దూరప్రసారం
దూరప్రసారం (Telecommunication - టెలికమ్యూనికేషన్) అనగా సమాచార ప్రయోజనం కోసం ఎక్కువ దూరాలకు చేరవేయు సంకేతాల ప్రసారం. విద్యుత్, ఎలాక్ట్రానిక్ మార్గాలను ఉపయోగించి కేబుల్స్, రేడియో తరంగాలు, ఇతర కమ్యూనికేషన్ వ్యవస్థల ద్వారా దూరానికి సమాచారాన్ని ప్రసారం చేయడమే దూరప్రసారం .
ప్రారంభ కాలాల్లో సమాచార ప్రసారాలకు పొగ సంకేతాలు, డ్రమ్ములు, సెమాఫోర్ (సంకేత పదాల ద్వారా వార్తలను చేర వేయు పద్ధతి), జెండాలు, లేదా అద్దం ద్వారా సూర్యకాంతిని ప్రసరింపజేయడం లాంటి పద్దతులను మానవుడు ఉపయోగించి ఉండవచ్చు. 20వ, 21వ శతాబ్దాలలో కనుగొనబడిన వివిధ సాంకేతికల వల్ల టెలిగ్రాఫ్తో మొదలుపెట్టి, టెలికమ్యూనికేషన్ సాధారణంగా టెలిఫోన్, టెలివిజన్, రేడియో, ఆప్టికల్ ఫైబర్, కంప్యూటరు వంటి ఎలక్ట్రానిక్ ట్రాన్స్మీటర్లను వాడడం మొదలుపెట్టారు.
తొలి రోజుల్లో దూరప్రసార మాధ్యమాలుగా లోహపు తీగలను ఉపయోగించేవారు. టెలీఫోన్, టేలిగ్రాఫీలు అనేక దశాబ్దాలుగా వాడినా 20వ శతాబ్దం మొదటి దశాబ్దంలో, నిస్తంత్రీ విధానం (వైర్లెస్) అందుబాటులోకి రావడంతో సమాచార వ్యవస్థలో ఒక విప్లవం ప్రారంభమైంది, వీటిలో 1909లో భౌతిక శాస్త్రంలో నోబెల్ బహుమతిని గెలుచుకున్న గూగ్లి ఎల్మో మార్కోని రేడియో టెలిగ్రాఫ్ వ్యవస్థ పితామహుడుగా గుర్తింపు పొందాడు.[1]
ఎలక్ట్రికల్, ఎలక్ట్రానిక్ టెలికమ్యూనికేషన్లలో ఇతర ప్రారంభ మార్గదర్శకులలో టెలిగ్రాఫ్ సహ-ఆవిష్కర్తలు చార్లెస్ వీట్స్టోన్, సామ్యూల్ F. B. మోర్స్ , ఆంటోనియో మెయుసీ[2] , ఫిలిప్ రీస్[3] , ఎలిషా గ్రే [4], అలెగ్జాండర్ గ్రాహం బెల్, రేడియో ఆవిష్కర్తలు ఎడ్విన్ హోవార్డ్ ఆర్మ్స్ట్రాంగ్ , లీ డి ఫారెస్ట్ , అలాగే వ్లాదిమిర్ కె. జ్వొరికిన్ , జాన్ లోగీ బెయిర్డ్, ఫిలో ఫార్న్స్వర్త్ వంటి టెలివిజన్ ఆవిష్కర్తలు ఉన్నారు. 1960ల నుండి, డిజిటల్ సాంకేతికత విస్తరణ వలన సమాచార ప్రసారం మరింత వేగవంతంగా సాగింది.
