డడ్లీ నర్స్
 | ||||||||||||||||||||||||||||||||||||||||
| వ్యక్తిగత సమాచారం | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | ఆర్థర్ డడ్లీ నర్స్ | |||||||||||||||||||||||||||||||||||||||
| పుట్టిన తేదీ | 1910 నవంబరు 12 డర్బన్, నాటల్, దక్షిణాఫ్రికా | |||||||||||||||||||||||||||||||||||||||
| మరణించిన తేదీ | 1981 ఆగస్టు 14 (వయసు 70) డర్బన్, నాటల్, దక్షిణాఫ్రికా | |||||||||||||||||||||||||||||||||||||||
| బ్యాటింగు | కుడిచేతి వాటం | |||||||||||||||||||||||||||||||||||||||
| బౌలింగు | కుడిచేతి వాటం | |||||||||||||||||||||||||||||||||||||||
| పాత్ర | బ్యాట్స్‌మాన్ | |||||||||||||||||||||||||||||||||||||||
| బంధువులు | డేవ్ నర్స్ (తండ్రి) | |||||||||||||||||||||||||||||||||||||||
| అంతర్జాతీయ జట్టు సమాచారం | ||||||||||||||||||||||||||||||||||||||||
| జాతీయ జట్టు | ||||||||||||||||||||||||||||||||||||||||
| తొలి టెస్టు (క్యాప్ 140) | 1935 15 June - England తో | |||||||||||||||||||||||||||||||||||||||
| చివరి టెస్టు | 1951 16 August - England తో | |||||||||||||||||||||||||||||||||||||||
| దేశీయ జట్టు సమాచారం | ||||||||||||||||||||||||||||||||||||||||
| Years | Team | |||||||||||||||||||||||||||||||||||||||
| 1931–1953 | Natal | |||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||
| ||||||||||||||||||||||||||||||||||||||||
మూలం: CricketArchive, 2009 30 January | ||||||||||||||||||||||||||||||||||||||||
ఆర్థర్ డడ్లీ నర్స్ (1910, నవంబరు 12 - 1981, ఆగస్టు 14) దక్షిణాఫ్రికా టెస్ట్ క్రికెట్ ఆటగాడు. క్రికెట్ లో బ్యాట్స్‌మన్గా రాణించాడు. 1948 నుండి 1951 వరకు దక్షిణాఫ్రికా జట్టుకు కెప్టెన్‌గా బాధ్యతలు నిర్వర్తించాడు.
తొలి జీవితం[మార్చు]
ఆర్థర్ డడ్లీ నర్స్ 1910, నవంబరు 12న దక్షిణాఫ్రికాలోని డర్బన్‌లో జన్మించాడు. ఇతని తండ్రి టెస్ట్ క్రికెటర్ ఆర్థర్ డేవ్ నర్స్ 1902 నుండి 1924 వరకు వరుసగా 45 టెస్ట్ మ్యాచ్‌లలో దక్షిణాఫ్రికాకు ప్రాతినిధ్యం వహించాడు.
క్రికెట్ రంగం[మార్చు]
ఇతడు తన ప్రారంభ సంవత్సరాల్లో క్రికెట్, ఫుట్‌బాల్ ఆడాడు. 18 సంవత్సరాల వయస్సులో క్రికెట్‌పై దృష్టి పెట్టాలని నిర్ణయించుకున్నాడు. మొదట్లో డర్బన్‌లోని ఉంబిలో క్రికెట్ క్లబ్‌లో ఆడాడు. 1931 నుండి 1952 వరకు నాటల్ క్రికెట్ జట్టు కోసం దేశీయ ఫస్ట్-క్లాస్ క్రికెట్ ఆడాడు. 1935 నుండి 1951 వరకు 16 సంవత్సరాల సుదీర్ఘ అంతర్జాతీయ కెరీర్‌లో దక్షిణాఫ్రికా తరపున 34 టెస్ట్ మ్యాచ్‌లు ఆడాడు. తన తండ్రి ప్రత్యర్థి జట్టు వెస్ట్రన్ ప్రావిన్స్ తరపున ఆడుతున్నప్పుడు నాటల్ కోసం తన రెండవ మ్యాచ్‌లో సెంచరీ చేశాడు.[1]
