ప్రేమాయనమః
| ప్రేమాయనమః | |
|---|---|
 | |
| దర్శకత్వం | శివరాం ఆప్టే |
| రచన | విజయభాస్కర్ (మాటలు) |
| నిర్మాత | టి. దయానంద్, విద్యాశంకర్ |
| తారాగణం | సాందీప్, కౌష |
| ఛాయాగ్రహణం | శ్యాందత్ |
| కూర్పు | వి. అంకిరెడ్డి |
| సంగీతం | రమేష్ ఎర్రా |
నిర్మాణ సంస్థ | 21 సెంచురీ లయన్స్ |
విడుదల తేదీ | డిసెంబరు 12, 2003[1] |
సినిమా నిడివి | 130 ని |
| దేశం | భారతదేశం |
| భాష | తెలుగు |
ప్రేమాయనమః 2003 లో శివరాం ఆప్టే దర్శకత్వంలో వచ్చిన ప్రేమకథా చిత్రం. ఇందులో సాందీప్, కౌష ముఖ్యపాత్రలు పోషించారు.[2] ఒక చిన్న పల్లెటూరిలో నివసించే పూజారి కుర్రాడు తన ప్రేమించిన అమ్మాయి కోసం అమెరికా వెళ్ళి తన ప్రేమను ఎలా నెగ్గించుకున్నాడన్నది ఈ చిత్ర కథ.
కథ
[మార్చు]అమెరికాలో నివసించే స్వప్న సెలవుల్లో తన స్వగ్రామానికి వస్తుంది. అక్కడి గుడిలో పూజారి కొడుకు కిరణ్. కిరణ్ ఆమె గురించి వివరాలు తెలియకుండానే ఆమెతో ప్రేమలో పడతాడు. స్వప్న తిరిగి అమెరికా వెళ్ళిపోతుంది. అమెరికాలోని గుడిలో పౌరోహిత్యం పేరుతో కిరణ్ ఆమెను వెతుక్కుంటూ అమెరికా వెళతాడు. చివరికి కిరణ్ ఆమెను ఎలా కలుసుకుని ఇద్దరూ ఒక్కటయ్యారన్నది మిగతా కథ.
తారాగణం
[మార్చు]గాయకుడు సాందీప్ ఈ సినిమాతో కథానాయకుడిగా, కౌష కథానాయికగా పరిచయం అయ్యారు.[3]
- కిరణ్ గా సాందీప్
- స్వప్న గా కౌష
- తనికెళ్ళ భరణి
- గుండు హనుమంతరావు
- రామచంద్ర
నిర్మాణం
[మార్చు]ఈ సినిమాను నలుగురు ప్రవాసాంధ్రులు కలిసి నిర్మించారు. కలకత్తా మెయిల్ అనే సినిమాకు సహాయ దర్శకుడిగా వ్యవహరించిన శివరాం ఆప్టే ఈ సినిమాకు దర్శకుడిగా పరిచయం అయ్యాడు.[3]
పాటలు
[మార్చు]రమేష్ ఎర్రా సంగీత దర్శకత్వం వహించిన ఈ చిత్రంలో మొత్తం 9 పాటలున్నాయి. చంద్రబోస్, భాషశ్రీ పాటలు రాయగా హరిహరన్, శంకర్ మహదేవన్, రఘు కుంచె, సాందీప్, సునీత మల్లికార్జున్, లెనినా చౌదరి తదితరులు పాటలు పాడారు.
మూలాలు
[మార్చు]- ↑ "Premayanamaha (2003) - Full Length Telugu Film - Saandip - Kausha". idreammedia.com. Archived from the original on 9 జూలై 2017. Retrieved 26 December 2017.
- ↑ "Premayanamaha (2003) (Telugu)". nowrunning.com. Archived from the original on 6 ఏప్రిల్ 2017. Retrieved 26 December 2017.
- ↑ 3.0 3.1 "Audio release - Premayanamaha". idlebrain.com. Retrieved 26 December 2017.