తొలకరి

వర్షం పడే సమయంలో దృశ్యం

ఆంధ్రప్రదేశ్ లో నైరుతి రుతుపవనాలురాకతో వర్షాకాలం ప్రారంభమవుతుంది. నైరుతి రుతుపవనాల రాకతో కురిసిన మొట్టమొదటి లేక తొలి వానను తొలకరి లేక తొలకరి జల్లు అంటారు.

వర్షపాతం

మొత్తం వార్షిక వర్షపాతంలో 10 శాతం వేసవి కాలంలో కురుస్తుంది. అదికూడా క్యుములోనింబస్ మేఘాలు ఏర్పాటు వల్ల కురిసే సంవహన వర్షపాతం. ఈ సంవహన వర్షపాతాన్ని సాయంకాలపు వర్షపాతం లేదా 4 గంటల వర్షపాతం లేదా ఆరంభపు జల్లులు అని కూడా అంటారు. ఈ వర్షపాతాన్ని తొలకరి జల్లులు (Premonsoon Showers) అంటారు.

ఈ సంవహన వర్షపాతాన్ని వివిధ పేర్లతో పిలుస్తారు.

1) మామిడి జల్లులు (Mango Showers): ఇవి కేరళ, కర్ణాటక, ఆంధ్రప్రదేశ్‌, తెలంగాణ రాష్ట్రాల్లో కురుస్తాయి.

• ఇవి మామిడి పండ్లు రాలకుండా ఉండటానికి, పక్వానికి (Ripening of mangoes) రావడానికి ఉపయోగపడుతాయి.
• వీటిని ఏప్రిల్‌ వానలు అని కూడా అంటారు.

2) చెరీ బ్లాసమ్‌ షవర్స్​‍ (Coffee Showers): కేరళ, కర్ణాటక ప్రాంతంలో కురిసే తొలకరి జల్లులు. డిసెంబర్‌లో ప్రారంభమైన కాఫీ పంట కొంతకాలం మార్చికి ముగుస్తుంది.

• కాఫీ పుష్పాలు వికసించే దశలో కాఫీ నాణ్యతకు వానలు అవసరం.

3) తేయాకు జల్లులు (Tea Showers): అసోం రాష్ట్రంలో తేయాకు, నాణ్యతకు, ఉత్పాదకతకు ఉపయోగపడే వర్షాలు.

4) ఏరువాక జల్లులు: ఆంధ్రప్రదేశ్‌

5) తొలకరి వానలు (Premonsoon Showers): తెలంగాణ

• వేసవిలో అత్యధిక సగటు వర్షపాతం అసోం రాష్ట్రంలో నమోదవుతుంది (500 సెం.మీ.).

వ్యవసాయ పనులు ప్రారంభం

ఎండలకు బీడు బారిన పొలాలు తొలకరి వర్షంతో పదును బారుడంతో రైతులు భూమిని ఎద్దుల ద్వారా లేక ట్రాక్టర్ల ద్వారా దున్ని వ్యవసాయ పనులు ప్రారంభిస్తారు.

గ్యాలరీ

• 
  తొలకరి వర్షాలలో జోగ్ జలపాతం