయ్యాడా లేదా ? అనేదే మిగతా సినిమా కథ.[6]
నటీనటులు[మార్చు]
- విక్రాంత్ మాస్సే[7] - మనోజ్ కుమార్ శర్మ
- మేధా శంకర్ - శ్రద్ధా జోషి
- అనంత్ వి జోషి - ప్రీతమ్ పాండే
- అన్షుమాన్ పుష్కర్ - గౌరీ భయ్యా
- ప్రియాంషు ఛటర్జీ - డీఎస్పీ దుష్యంత్ సింగ్
- గీతా అగర్వాల్ శర్మ - పుష్ప శర్మ, మనోజ్ తల్లి
- హరీష్ ఖన్నా -రామ్‌వీర్ శర్మ, మనోజ్ తండ్రి
- సరితా జోషి - మనోజ్ అమ్మమ్మ
- సంజయ్ బిష్ణోయ్
- వికాస్ దివ్యకీర్తి
- విజయ్ కుమార్ డోగ్రా - సుందర్‌
- పెర్రీ ఛబ్రా - రజనీ శర్మ, మనోజ్ చెల్లెలు
- నీరజ్ కల్రా - శ్రద్ధా తండ్రి
- డారియస్ చినోయ్ - మిస్టర్ సోలంకి
- రాధికా జోషి - తాన్య
- ఫాసి ఖాన్ - కిషన్, శ్రద్ధ ఇంటి పనిమనిషి
- రాహుల్ దేవ్ శెట్టి - మిస్టర్ మెహతాగా, మనోజ్ UPSC ఇంటర్వ్యూయర్
అవార్డులు[మార్చు]
| అవార్డు | వేడుక తేదీ | విభాగం | గ్రహీతలు | ఫలితం | మూ |
|---|---|---|---|---|---|
| ఫిల్మ్ఫేర్ అవార్డులు | 28 జనవరి 2024 | ఉత్తమ చిత్రం | వినోద్ చోప్రా ఫిల్మ్స్ , జీ స్టూడియోస్ | గెలుపు | [8] |
| ఉత్తమ చిత్రం (విమర్శకులు) | విధు వినోద్ చోప్రా | నామినేట్ | |||
| ఉత్తమ దర్శకుడు | గెలుపు | ||||
| ఉత్తమ స్క్రీన్ ప్లే | గెలుపు | ||||
| ఉత్తమ డైలాగ్ | నామినేట్ | ||||
| ఉత్తమ నటుడు (విమర్శకులు) | విక్రాంత్ మాస్సే | గెలుపు | |||
| ఉత్తమ ఎడిటింగ్ | జస్కున్వర్ కోహ్లీ, విధు వినోద్ చోప్రా | గెలుపు | |||
| ఉత్తమ ప్రొడక్షన్ డిజైన్ | ప్రశాంత్ బిడ్కర్ | నామినేట్ | |||
| ఉత్తమ సినిమాటోగ్రఫీ | రండరాజన్ రామబద్రన్ | నామినేట్ | |||
| ఉత్తమ సౌండ్ డిజైన్ | మానవ్ శ్రోత్రియ | నామినేట్ | |||
| ఉత్తమ బ్యాక్‌గ్రౌండ్ స్కోర్ | శంతను మోయిత్ర | నామినేట్ | |||
| ఉత్తమ కాస్ట్యూమ్ డిజైన్ | మాళవికా బజాజ్ | నామినేట్ |
మూలాలు[మార్చు]
- ↑ "12th Fail (12A)". British Board of Film Classification. 22 October 2023. Archived from the original on 1 November 2023. Retrieved 22 October 2023.
- ↑ Hindustantimes Telugu (28 December 2023). "ఓటీటీలో రేపటి నుంచే ట్వెల్త్ ఫెయిల్ మూవీ". Archived from the original on 30 January 2024. Retrieved 30 January 2024.
- ↑ "12th Fail Box Office Collection". Bollywood Hungama. 27 October 2023. Archived from the original on 3 November 2023. Retrieved 31 December 2023.
- ↑ Namaste Telangana (24 December 2023). "ఓటీటీలోకి రాబోతున్న హిందీ రీసెంట్ బ్లాక్ బ‌స్ట‌ర్ '12th ఫెయిల్'.. స్ట్రీమింగ్ ఎప్పుడంటే.?". Archived from the original on 29 January 2024. Retrieved 29 January 2024.
- ↑ Rtvlive (29 January 2024). "ఉత్తమ చిత్రంగా 12th ఫెయిల్.. యానిమల్‌కు ఫిల్మ్ఫేర్ అవార్డ్స్ పంట!". Archived from the original on 29 January 2024. Retrieved 29 January 2024.
- ↑ Sakshi (3 November 2023). "12th ఫెయిల్ మూవీ రివ్యూ". Archived from the original on 30 January 2024. Retrieved 30 January 2024.
- ↑ Eenadu (1 January 2024). "'ట్వెల్త్ ఫెయిల్'.. అలా కనిపించడానికి తీవ్రంగా శ్రమించా: విక్రాంత్". Archived from the original on 30 January 2024. Retrieved 30 January 2024.
- ↑ Eenadu (29 January 2024). "12th Fail: ఉత్తమ చిత్రం సహా ఐదు అవార్డులు 12th ఫెయిల్‌కే.. ఈ చిత్రాన్ని ఎందుకు చూడాలంటే?". Archived from the original on 29 January 2024. Retrieved 29 January 2024.