తాడూరి బాలాగౌడ్
| తాడూరి బాలాగౌడ్ ఎం.పీ | |||
నిజామాబాదు లోక్‌సభ సభ్యుడు | |||
వ్యక్తిగత వివరాలు |
|||
|---|---|---|---|
| జననం | 1931 అక్టోబరు 2 ఐలాపురం, నిజామాబాదు జిల్లా, ఆంధ్రప్రదేశ్ | ||
| మరణం | 2010 మార్చి 1 (వయసు: 78) హైదరాబాదు | ||
| రాజకీయ పార్టీ | భారత జాతీయ కాంగ్రేసు | ||
| జీవిత భాగస్వామి | లక్ష్మీదేవి | ||
| సంతానం | 1 కొడుకు | ||
| నివాసం | హైదరాబాదు | ||
| జూలై 18, 2013నాటికి | |||
తాడూరి బాలాగౌడ్ (అక్టోబర్ 2, 1931 - మార్చి 1, 2010) భారత జాతీయ కాంగ్రెస్ నాయకుడు, నిజామాబాదు లోక్‌సభ నియోజకవర్గం సభ్యుడు. టి.అంజయ్య, భవనం వెంకట్రామ్ మంత్రివర్గాల్లో రాష్ట్ర మంత్రిగా పని చేశాడు. గ్రామస్థాయి నుండి ఢిల్లీ రాజకీయాల వరకు ఎదిగిన బాలాగౌడ్ ఎమ్మెల్యేగా, మంత్రిగా, జిల్లా పరిషత్‌ ఛైర్మన్‌గా, లోక్‌సభ సభ్యుడిగా[1] పదవులు చేపట్టడంతో పాటు పలు వ్యాపార రంగాల్లో అభివృద్ధి సాధించడంతోపాటు వందలాది మందికి ఉపాధి కల్పించాడు.[2] "వెనుకబడిన వర్గాల్లో తిరుగులేని నాయకునిగా బాలాగౌడ్ ఎదిగారని, ఆయన తన జీవితాంతం బలహీనవర్గాల హక్కులకోసం శ్రమించారని" బాలాగౌడ్ సంతాప సభలో అప్పటి ఆంధ్రప్రదేశ్ రాష్ట్ర ముఖ్యమంత్రి కె.రోశయ్య అన్నాడు[3]
జననం
[మార్చు]బాలాగౌడ్ 1931, అక్టోబర్ 2 న నిజామాబాదు జిల్లా, లింగంపేట మండలంలోని ఐలాపురం గ్రామంలో జన్మించాడు. ఈయన భార్య లక్ష్మీదేవి. సంపన్న కుటుంబంలో పుట్టినా అట్టడుగు వర్గాలకోసం జీవితం చివరి అంకం వరకు బాలాగౌడ్ పోరాడాడు. గౌడ ఉపకులాలను ఒకే తాటిపైకి తెచ్చి వెనుకబడిన కులాల అభ్యున్నతికోసం, గీత వృత్తి పరిరక్షణ కోసం కృషిచేశాడు.
బాలాగౌడ్ మాజీ లోక్‌సభ సభ్యుడు ముదుగంటి రాంగోపాలరెడ్డి అనుయాయిగా రాష్ట్ర స్థాయి రాజకీయాల్లోకి ప్రవేశించాడు. 1978లో ఎల్లారెడ్డి శాసనసభ నియోజకవర్గం నుండి కాంగ్రెస్ అభ్యర్థిగా శాసనసభ ఎన్నికై టి.అంజయ్య, భవనం వెంకట్రామ్ మంత్రివర్గాల్లో 1982 వరకు రాష్ట్ర మంత్రిగా పని చేశాడు. ఆయన 1983లో జరిగిన శాసనసభ ఎన్నికలలో పోటీ చేసి ఓడిపోయాడు. బాలాగౌడ్ 1984లో, 1989లో రెండు పర్యాయాలు నిజామాబాదు లోక్‌సభ నియోజకవర్గం నుండి లోక్‌సభ సభ్యుడిగా ఎన్నికై, 1991 ఎన్నికలలో ఓడిపోయాడు.[4]
మరణం
[మార్చు]మూలాలు
[మార్చు]- ↑ "స్థానికం నుంచి శాసనసభకు." Sakshi. 2 November 2023. Archived from the original on 2 October 2025. Retrieved 2 October 2025.
- ↑ "జనసంద్రం నడుమ బాలాగౌడ్ అంత్యక్రియలు - ఆంధ్రప్రభ 4 మార్చి 2010". Archived from the original on 2013-12-02. Retrieved 2013-06-28.
- ↑ "తిరుగులేని నాయకుడు బాలాగౌడ్ - విశాలాంధ్ర, 16 మే 2010". Archived from the original on 2013-12-04. Retrieved 2013-06-28.
- ↑ "ఎవరికెంత మెజార్టీ అంటే." Eenadu. 4 May 2024. Archived from the original on 2 October 2025. Retrieved 2 October 2025.