Jump to content

సూర్యకుమార్ యాదవ్

వికీపీడియా నుండి
సూర్యకుమార్ యాదవ్
2024లో యాదవ్
వ్యక్తిగత సమాచారం
పూర్తి పేరు
సూర్యకుమార్ అశోక్ యాదవ్
పుట్టిన తేదీ (1990-09-14) 1990 సెప్టెంబరు 14 (వయసు: 35)
ముంబై, మహారాష్ట్ర, భారతదేశం
మారుపేరుమిస్టర్ 360, స్కై (SKY)[1][2]
బ్యాటింగుకుడిచేతి వాటం
బౌలింగుకుడిచేతి ఆఫ్ బ్రేక్
పాత్రబ్యాటర్
అంతర్జాతీయ జట్టు సమాచారం
జాతీయ జట్టు
ఏకైక టెస్టు (క్యాప్ 304)2023 9 ఫిబ్రవరి - ఆస్ట్రేలియా తో
తొలి వన్‌డే (క్యాప్ 236)2021 18 జూలై - శ్రీలంక తో
చివరి వన్‌డే2023 19 నవంబర్ - ఆస్ట్రేలియా తో
వన్‌డేల్లో చొక్కా సంఖ్య.63
తొలి T20I (క్యాప్ 85)2021 14 మార్చి - ఇంగ్లాండ్ తో
చివరి T20I2026 31 జనవరి - న్యూజిలాండ్ తో
T20Iల్లో చొక్కా సంఖ్య.63
దేశీయ జట్టు సమాచారం
YearsTeam
2009–ప్రస్తుతంపార్సీ జింఖానా
2010–ప్రస్తుతంముంబై
2012–2013, 2018–ప్రస్తుతంముంబై ఇండియన్స్
2014–2017కోల్‌కతా నైట్ రైడర్స్
కెరీర్ గణాంకాలు
పోటీ టెస్టులు వన్‌డేలు టి20 ఎఫ్ సి
మ్యాచ్‌లు 1 37 104 86
చేసిన పరుగులు 8 773 3,030 5,758
బ్యాటింగు సగటు 8.00 25.76 36.95 42.33
100లు/50లు 0/0 0/4 4/24 14/30
అత్యుత్తమ స్కోరు 8 72* 117 200
వేసిన బంతులు – 12 6 1,154
వికెట్లు – 0 2 24
బౌలింగు సగటు – – 2.50 22.91
ఒక ఇన్నింగ్సులో 5 వికెట్లు – – 0 0
ఒక మ్యాచ్‌లో 10 వికెట్లు – – 0 0
అత్యుత్తమ బౌలింగు – – 2/5 4/47
క్యాచ్‌లు/స్టంపింగులు 0/– 17/– 58/– 109/–
Medal record
పురుషుల క్రికెట్
Representing భారతదేశం
ప్రపంచ కప్ క్రికెట్
Runner-up 2023 భారతదేశం
ఐసీసీ టి20 ప్రపంచ కప్
Winner 2024 ఐసీసీ పురుషుల టి20 ప్రపంచ కప్
ఆసియా కప్
Winner 2023 పాకిస్తాన్
Winner 2025 యూఏఈ
ఏసిసి ఎమర్జింగ్ టీమ్స్ ఆసియా కప్
Winner 2013 ఏసిసి ఎమర్జింగ్ టీమ్స్ కప్ సింగపూర్
మూలం: ESPNcricinfo, 2026 1 ఫిబ్రవరి

సూర్యకుమార్ అశోక్ యాదవ్ (జననం 1990 సెప్టెంబరు 14) భారతీయ అంతర్జాతీయ క్రికెటర్. ఇతను కుడిచేతి మిడిల్ ఆర్డర్ బ్యాటర్. ఇతను భారత జాతీయ క్రికెట్ జట్టుకు ప్రాతినిధ్యం వహిస్తూ, టి20 అంతర్జాతీయ జట్టుకు సారథ్యం వహిస్తున్నాడు. 2024 ఐసీసీ పురుషుల టి20 ప్రపంచ కప్ గెలిచిన జాతీయ జట్టులో ఇతను సభ్యుడు. 2025లో ఆసియా కప్ గెలిచిన జట్టుకు నాయకత్వం వహించాడు, 2023లో టైటిల్ గెలిచిన జట్టులో కూడా సభ్యుడిగా ఉన్నాడు.

యాదవ్ ముంబైలో క్లబ్ క్రికెట్ ఆడటం ప్రారంభించి, తరువాత ముంబై క్రికెట్ జట్టుకు ఎంపికయ్యాడు. 2010 ఫిబ్రవరిలో ముంబై తరపున లిస్ట్ ఎ క్రికెట్ అరంగేట్రం చేశాడు, అదే సంవత్సరం ఫస్ట్-క్లాస్ క్రికెట్, టి20 క్రికెట్ అరంగేట్రం కూడా చేశాడు. 2021 మార్చిలో టి20 అరంగేట్రం చేసి, అదే ఏడాది జూలైలో వన్‌డేల్లో అరంగేట్రం చేశాడు. భారతదేశం తరపున ప్రధానంగా పరిమిత ఓవర్ల క్రికెట్ ఆడాడు, 2023 ఫిబ్రవరిలో ఏకైక టెస్ట్ మ్యాచ్ ఆడాడు. 2023 నవంబరులో మొదటిసారి భారత జట్టు కెప్టెన్‌గా ఎంపికయ్యాడు. మాజీ కెప్టెన్ రోహిత్ శర్మ టి20ల నుండి రిటైర్మెంట్ ప్రకటించిన తర్వాత 2024 జూలైలో భారత టి20 జట్టు కెప్టెన్‌గా తిరిగి నియమించబడ్డాడు.

