మనోరమా దేవి

మనోరమా దేవి
బీహార్ శాసనసభ సభ్యురాలు
అధికారంలో ఉన్న వ్యక్తి
అధికార ప్రారంభం 2024 నవంబర్ 23
ముందు	సురేంద్ర ప్రసాద్ యాదవ్
నియోజకవర్గం	బెలగంజ్
బీహార్ శాసనమండలి సభ్యురాలు
పదవీ కాలం 2015 – 2021
నియోజకవర్గం	జెహనాబాద్
బీహార్ శాసనమండలి సభ్యురాలు
పదవీ కాలం 2003 – 2009
నియోజకవర్గం	అర్వాల్
వ్యక్తిగత వివరాలు
రాజకీయ పార్టీ	జనతాదళ్ (యునైటెడ్)
జీవిత భాగస్వామి	బిందేశ్వరి ప్రసాద్ యాదవ్
సంతానం	రాకీ యాదవ్

మనోరమా దేవి బీహార్‌ రాష్ట్రానికి చెందిన రాజకీయ నాయకురాలు. ఆమె రెండుసార్లు బీహార్ శాసనసభ సభ్యురాలిగా పని చేసి 2024లో బెలగంజ్ శాసనసభ నియోజకవర్గానికి జరిగిన ఉప ఎన్నికలో ఎమ్మెల్యేగా ఎన్నికైంది.

జననం, విద్యాభాస్యం

మనోరమ యాదవ్ 1970లో హజారా సింగ్, కబుతరీ దేవి దంపతులకు జన్మించింది. ఆమె తండ్రి ట్రక్ డ్రైవర్ కాగా, తల్లి చిన్న దాబాను నడిపేది. మనోరమ బాలికల ఉన్నత పాఠశాల బారచట్టి నుండి మెట్రిక్యులేషన్, సోబ్ కళాశాల నుండి ఇంటర్మీడియట్ పూర్తి చేసింది.

రాజకీయ జీవితం

మనోరమ యాదవ్ 2001లో మోహన్‌పూర్ బ్లాక్‌కు అధ్యక్షురాలిగా, బ్లాక్‌ చీఫ్‌గా ఉన్న సమయంలో 2003లో బీహార్ శాసనమండలికి జరిగిన ఎన్నికలలో ఆర్జేడీ టిక్కెట్‌పై ఎమ్మెల్సీ ఎన్నికల్లో పోటీ చేసి 2003 నుండి 2009 వరకు ఎమ్మెల్సీగా పని చేసింది. మనోరమ యాదవ్ 2015 నుండి 2021 వరకు జనతాదళ్ (యునైటెడ్) అభ్యర్థిగా రెండవసారి పని చేసి 2020 బీహార్ శాసనసభ ఎన్నికలలో అత్రి నియోజకవర్గం నుండి జేడీయూ అభ్యర్థిగా పోటీ చేసి తన సమీప ప్రత్యర్థి ఆర్జేడీ అభ్యర్థి అజయ్ కుమార్ యాదవ్ చేతిలో 7,931 ఓట్ల తేడాతో ఓడిపోయింది.

మనోరమ యాదవ్ 2024లో బెలగంజ్ అసెంబ్లీ నియోజకవర్గానికి జరిగిన ఉప ఎన్నికలలో జేడీయూ అభ్యర్థిగా పోటీ చేసి తన సమీప ప్రత్యర్థి ఆర్జేడీ అభ్యర్థి విశ్వనాథ్ కుమార్ సింగ్‌పై 21391 ఓట్ల మెజారిటీతో గెలిచి తొలిసారి ఎమ్మెల్యేగా ఎన్నికైంది. మనోరమా దేవి 73,334 ఓట్లను సాధించగా విశ్వనాథ్ కుమార్ సింగ్ 51,943 ఓట్లను సాధించాడు.