విస్తరించిన రోహిణి ఉపగ్రహ శ్రేణి
విస్తరించిన రోహిణి ఉపగ్రహ శ్రేణి (SROSS), రోహిణి ఉపగ్రహాలకు పొడిగింతగా భారత అంతరిక్ష పరిశోధనా సంస్థ అభివృద్ధి చేసిన ఉపగ్రహాల శ్రేణి. [1] ఖగోళ భౌతిక శాస్త్రం, భూమి రిమోట్ సెన్సింగ్, ఎగువ వాతావరణ పర్యవేక్షణ ప్రయోగాల కోసం అలాగే కొత్త అప్లికేషన్-ఆధారిత మిషన్ల కోసం వీటిని అభివృద్ధి చేసారు. [2] ఈ ఉపగ్రహాలు ఆగ్మెంటెడ్ ఉపగ్రహ వాహక నౌకల్లో పేలోడ్‌గా పంపించారు. [1]
శ్రేణి లోని ఉపగ్రహాలు
[మార్చు]SROSS A, SROSS B
[మార్చు]ప్రయోగ వాహనం వైఫల్యం కారణంగా ఈ శ్రేణి లోని మొదటి రెండు ఉపగ్రహాలు కక్ష్యలోకి ప్రవేశించలేదు. లేజర్ ట్రాకింగ్ కోసం SROSS-A రెండు రెట్రో-రిఫ్లెక్టర్‌లను తీసుకువెళ్లింది. [1] SROSS-B వెస్ట్ జర్మన్ మోనోక్యులర్ ఎలక్ట్రో ఆప్టికల్ స్టీరియో స్కానర్ (MEOSS), ISRO వారి 20-3000keV గామా-రే బర్స్ట్ ప్రయోగాలకు సంబంధించిన రెండు సాధనాలను తీసుకువెళ్లింది; . [1]
SROSS C
[మార్చు]మూడవది, SROSS 3 (SROSS C అని కూడా పిలుస్తారు), 1992 మే 20 న ఉద్దేశించిన కక్ష్య కంటే తక్కువ కక్ష్యలో ప్రతిక్షేపించారు. 20–3000 కెవి శక్తి పరిధిలో ఉండే ఖగోళ గామా కిరణాలను ఇది పర్యవేక్షిస్తుంది. SROSS C, C2 గామా-రే బర్స్ట్ (GRB) ప్రయోగం, రిటార్డెడ్ పొటెన్షియల్ ఎనలైజర్ (RPA) ప్రయోగాలను నిర్వహించాయి. GRB ప్రయోగం 1992 మే 25 నుండి 1992 జూలై 14 వరకు నిర్వహించింది.
SROSS C2
[మార్చు]SROSS-C2 ను 1994 మే 4 న ప్రయోగించారు. SROSS-C2 బోర్డులో గామా రే బర్స్ట్ ప్రయోగాలు SROSS-C ఉపగ్రహంలో విజయవంతంగా ఎగురవేయబడిన GRB పేలోడ్‌కి మెరుగైన రూపం. ఇది మొత్తం 993 ట్రిగ్గర్‌లలో 1995 ఫిబ్రవరి 15 వరకు పన్నెండింటిని కనుక్కుంది. [3] SROSS-C2 అంతరిక్ష నౌక ఇంటర్‌ప్లానెటరీ నెట్‌వర్క్‌లో చేర్చబడిన ఉపగ్రహాలలో ఒకటి. [4] SROSS C2 ఉపగ్రహం GRB ప్రయోగం కోసం RCA CDP1802 మైక్రోప్రాసెసర్‌ను కూడా ఉపయోగించింది.
ఇవి కూడా చూడండి
[మార్చు]మూలాలు
[మార్చు]- ↑ 1.0 1.1 1.2 1.3 "SROSS A, B, C, C2 Quicklook". Archived from the original on 2009-04-11. Retrieved 2009-07-19.
- ↑ "SROSS". Archived from the original on December 28, 2016.
- ↑ "Stretched Rohini Satellite Series 3 & C2".
- ↑ "IPN3 Home Page".[permanent dead link]