పంచానన్ మహేశ్వరి
| పంచానన్ మహేశ్వరి | |
|---|---|
 | |
| జననం | 1904 నవంబరు 9 జైపూర్ |
| మరణం | 1966 మే 18 (వయసు 61) |
| రంగములు | వృక్షశాస్త్రం |
| చదువుకున్న సంస్థలు | ఈవింగ్ క్రిస్టియన్ కాలేజ్ |
| ముఖ్యమైన పురస్కారాలు | ఫెలో ఆఫ్ ది రాయల్ సొసైటీ (1965)[1] |
పంచానన్ మహేశ్వరి (1904 నవంబరు 9 - 1966 మే 18) ప్రముఖ భారతీయ వృక్షశాస్త్రజ్ఞుడు, రాయల్ సొసైటీ సభ్యుడు. అంజిస్పెర్మస్ ను టెస్ట్ ట్యూబ్‌లో పెంచే సాంకేతికతను ఆవిష్కరించినందుకు గాను ఆయన ప్రసిద్ధుడయ్యాడు. ఈ ఆవిష్కరణతో గతంలో పెంచడానికి సాధ్యపడని కాని కొన్ని సంకర జాతి మొక్కలను కృత్రిమంగా పెంచగలిగారు.
చదువు
[మార్చు]పంచానన్ జైపూరులో జన్మించాడు. అలహాబాదులోని ఎవింగ్ క్రిస్టియన్ కళాశాలలో చదివాడు. వైద్య విద్య చదవాలనేది అతడి ఆశయం.[1] ఎవింగ్‌లో ఉండగా విన్‌ఫీల్డ్ డడ్జన్ సలహా మేరకు తన లక్ష్యాన్ని సైన్సువైపు మళ్ళించాడు.[1] డడ్జన్ ప్రభావంతోనే ఆయన బ్యాచిలర్ ఆఫ్ సైన్స్ (1925), మాస్టర్ ఆఫ్ సైన్స్ (1931), డాక్టర్ ఆఫ్ సైన్స్ (1931) డిగ్రీలు పొందాడు.
పురస్కారాలు, గౌరవాలు
[మార్చు]1934 లో పంచానన్ మహేశ్వరి బెంగళూరులోని భారతీయ విజ్ఞానశాస్త్ర అకాడమీ గౌరవ సభ్యుడయ్యాడు. 1968 లో భారతీయ సైన్స్ కాంగ్రెస్ సంఘం బీర్బల్ సాహ్నీ మెడల్‌తో ఆయన్ను గౌరవించింది.[2] 1965 లో ఆయన రాయల్ సొసైటీ ఫెలోగా ఎంపికయ్యాడు. ఈ గౌరవం పొందిన భారతీయ వృక్షశాస్రవేత్తల్లో ఆయన రెండోవాడు.
మూలాలు
[మార్చు]- ↑ 1.0 1.1 1.2 Steward, F. C. (1967). "Panchanan Maheshwari 1904-1966". Biographical Memoirs of Fellows of the Royal Society. 13: 256–226. doi:10.1098/rsbm.1967.0013.
- ↑ "BIRBAL SAHNI MEDAL". Archived from the original on 2013-10-21. Retrieved 2017-01-03.