బి.ఆర్.నాయుడు

బొల్లినేని రాజగోపాల్ నాయుడు (బిఆర్ నాయుడు) టీవీ 5 మీడియా హిందూ ధర్మం ఆధ్యాత్మిక ఛానల్ వ్యవస్థాపకుడు. తిరుమల తిరుపతి దేవస్థానం ప్రస్తుత చైర్మన్. మీడియా సంస్థ యజమానిగా, వ్యాపారవేత్తగా, సామాజిక కార్యకర్తగా సుపరిచితుడైన నాయుడు, టీటీడీ బోర్డు ఛైర్మన్ గా నియమించబడ్దారు.

బొల్లినేని రాజగోపాల్ నాయుడు
జననం	బొల్లినేని రాజగోపాల్ నాయుడు దిగువ పూనేపల్లి, పెనుమూరు మండలం, చిత్తూరు జిల్లా, ఆంధ్రప్రదేశ్, భారతదేశం
జాతీయత	భారతీయుడు
వృత్తి	వ్యాపారవేత్త, మీడియా యజమాని, సామాజిక కార్యకర్త
Organization	టీవీ5 మీడియా గ్రూప్ అధినేత
పేరుపడ్డది	హిందూ ధర్మం ఆధ్యాత్మిక చానల్ స్థాపకుడు
Office	తిరుమల తిరుపతి దేవస్థానం చైర్మన్
Parent(s)	మునిస్వామి నాయుడు, లక్ష్మి

నాయుడు తల్లిదండ్రులు మునిస్వామి నాయుడు, లక్ష్మిల ఆరుగురు సంతానంలో ఇతను చివరివాడు. వీరిది చిత్తూరు జిల్లా పెనుమూరు మండలం దిగువ పూనేపల్లి. వీరిది వ్యవసాయ కుటుంబం. స్థానికంగా చదువు పూర్తి చేసిన నాయుడు తరువాత సాంకేతిక విద్య నేర్చుకొని హైదరాబాద్ బీహెచ్ఈఎల్ కంపెనీలో ఉద్యోగంలో చేరాడు. యువ ఉద్యోగిగా బీహెచ్ఈఎల్ సాంస్కృతిక, సాహిత్య విభాగాల్లోనూ పనిచేశాడు. 12 వేలమంది ఉద్యోగులు ఉండే బీహెచ్ఇఎల్ సంస్థలో లిటరరీ సెక్రటరీగా, సాంస్కృతిక కార్యదర్శిగా చురుకైన పాత్ర పోషించాడు.

నాయుడు తండ్రి మునిస్వామి నాయుడు, అవిభక్త మద్రాసు రాష్ట్ర ఫస్ట్ మినిస్టర్ గా (బ్రిటిషు వారి పాలనలో రాష్ట్ర ముఖ్యమంత్రి తరహా పదవి) 1930-1934 వరకు పదవిని నిర్వహించాడు.

టీటీడీ చైర్మన్‌గా నాయుడు ప్రమాణ స్వీకారం

టీటీడీ నూతన ఛైర్మన్‌ బీఆర్‌ నాయుడుచే 2024 నవంబరు 6న రంగనాయకుల మండపంలో తిరుమల ఇఓ శ్యామలరావు ప్రమాణం చేయించారు.ఛైర్మన్‌ బీఆర్‌ నాయుడుతో పాటు కొత్తపాలకవర్గం సభ్యులు 23 మంది ప్రమాణస్వీకారం చేశారు.