పర్వతేశ ప్రభు శతకము

పర్వతేశ ప్రభు శతకము
కవి పేరు	కోట సుందరరామశర్మ
మొదటి ప్రచురణ తేదీ	1990
దేశం	భారతదేశం
భాష	తెలుగు
మకుటం	పర్వతేశ ప్రభూ
విషయము(లు)	భక్తి, నీతి
పద్యం/గద్యం	పద్యం
ఛందస్సు	శార్దూల విక్రీడితము
ప్రచురణ కర్త	త్రిపురసుందరీ ప్రతిష్టానము, చింతగుంట పాలెము, మచిలీపట్నం
ప్రచురణ తేదీ	1990
మొత్తం పద్యముల సంఖ్య	108
మొత్తం పుటలు	48

పర్వతేశ ప్రభు శతకమును కోట సుందరరామశర్మ వ్రాశాడు. పూనా నగరంలో వెలసిన శంకరుని గురించి ఈ శతకంలో 108 పద్యాలలో వర్ణించాడు. ఈ శతకాన్ని 1990లో మచిలీపట్నం సమీపంలోని చింతగుంటపాలెం త్రిపురసుందరీ ప్రతిష్టానము వారు ప్రచురించారు. ఈ పుస్తకంలో ఎడమవైపు తెలుగు పద్యాలు, కుడివైపు దానికి అనుకరణమైన సంస్కృత శ్లోకాలు ముద్రించారు.

ఈ శతకంలో

• శివవందనము
• వరణము
• గణనము
• కారుణ్యము
• శివయాత్ర
• నీతి
• శరణము

అనే ఏడు విభాగాలున్నాయి.

ఉదాహరణ

ఈ శతకంలోని ఒక పద్యం మచ్చుకు:

కన్నుల్ మూసిన, విచ్చినం గనగఁ నౌఁ గైలాస శై లాభమై
మిన్నుల్ వ్రాలిన క్రేవ నీ శిఖరియుం; 'బెణ్ణాస' పొన్నాసయున్
మన్నాసన్ విడినట్టి వారికగు - యుష్మత్ - సత్య సందర్శనం
బెన్నన్ మాదృశ చర్మ చక్షులకు ఱాలే, పర్వతేశ ప్రభూ!