లక్ష్మీ విలాస్ ప్యాలెస్, వడోదర
| లక్ష్మీ విలాస్ ప్యాలెస్ | |
|---|---|
 లక్ష్మీ విలాస్ ప్యాలెస్, వడోదర | |
| సాధారణ సమాచారం | |
| నిర్మాణ శైలి | Indo-Saracenic Revival architecture |
| పట్టణం లేదా నగరం | వడోదర |
| దేశం | భారతదేశం |
| పూర్తి చేయబడినది | 1890 |
| రూపకల్పన, నిర్మాణం | |
| వాస్తు శిల్పి | Robert Chisholm |
గుజరాత్ లోని వడోదర నగరంలో ఉన్న లక్ష్మీ విలాస్ ప్యాలెస్ మరాఠా గైక్వాడ్ వంశస్థులు నిర్మించిన రాజ భవనం. వీళ్ళు బరోడా సంస్థానానికి పరిపాలకులు. మేజర్ చార్లెస్ మాంట్ దీనికి ముఖ్య శిల్పిగా చెబుతారు.[1]
నిర్మాణం[మార్చు]
ఈ భవనం భారతీయ నిర్మాణశైలితో సహా వివిధ రకాలైన శైలిలో నిర్మించబడింది. దీన్ని సా.శ 1890 సంవత్సరంలో శాయాజీరావ్ గైక్వాడ్ - III సుమారు లక్షా ఎనభైవేల పౌండ్ల ఖర్చుతో (అప్పటి విలువ ప్రకారం 27 లక్షల రూపాయలు) నిర్మించాడు. దర్బారు హాలు వైశాల్యం 5000 చదరపు అడుగులు.[2] ఈ రాజభవన ప్రాంతం మొత్తం 500 ఎకరాలు. ఇందులో ప్రధాన భవనంతో బాటు ఫంక్షన్ హాలు, మోతీ భాగ్ ప్యాలెస్, మహారాజా ఫతే సింగ్ మ్యూజియం లాంటి ఇతర భవనాలు కూడా ఉన్నాయి.
ప్రత్యేకతలు[మార్చు]
ఇది నిర్మించినప్పుడు అత్యంత పెద్దదైన ప్రైవేటు నివాసంగా పేరుగాంచింది. ఇది లండన్ లో ఉన్న బకింగ్‌హామ్ ప్యాలెస్ కన్నా నాలుగు రెట్లు పెద్దది. అప్పట్లోనే అధునాతనమైన సౌకర్యాలైన ఎలివేటర్లు, భవనం లోపల యూరోపియన్ శైలితో కూడిన అలంకరణలు లాంటివి కలిగి ఉంది. ఈ భవనంలో ఇప్పటికీ బరోడా రాజ వంశీయులు నివసిస్తున్నారు.
1930 వ దశకంలో అప్పటి మహారాజు ప్రతాప్ సింగ్ యూరోపియన్ అతిథుల కోసం భవన ప్రాంగణం ఎదురుగా గోల్ఫ్ కోర్స్ నిర్మించాడు. 1990 వ దశకంలో ప్రతాప్ సింగ్ మనవడు, మాజీ రంజీ క్రికెటర్ అయిన సమర్ జిత్ సింగ్ ఈ గోల్ఫ్ కోర్సును పునరుద్ధరించి సాధారణ ప్రజలకు కూడా అందుబాటు లోకి తెచ్చాడు.[3]
చిత్రాలు[మార్చు]
-
1890 లో లక్ష్మీ విలాస్ పాలెస్ -
లక్ష్మీ విలాస్ ప్యాలెస్ గ్రంథాలయం, 1890 నాటి చిత్రం -
రాజసింహాసనం కలిగిన దర్బారు హాలు -
దర్బారు హాలు కళాకృతులు
.jpg)
మూలాలు[మార్చు]
- ↑ "Laxmi Vilas Palace". Vadodara: Udaipur Kiran. 23 December 2021. Retrieved 26 April 2022.
- ↑ HoVB (2009-09-09). "Lukshmi Vilas Palace". History of Vadodara - Baroda (in అమెరికన్ ఇంగ్లీష్). Retrieved 2023-08-09.
- ↑ "Lukshmi Vilas Palace - Baroda". Gujarat Tourism. Archived from the original on 2017-07-30. Retrieved 2023-08-30.