పూసపాటి ఆనంద గజపతి రాజు (విజయనగరం మహారాజు)

ఆంధ్ర పత్రికలో పూసపాటి ఆనంద గజపతి రాజు చిత్రం

పూసపాటి ఆనంద గజపతి రాజు (పరిపాలన సంవత్సరాలు? 1879 - 1897) విజయనగర సంస్థానానికి సంబంధించిన మహారాజు, సంస్కరణాభిలాషి, విద్యాదాత.

పరిపాలన

ఆయన పరిపాలనకు ముందు పూసపాటి విజయరామ గజపతి రాజు-I పరిపాలించగా, ఆయన అనంతరం పూసపాటి విజయరామగజపతి రాజు-II పరిపాలనకు వచ్చారు.

విద్యాసేవ

19వ శతాబ్ది చివరిభాగంలో స్త్రీవిద్యాభివృద్ధి కొరకు అనేక ప్రాంతాల్లో బాలికల పాఠశాలలు నెలకొల్పి, అవి కొనసాగేలా ఏర్పాట్లుచేసి పోషించిన వ్యక్తి. తొలినాళ్ళలో విద్యను అభ్యసించేవారికి పారితోషికాలిచ్చి ప్రోత్సహిస్తూ వచ్చినా, తర్వాతికాలంలో తన సహాయాన్ని మరింతగా పెంచి విద్యాభివృద్ధికి తన వంతు సేవచేశారు. పలు పాఠశాలల్లో ఉపాధ్యాయులకు పారితోషికం, జీతం ఇవ్వడంతో ప్రారంభించిన ఆయన విద్యాసేవను అంచెలంచెలుగా పెంచుతూ చివరకు వివిధ బాలికా పాఠశాలల నిర్వహణ వరకూ కొనసాగించారు.