నన్నారి షర్బత్
నన్నారి షర్బత్ ఒక శీతల పానీయము. ఇది రాయలసీమలో ఎక్కువగా లబిస్తుంది.
తయారీ
[మార్చు]ఈ షర్బత్ తయారీకి ముడి పదార్థం సుగంధి పాల చెట్టు వేరు నుండి లభిస్తుంది.[1] రాయలసీమలో ఎక్కువగా లభించే వనమూలికలలో వట్టివేరు ఒకటి. రాయలసీమలో ఎక్కువగా పెరిగే వనమూలికల చెట్లలో సుగంధిపాల చెట్టు ఒకటి. ఈ సుగంధి పాల చెట్టు వేర్లు ఒక తీగలాగా చెట్టు మొదట్లో పెరిగి భూమిలోకి వెళతాయి. ఈ వేర్లు ఆరోగ్యానికి చాలా మంచివని ఆయుర్వేదం చెప్తోంది. శరీర ఉష్ణోగ్రతను తగ్గించేందుకు పండ్లు, చెట్టు వేర్లు కూడా ఉపయోగపడతాయి. అలా ఉపయోగపడే వేర్లున్న చెట్టు సుగంధపాల. కడప జిల్లాలోని బద్వేలు, రాజంపేట, సిద్ధవటం మొదలైన ప్రాంతాలలో ఈ సుగంధపాల చెట్లు ఎక్కువగా ఉన్నాయి.
- ఈ సుగంధిపాల చెట్లు వేర్లని కత్తిరించేసి, ఎండలోపెట్టి, నీళ్ళలో మరిగించి పంచదారకలిపి ఒక చిక్కని ద్రవాన్ని తయారు చేస్తారు. ఇలా చేసిన సిరప్ ని నన్నారి అంటారు.
- ఒక గ్లాసులో కొద్దిగా నన్నారిని పోసి, అందులో ఒక నిమ్మకాయను పిండి, చల్లటి సోడాను కొట్టి గ్లాసులో పోసి ఇస్తారు. దీనినే నన్నారి షర్బత్ అంటారు.
లాభాలు
[మార్చు]- రాయలసీమ జిల్లాల్లో వేసవికాలం వేడికి,చల్లటి నన్నారి షర్బత్ మంచి ఔషధం లా పనిచేస్తుంది.
ఒకప్పుడు కడపజిల్లాలో మాత్రమే దొరికే ఈ నన్నారి ద్రవము ఇప్పుడు మిగిలిన జిల్లాలకి విస్తరించింది.అన్నిచోట్లా దొరుకుతోంది ఈ నన్నారి షర్బత్.కానీ రాయలసీమలో దొరికే నన్నారి షర్బత్ రుచిముందు ఇవి అంతపేరు తెచ్చుకోలేదు.షర్బత్ అంటే నన్నారి షర్బత్ అదీ రాయలసీమ మాత్రమే అనేంత పేరు తెచ్చుకున్న ఈ నన్నారి షర్బత్ ని ఒకసారి తాగితే వదిలిపెట్టరు
మూలాలు
[మార్చు]- ↑ "ఆర్కైవ్ నకలు". Archived from the original on 2017-04-28. Retrieved 2017-04-24.