త్రిశూలం (నాటకం)

త్రిశూలం విశ్వనాథ సత్యనారాయణ రచించిన చారిత్రిక నాటకం. త్రిశూలం నాటకాన్ని రూపకంగా విమర్శకులు వర్గీకరించారు.

నేపథ్యం

విశ్వనాథ సత్యనారాయణ నిత్య రామ మంత్రోపాసకుడు. నేషనల్ కాలేజిలో ప్రమోదకుమార చటర్జీ చిత్రకళాధ్యాపకుడుగా ఉండేవారు. ప్రముఖ చిత్రకారుడు అడవి బాపిరాజు వంటివారు ఆయన శిష్యులు. ఆయన వేసిన ‘’త్రిశూలం ‘’చిత్రం చూసి ఉప్పొంగిపోయిన విశ్వనాధ ‘’నాకు రాజ్యం ఉంటె ఆ రాజ్యాన్ని మీకు ఇచ్చేసేవాడిని ‘’అన్నాడు .ఎంతో ఆనందించిన చటర్జీ కాలేజి వదిలి వెళ్ళేటప్పుడు విశ్వనాధను పిలిచి ‘’మీరు రాజ్యం పోగొట్టుకోనక్కరలేదు .ఈ త్రిశూలం మీకు బహుమతిగా ఇస్తున్నాను ‘’అంటే గుండె ద్రవించింది విశ్వనాధకు .త్రిశూలం పేరుతొ నాటకం రాసి ఆ త్రిశూలాన్నే ముఖ చిత్రంగా వేయించి కృతజ్ఞత చెప్పుకొన్నారు.