బాచిన చెంచుగరటయ్య

బాచిన చెంచుగరటయ్య
ఎమ్మెల్యే
ప్రస్తుత పదవిలో
అధికార కాలం 1983, 1985, 1994,1999
నియోజకవర్గం	అద్దంకి నియోజకవర్గం
వ్యక్తిగత వివరాలు
జననం	24 జనవరి 1946 జే.పంగులూరు గ్రామం, జే.పంగులూరు మండలం, ప్రకాశం జిల్లా, ఆంధ్రప్రదేశ్ రాష్ట్రం
జాతీయత	భారతీయుడు
రాజకీయ పార్టీ	వైఎస్సార్ కాంగ్రెస్ పార్టీ
తల్లిదండ్రులు	బాచిన రాఘవయ్య, కాంతమ్మ
జీవిత భాగస్వామి	రత్నకుమారి
సంతానం	ఒక కుమారుడు, ఇద్దరు కుమార్తెలు

బాచిన చెంచుగరటయ్య ఆంధ్రప్రదేశ్ రాష్ట్రానికి చెందిన రాజకీయ నాయకుడు. ఆయన అద్దంకి నియోజకవర్గం నుండి నాలుగు సార్లు ఎమ్మెల్యేగా ప్రాతినిధ్యం వహించాడు.

జననం, విద్యాభాస్యం

బాచిన చెంచుగరటయ్య 24 జనవరి 1946లో ఆంధ్రప్రదేశ్ రాష్ట్రం, ప్రకాశం జిల్లా, జే.పంగులూరు మండలం, జే.పంగులూరు గ్రామంలో బాచిన రాఘవయ్య, కాంతమ్మ దంపతులకు జన్మించాడు. ఆయన ఎంబీబీఎస్‌ పూర్తి చేసి డాక్టరుగా కొన్నేళ్లపాటు వైద్యునిగా ప్రాక్టీస్‌ చేశాడు.

రాజకీయ జీవితం

బాచిన చెంచుగరటయ్య 1974లో జనతా పార్టీ ద్వారా రాజకీయాల్లోకి వచ్చి 1978లో జరిగిన ఎన్నికల్లో జేఎన్‌పీ తరపున పోటీ చేసి కాంగ్రెస్ అభ్యర్థి కరణం బలరామకృష్ణమూర్తి చేతిలో 5150 ఓట్ల తేడాతో ఓడిపోయాడు. ఆయన 1983లో స్వతంత్ర అభ్యర్థిగా పోటీ చేసి తన సమీప ప్రత్యర్థి కాంగ్రెస్ అభ్యర్థి కరణం బలరామకృష్ణమూర్తి పై 3394 ఓట్లు మెజారిటీతో గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు. బాచిన చెంచుగరటయ్య 1985, 1994, 1999 ఎన్నికల్లో ఎమ్మెల్యేగా అసెంబ్లీకి ఎన్నికయ్యాడు.