చరిత్ర
[మార్చు]చరిత్రలో సుదూర సమాచార ప్రసారం కోసం కోసం అనేక ప్రసార మాధ్యమాలు ఉపయోగించబడ్డాయి. వాటిలో కొన్ని పొగ సంకేతాలు , డ్రమ్ములు , టెలిగ్రాఫ్లు , సిగ్నల్ జెండాలు, తీగల ద్వారా విద్యుదయస్కాంత సంకేతాల వ్యవస్థ, తీగలు లేని విద్యుదయస్కాంత తరంగాల వ్యవస్థ.
ప్రపంచంలోని వివిధ ప్రాంతాలలో సమాచార ప్రసారానికి హోమింగ్ పావురాలను ఉపయోగించారు. పావురం పోస్ట్ అనేది పర్షియన్ దేశంలోనూ, తరువాత రోమన్లు తమ సైన్యానికి సహాయం చేయడానికి ఉపయోగించారు. జూలియస్ సీజర్ గాల్ను జయించడంలో పావురాలను దూతలుగా ఉపయోగించారని ఫ్రాంటినస్ పేర్కొన్నాడు. గ్రీకులు ఒలింపిక్ క్రీడలలో విజేతల పేర్లను హోమింగ్ పావురాలను ఉపయోగించి వివిధ నగరాలకు తెలియజేశారు.[5] 19 వ శతాబ్దం ప్రారంభంలో డచ్ ప్రభుత్వం జావా, సుమత్రా దీవుల్లో ఈ వ్యవస్థను ఉపయోగించింది. 1849లో పాల్ జూలియస్ రౌటర్ ఆచెన్, బ్రస్సెల్స్ మధ్య స్టాక్ ధరలను ఎగురవేయడానికి పావురం సేవను ప్రారంభించాడు. ఈ సేవ ఒక సంవత్సరం పాటు పనిచేసింది.[6]
1792లో ఫ్రెంచ్ ఇంజనీర్ క్లాడ్ చాప్పే, లిల్లే-పారిస్ మధ్య మొదటి స్థిర దృశ్య టెలిగ్రాఫీ వ్యవస్థను (సేమాఫోన్ పేరుతొ) రూపొందించాడు.[7] అయితే, దీనికోసం పది నుండి ముప్పై కిలోమీటర్ల ప్రసారానికి నిరంతరం పర్యవేక్షించే సాంకేతిక నిపుణులు, ఖరీదైన టవర్లను వాడాల్సి రావడంతో అది అంతగా ప్రాచుర్యం లోకి రాలేదు. ఎలక్ట్రిక్ఇ టెలిగ్రాఫు రావడంతో, ఇది 1880 లో ఆగిపోయింది.[8]
మూలాలు
[మార్చు]- ↑ Bondyopadhyay, Prebir K. (1995-09). "Guglielmo Marconi - The father of long distance radio communication - An engineer's tribute". 1995 25th European Microwave Conference. 2: 879–885. doi:10.1109/EUMA.1995.337090.
{{cite journal}}: Check date values in:|date=(help) - ↑ "1870s – 1940s: Telephone | Imagining the Internet | Elon University". www.elon.edu. Retrieved 2025-12-10.
- ↑ Coe, Lewis (1995). The telephone and its several inventors : a history. Internet Archive. Jefferson, N.C. : McFarland & Co. ISBN 978-0-7864-0138-3.
- ↑ "US Patent № 69,424. Telegraph Relay Instrument. Patented Oct 1, 1867" (PDF).
- ↑ "Les Télégraphes Chappe". Cédrick Chatenet. l'Ecole Centrale de Lyon. 2003. Archived from the original on 2004-04-09.
- ↑ "CHRONOLOGY: Reuters, from pigeons to multimedia merger". U.S. (in అమెరికన్ ఇంగ్లీష్). Retrieved 2025-12-10.
- ↑ "Les Télégraphes Chappe". Cédrick Chatenet. l'Ecole Centrale de Lyon. 2003. Archived from the original on 2004-04-09.
- ↑ "Les Télégraphes Chappe". Cédrick Chatenet. l'Ecole Centrale de Lyon. 2003. Archived from the original on 2004-04-09.