రాయసం శేషగిరిరావు

రాయసం శేషగిరిరావు
పార్లమెంటు సభ్యుడు
పదవీ కాలం 1952-1957
తరువాత	పెండేకంటి వెంకటసుబ్బయ్య
నియోజకవర్గం	నంద్యాల
వ్యక్తిగత వివరాలు
జననం	13 జూలై 1909
మరణం	30 మే 1963
జీవిత భాగస్వామి	కమలమ్మ

రాయసం శేషగిరిరావు, (జ. 13 జూలై 1909 - 30 మే 1963), 1వ లోక్‌సభ సభ్యుడు. 1952 సార్వత్రిక ఎన్నికలలో నంద్యాల లోక్‌సభ నియోజకవర్గం నుండి స్వతంత్ర అభ్యర్ధిగా పోటీ చేసి గెలిచాడు.

శేషగిరిరావు 1909, జూలై 13న ఆంధ్రప్రదేశ్ రాష్ట్రంలోని నంద్యాలలో జన్మించాడు. ఈయన మద్రాసు ప్రెసిడెన్సీ కళాశాల నుండి న్యాయశాస్త్రంలో పట్టభద్రుడయ్యాడు. 1925లో కమలమ్మను వివాహం చేసుకున్నాడు.

వృత్తి రీత్యా న్యాయవాది అయిన శేషగిరిరావు, బార్ అసోషియేషన్ అధ్యక్షుడిగా కూడా పనిచేశాడు. లాండ్ మార్ట్‌గేజ్ బ్యాంకు సలహాదారుగా, రాయలసీమ మహాసభకు కార్యదర్శిగా కూడా పనిచేశాడు.

శేషగిరిరావు కవి కూడా. సాహిత్య పరిషత్తు నుండి కవిశేఖర బిరుదును కూడా పొందాడు. ఈయన రచనల్లో నాదేశ్వరి, మహర్షి మహానందయ్య, పాణికేశ్వర మహాత్మ్యము , కళ్యాణ మంజరి, కొత్త నమూనా (1933) అనే నాటిక కూడా ఉన్నాయి. ఈయన జ్యోతిష్యంపై కూడా ఒక పుస్తకం వ్రాశాడు.^{[మూలాలు తెలుపవలెను]}