బిట్

వికీపీడియా నుండి
Jump to navigation Jump to search

బిట్ అనేది కంప్యూటింగ్, డిజిటల్ కమ్యూనికేషన్లలో సమాచారం యొక్క ప్రాథమిక ప్రమాణం. ఒక బిట్ కేవలం రెండు విలువల్లో ఒకదానిని మాత్రమే సూచించగలదు. అందువలన దీనిని భౌతికంగా రెండు స్థితుల్లో ఉండగల ఏ పరికరంతోనైనా సూచించవచ్చు. ఈ విలువలు సర్వసాధారణంగా 0 తో గాని లేదా 1 తో గాని సూచించబడతాయి. బైనరీ డిజిట్ యొక్క పూర్తి రూపమే బిట్. ఇది సమాచార సిద్ధాంతంలో షానన్ [1] అనే ప్రమాణానానికి సమానం.

ఈ రెండు విలువలను తర్కంలో (లాజిక్) అవును/కాదు, ఉంది/లేదు, సత్యం/అసత్యం; గణితంలో ధన సంఖ్య/ఋణ సంఖ్య; ఏదైనా స్థితిని తెలుపడానికి ఆన్/ఆఫ్ లాంటి వాటిని సూచించడానికి వాడతారు. బిట్లను ప్రమాణంగా సూచించడానికి ఆంగ్లంలో bits లేదా b అని గానీ సూచిస్తారు. సాధారణంగా ఎనిమిది బిట్ల సముదాయాన్ని ఒక బైట్ అని వ్యవహరిస్తారు.

భౌతిక నమూనా[మార్చు]

ఒక బిట్ ను ఏదైనా డిజిటల్ పరికరంతో లేదా కేవలం రెండు స్థితుల్లో ఉండగలిగే ఏ భౌతిక పరికరంతోనైనా సూచించవచ్చు. వీటిని సూచించడానికి పలు మార్గాలు ఉన్నాయి. అధునాతన కంప్యూటింగ్ పరికరాలలో దీనిని ఎలక్ట్రికల్ వోల్టేజీ లేదా కరెంటు ప్రవాహంతో సూచిస్తారు.

ప్రసారం, విశ్లేషణ[మార్చు]

బిట్లను ఒకదాని తరువాత ఒకటి ప్రసారం చేస్తే దానిని శ్రేణీ ప్రసారం (సీరియల్ ట్రాన్స్ మిషన్) అనీ ఒకేసారి ఒకటికన్నా ఎక్కువ బిట్లు ప్రసారం చేస్తే దానిని సమాంతర ప్రసారం (ప్యారలల్ ట్రాన్స్ మిషన్) అనవచ్చు. డేటా ప్రసార రేటును కొలవడానికి బిట్స్ ఫర్ సెకండ్ (bit/s) లేదా కిలోబిట్స్ ఫర్ సెకండ్ అనే ప్రమాణానాన్ని వాడతారు.

మూలాలు[మార్చు]

  1. "ఆర్కైవ్ నకలు". Archived from the original on 2017-09-02. Retrieved 2016-05-28.
"https://te.wikipedia.org/w/index.php?title=బిట్&oldid=3434304" నుండి వెలికితీశారు