వికీపీడియా:కొత్తవారికి సహాయం/అవసరమైన వనరులు/స్వేచ్ఛా విజ్ఞాన సర్వస్వం

వికీపీడియా అన్నదొక స్వేచ్ఛా విజ్ఞాన సర్వస్వం. విజ్ఞాన సర్వస్వం అంటే ఏమిటన్నది ఇక్కడ చదివి తెలుసుకున్నారు. ఇక స్వేచ్ఛ అన్న పదానికి అర్థం ఏమిటంటే:

1. వికీపీడియాలో ఉన్న సమాచారం అంతటినీ కాపీహక్కులపరంగా స్వేచ్ఛగా, ఎవరి నుంచీ అనుమతులు అడగనక్కర లేకుండా కేవలం "వికీపీడియా నుంచి" తీసుకున్నట్టు ఓ ముక్క ప్రస్తావించి ఎవరైనా, ఎందుకైనా వాడుకోవచ్చు.
2. వికీపీడియాలో ఇప్పటికే ఉన్న సమాచారాన్ని విధానాలు, మార్గదర్శకాలకు అనుగుణంగా మీరు మార్పుచేర్పులు చేయవచ్చు. అలానే మీరు రాసినదాన్ని కూడా ఇతరులు దిద్దుబాట్లు చేయవచ్చు.

ఈ సూత్రాలనే మరింత వివరిస్తే -

• మీరు వికీపీడియా వ్యాసాలను మీ అవసరం కోసం వాడుకుందామనుకుంటే - హాయిగా వాడుకోండి, ఎవరినీ అడగనక్కరలేదు, కేవలం వికీపీడియాకు అట్రిబ్యూషన్ ఇవ్వాలంతే.
• మీరు వికీపీడియాలో రాస్తూన్నట్టైతే -
  • మీరు ఏ వ్యాసంలో అయినా వికీపీడియా సూత్రాలు అనుసరించి చక్కగా మార్పులు చేయవచ్చు.
  • మీరు వికీపీడియాలో మార్పులు చేస్తున్నప్పుడే మీ సమాచారాన్ని ఎవరైనా వాడుకోగలిగేలా, వికీపీడియా నుంచి తీసుకున్నదన్న అట్రిబ్యూషన్ ఇస్తే చాలన్నట్టుగా మీరొక లైసెన్సులో సమాచారాన్ని ప్రపంచానికి అందిస్తున్నారు.
  • వికీపీడియాలోని వ్యాసాలు ఎవరైనా అనుమతులు లేకుండా వాడగలిగేలా ఉండాలి కాబట్టి వేరెవరిదో సమాచారం అచ్చంగా కాపీ పేస్టులు చేయకండి. ఎందుకంటే వికీపీడియాకు మీరిచ్చేది ఆ సమాచారంపై కొన్ని కాపీహక్కులు వదులుకుని ఇస్తున్నారు. వేరెవరి హక్కులో మీరెలా వదులుకోగలరు చెప్పండి? అత్త సొమ్ము అల్లుడు దానం చేసినట్టు ఉంటుంది.
  • మీకు వ్యాసాల్లో సరైన మార్పులు చేసే హక్కు ఎలా ఉందో, అలానే ఇతరులూ మీరు మొదలుపెట్టిన వ్యాసాల్లో సరైన మార్పులైతే చేయవచ్చు. వికీపీడియాలో వ్యాసాలేవీ ఇవి నావి అని గిరిగీసి కూర్చునే వీల్లేదు.

ఈ పనిపట్టండి

మీరొకసారి వికీపీడియాలో ఏదైనా పేజీలో సవరించు అన్న బటన్ నొక్కి, పేజీ కింద సవరణ సారాంశం అన్న డబ్బాకు, మార్పులను ప్రచురించు అన్న బటన్‌కీ నడుమ ""పేజీని భద్రపరచు" బొత్తాము నొక్కడం ద్వారా" అని మొదలయ్యే లైసెన్సు వివరాలు చదివి చూడండి.