వినువీథి

వినువీథి ఎ.వి.యస్. రామారావు రచించిన ఖగోళ శాస్త్ర గ్రంథం. ఈ గ్రంథానికి ముందుమాట శ్రీ డా. శ్రీపాద గోపాలకృష్ణమూర్తి వ్రాయగా, భూమికను శ్రీ. ఎం.వి. నరసింహస్వామి రచించారు. ప్రచురణ కాలానికి లభించిన ఖగోళ శాస్త్రానికి సంబంధించిన పలు విషయాలతో సవివరంగా రచించిన గ్రంథమిది. ఈ గ్రంథానికి మదరాసు విశ్వవిద్యాలయం వారి ఉత్తమ ఖగోళశాస్త్ర గ్రంథం బహుమతి లభించడం విశేషం.

దీని ప్రథమ ముద్రణము జనవరి 1955 సంవత్సరంలో ఆధునిక విజ్ఞాన గ్రంథమాల, కాకినాడ వారు ప్రచురించారు.

రామారావు ఈ గ్రంథంలో వినువీధినంతటినీ చక్కగా పర్యవేక్షించిరి. భూమి ఆకారము, భ్రమణం, పరిభ్రమణ కారణము, ద్రవ్యరాశి వంటి అనేక విజ్ఞాన విషయాలన్నింటినీ ఇందులో చేర్చిరి. తరువాత దృశ్యమానవ భోగోళము, నక్షత్రరాశులు, సూర్యకుటుంబం, నక్షత్రములు, గాలక్సీలు, నెబ్యులాలు వంటి అన్ని విషయములను ఈ 300 పుటల పుస్తకంలో వివరించబడినవి.

ఈ పుస్తకమున ప్రచురించిన 4,5,6,7,9,17 పటముల ఛాయాచిత్రములను కోడైనెనాల్ అబ్సర్వేటరీవారు, 18వ పటము ఛాయాచిత్రమును చైజాయియా అబ్జర్వేటరీ వారు, 19 వ పటము ఛాయాచిత్రమును ఇయోలాజికల్ సర్వే ఆఫ్ ఇండియా వారు, 11,24,28, 30, 31, 32 పటముల ఛాయాచిత్రములను సయిస్సు సొసైటీ, మద్రాసు వారు అందజేసిరి.

మంచి ఛాయాచిత్రములతో అనేక ఖగోళ అంశాలను ఈ పుస్తకంలో చూడవచ్చు.

విశేషాలు

1. ప్రస్తావన
2. భూమి
3. నభోగోళము
4. నక్షత్రరాశులు
5. సూర్యకుటుంబము
6. సూర్యుడు
7. చంద్రుడు
8. గ్రహములు
9. తోకచుక్కలు
10. ఉల్కలు
11. నక్షత్రములు
12. గేలాక్సీలు, నెబ్యులాలు
13. ఉపసంహారము

బాహ్య లంకెలు

• భారత డిజిటల్ లైబ్రరీలో వినువీథి పుస్తక ప్రతి.