ముళ్లపూడి తిమ్మరాజు

వికీపీడియా నుండి
ఇక్కడికి గెంతు: మార్గసూచీ, వెతుకు
ముళ్లపూడి తిమ్మరాజు

ముళ్లపూడి తిమ్మరాజు తణుకు గ్రామానికి చెందిన పారిశ్రామికవేత్త. సాహిత్యాభిలాషి. సాహితీ పోషకుడు. దేశసేవకుడు. విద్యాపోషకుడు. ఇతడు 1901 అక్టోబరు 10వ తేదీన ముళ్లపూడి వేంకటరాయుడు, అక్కమాంబ దంపతులకు జన్మించాడు. మరణించిన కుమారుడి పేరిట శ్రీ నరేంద్రసాహిత్యమండలి స్థాపించి ఆ సంస్థ ద్వారా ఎన్నో సాహిత్యకార్యక్రమాలను నిర్వహించాడు. ఈ సంస్థ ద్వారా పెన్మెచ్చ సత్యనారాయణరాజు గారి రాజానందము, వేదుల సత్యనారాయణశర్మ గారి బుద్ధగీత, ఆర్యచాణక్యుడు, కాకతి ప్రోలరాజు, తెన్నేటి కోదండరామయ్యగారి మాబడి, గోకులపాటి కూర్మనాథ కవి రచించిన సింహాద్రి నారసింహ శతకము, భద్రభూపాలుడి నీతిముక్తావళి, చల్లా పిచ్చయ్య వ్రాసిన ఉద్యానము ఇంకా గోస్తనీ మాహాత్మ్యము, శివయోగసారము, ముసునూరి కాపయ, సోమదేవరాజీయము మొదలైన గ్రంథాలను ప్రకటించాడు. ఇతనికి సాహితీవల్లభ అనే బిరుదు వుంది.[1]. ప్రముఖ పారిశ్రామికవేత్త ముళ్ళపూడి హరిశ్చంద్ర ప్రసాద్ ఇతని కుమారుడు. ఇరిగేషన్ అడ్వయిజరీ బోర్డు, జిల్లా ఎడ్యుకేషనల్ కౌన్సిల్, ప్రాథమిక విద్యాసంఘము మొదలైన సంస్థలెన్నింటితోనో సంబంధం కలిగి తన అధికారాన్ని, పలుకుబడిని ప్రజాక్షేమానికే వినియోగించాడు. వరుసగా తొమ్మిదేండ్లు తణుకు తాలూకా బోర్డు అధ్యక్షుడిగా ఉన్నాడు. తన స్వంత గ్రంథాలయాన్ని తాలూకా బోర్డుకు అప్పగించి గ్రంథాలయోద్యమంలో పాలుపంచుకున్నాడు[2].

రచనలు[మార్చు]

  • ఈడ్పుగండి రాఘవేంద్రరావుగారి సంగ్రహచరిత్ర
  • ముళ్లపూడి తిమ్మరాజుగారి ఐతిహాసిక యాత్రలు

మూలాలు[మార్చు]