సునంద, ఒక భారతీయ చలనచిత్ర నేపథ్య గాయని, ఆమె ప్రధానంగా తమిళ, మలయాళ చిత్రాలలో పనిచేసింది.[1] 1983లో చెన్నైకి వెళ్ళి సినిమారంగంలో అడుగుపెట్టేముందు ఆమె కేరళలో తన ప్రీ-డిగ్రీ పాఠశాల విద్యను పూర్తి చేసింది. ఆమె కర్ణాటక సంగీతంలో శిక్షణ పొందింది.
ఆమెను దక్షిణ భారత చలనచిత్ర సంగీత స్వరకర్త ఇళయరాజా వెండితెరకు పరిచయం చేసాడు. ఆమె పుదుమై పెన్ (1984) చిత్రానికి తొలి నేపథ్య గాయని.[2] దానికి ముందు, ఆమె ఒక మలయాళ డాక్యుమెంటరీ కోసం కర్ణాటక సంగీతం, శ్లోకాలు ఆలపించింది.[3] ఆమె తొలి చిత్రమే విజయవంతమైంది. ఆమె 1980లు, 1990లలో తమిళ, మలయాళ చిత్రాలలో పలు హిట్ పాటలను పాడింది.[4] అయితే, వ్యక్తిగత కారణాల వల్ల ఆమె కెరీర్ కొనసాగించలేకపోయింది.[5]