1935లో ఇంగ్లాండ్ పర్యటనలో చేరాడు, హెర్బీ వేడ్ కెప్టెన్‌గా ఉన్న జట్టులో తన టెస్ట్ అరంగేట్రం చేశాడు. సర్రేపై, ఆక్స్‌ఫర్డ్‌పై రెండు ఇన్నింగ్స్‌లలో వరుసగా మూడు ఇన్నింగ్స్‌లలో సెంచరీ సాధించిన తర్వాత, ప్లమ్ వార్నర్ "ఎ నర్స్, ఎ నర్స్, మై కింగ్‌డమ్ ఫర్ ఎ నర్స్" అని వ్యాఖ్యానించాడు. మొదటి రెండు టెస్ట్‌లలో చిన్న స్కోర్లు చేసాడు. మూడవ టెస్ట్ నుండి తొలగించబడ్డాడు, కానీ ఓల్డ్ ట్రాఫోర్డ్‌లో జరిగిన నాల్గవ టెస్ట్ రెండవ ఇన్నింగ్స్‌లో 53 పరుగులకు నాటౌట్‌గా నిలిచాడు. నాలుగు మ్యాచ్‌లు డ్రా అయ్యాయి, అయితే దక్షిణాఫ్రికా లార్డ్స్‌లో జరిగిన రెండో టెస్ట్‌ను గెలుచుకుంది. సిరీస్‌ను 1-0తో గెలుచుకుంది.
1935-36లో ఆస్ట్రేలియాతో స్వదేశంలో ఆడాడు. జోహన్నెస్‌బర్గ్‌లో జరిగిన రెండో టెస్టులో, అతను మొదటి ఇన్నింగ్స్‌లో డకౌట్ అయ్యాడు. రెండో టెస్టులో 231 పరుగులు చేశాడు, ఇది తన తొలి టెస్టు సెంచరీ. తొలి ఇన్నింగ్స్‌లో డకౌట్ అయిన తర్వాత టెస్టు మ్యాచ్ రెండో ఇన్నింగ్స్‌లో డబుల్ సెంచరీ చేసిన ఏకైక బ్యాట్స్‌మెన్ గా నిలిచాడు.[2]
క్రికెట్ తరువాత[మార్చు]
ఐదవ టెస్ట్ తర్వాత 1951 పర్యటన ముగింపులో నర్స్ టెస్ట్ క్రికెట్ నుండి రిటైర్ అయ్యాడు. 1953లో తన చివరి ఫస్ట్-క్లాస్ మ్యాచ్ ఆడాడు. 1952లో దక్షిణాఫ్రికా క్రికెట్ వార్షిక క్రికెటర్ ఆఫ్ ద ఇయర్ గా ఎంపికయ్యాడు.
పదవీ విరమణ సమయంలో, ఏ దక్షిణాఫ్రికా బ్యాట్స్‌మెన్‌లోనూ అత్యధిక టెస్ట్ బ్యాటింగ్ సగటును కలిగి ఉన్నాడు. ఇంగ్లండ్‌పై 7 సెంచరీలతో సహా 9 టెస్ట్ సెంచరీలు సాధించాడు. 50 పరుగుల కంటే ఎక్కువ బ్యాటింగ్ సగటుతో రిటైర్ అయ్యే టెస్ట్ బ్యాట్స్‌మెన్‌ల షార్ట్ లిస్ట్‌లో సభ్యుడిగా ఉన్నాడు.
ఇతని ఆత్మకథ క్రికెట్ ఇన్ ది బ్లడ్ 1949లో ప్రచురించబడింది. దక్షిణాఫ్రికాకు సెలెక్టర్‌గా పనిచేశాడు. 1960లో జాకీ మెక్‌గ్లే కెప్టెన్‌గా ఇంగ్లాండ్‌లో పర్యటించిన జట్టును నిర్వహించాడు.
మరణం[మార్చు]
ఇతను 1981, ఆగస్టు 14న డర్బన్‌లో మరణించాడు.[3][4]
మూలాలు[మార్చు]
- ↑ Scorecard, Natal v Western Province, 18–19 December 1931, CricketArchive
- ↑ "How many bowlers have taken four wickets in five balls in an ODI?". ESPN Cricinfo. Retrieved 21 April 2020.
- ↑ Let us now praise Dudley Nourse, Cricinfo, 6 September 2014
- ↑ Dudley Nourse, Obituary, Wisden 1982, from ESPN Cricinfo