పాకాల వన్యప్రాణుల అభయారణ్యం

పాకాల వన్యప్రాణుల అభయారణ్యం తెలంగాణ రాష్ట్రం, వరంగల్ గ్రామీణ జిల్లా, ఖానాపూర్ మండలంలోని పాకాల సరస్సు తీరం చుట్టూ పాకాల వన్యప్రాణుల అభయారణ్యం ఉంది.

ఈ అభయారణ్యం దాదాపు 839 చ.కిలోమీటర్ల ప్రాంతంలో విస్తరించి ఉంది. ఇది కాకులు దూరని కారడవే అయినా పర్యాటకులకు అనువైనదే.ఇది వివిధ రకాల వృక్షజాలం, జంతుజాలంను సంరక్షించే కేంద్రంగా విలసిల్లుతోంది. ఈ అభయారణ్యంలో చిరుతపులులు, మానిటర్ బల్లులు, మొసళ్లు, ఎలుగుబంట్లు, హైనాలు, కొండచిలువలు, తోడేళ్ళు వంటి జంతువులు పర్యాటకులకు కన్నుల విందు చేస్తాయి.