2024 ఆగస్టు నాటికి, యాదవ్ అంతర్జాతీయ క్రికెట్‌లో నాలుగు శతకాలతో 3,000 కంటే ఎక్కువ పరుగులు చేశాడు. ఇతని కెరీర్ పరుగులలో 75% కంటే ఎక్కువ, అన్ని శతకాలు టి20 మ్యాచ్‌లలోనే వచ్చాయి. ఇతని నాలుగు టి20 శతకాలు ఏ బ్యాటర్‌కైనా రెండవ అత్యధికం. 2022 అక్టోబరు నుండి 2024 జూన్ వరకు టి20ల కోసం ఐసీసీ పురుషుల ప్లేయర్ ర్యాంకింగ్స్‌లో అగ్రస్థానంలో నిలిచాడు. ఇతను 2022, 2023లో ఐసీసీ పురుషుల టి20 క్రికెటర్ ఆఫ్ ది ఇయర్ అవార్డును గెలుచుకున్నాడు, 2022, 2023లో ఐసీసీ పురుషుల టి20 టీమ్ ఆఫ్ ది ఇయర్‌లో కూడా ఎంపికయ్యాడు.

2026 జనవరి నాటికి, యాదవ్ అంతర్జాతీయ క్రికెట్‌లో నాలుగు శతకాలతో 3,000 కంటే ఎక్కువ పరుగులు చేశాడు. ఇతని కెరీర్ పరుగులలో 75% కంటే ఎక్కువ, అన్ని శతకాలు టి20 మ్యాచ్‌లలోనే వచ్చాయి. ఇతని నాలుగు టి20 శతకాలు ఏ బ్యాటర్‌కైనా రెండవ అత్యధికం. 2026 జనవరిలో టి20 అంతర్జాతీయ మ్యాచ్‌లలో 3,000 పరుగుల మైలురాయిని అత్యంత వేగంగా సాధించిన ప్రపంచ బ్యాటర్‌గా రికార్డు సృష్టించాడు.[3]

భారత దేశవాళీ క్రికెట్‌లో ముంబై తరపున ఆడుతున్న యాదవ్, గతంలో జట్టుకు కెప్టెన్‌గా వ్యవహరించాడు. ఇండియన్ ప్రీమియర్ లీగ్‌లో ముంబై ఇండియన్స్ తరపున ఆడుతున్నాడు, గతంలో కోల్‌కతా నైట్ రైడర్స్ తరపున కూడా ఆడాడు. కోల్‌కతాతో 2014లో ఒక టైటిల్, ముంబైతో 2019, 2020లో రెండు టైటిళ్లు గెలుచుకున్నాడు.

బాల్యం, వ్యక్తిగత జీవితం

[మార్చు]

సూర్యకుమార్ అశోక్ యాదవ్ 1990 సెప్టెంబరు 14న మహారాష్ట్రలోని ముంబైలో జన్మించాడు.[4] ఇతని తల్లిదండ్రులు ఉత్తర ప్రదేశ్ లోని ఘాజీపూర్ కు చెందినవారు.[5] ఇతను ముంబైలోని అటామిక్ ఎనర్జీ సెంట్రల్ స్కూల్ లో పాఠశాల విద్యను అభ్యసించాడు, ముంబైలోని పిళ్లై కాలేజీ నుండి బి.కామ్ పట్టా పొందాడు.[6][7] ఉత్తర ప్రదేశ్‌లోని వారణాసిలో తన పినతండ్రి వినోద్ కుమార్ యాదవ్ పర్యవేక్షణలో క్రికెట్ ఆడటం ప్రారంభించాడు. 10 సంవత్సరాల వయస్సులో ముంబైలోని BARC కాలనీలోని క్రికెట్ క్యాంప్‌లో చేరాడు, అక్కడ అశోక్ కామత్ కోచ్‌గా ఉన్నారు.[8] ఆ తర్వాత మాజీ అంతర్జాతీయ క్రికెటర్ దిలీప్ వెంగ్‌సర్కార్ నిర్వహిస్తున్న ఎల్ఫ్ వెంగ్‌సర్కార్ అకాడమీకి వెళ్లాడు, ముంబైలో వయో-సమూహ (age-group) క్రికెట్ ఆడాడు.[9]

యాదవ్ 2016 జూలై 7న దేవిషా శెట్టిని వివాహం చేసుకున్నాడు. ఆమె శిక్షణ పొందిన నర్తకి, డ్యాన్స్ కోచ్. వారిద్దరూ 2010లో ఒక కళాశాల కార్యక్రమంలో కలుసుకున్నారు.[10]

ప్రారంభ, దేశీయ కెరీర్

[మార్చు]

యాదవ్ ముంబైలో క్లబ్ క్రికెట్ ఆడాడు, ఎక్కువగా పార్సీ జింఖానా క్రికెట్ క్లబ్ తరపున ఆడాడు. భారత్ పెట్రోలియం కార్పొరేషన్ లిమిటెడ్, పార్సీ జింఖానా, దాదర్ యూనియన్ వంటి జట్ల తరపున కూడా ఆడాడు.[11][12] 2010 ఫిబ్రవరిలో గుజరాత్‌తో జరిగిన లిస్ట్ ఎ మ్యాచ్‌లో ముంబై తరపున అరంగేట్రం చేశాడు. మరుసటి నెలలో హైదరాబాద్‌పై టి20 అరంగేట్రం చేశాడు. 2010 డిసెంబరులో ఢిల్లీపై ఫస్ట్-క్లాస్ అరంగేట్రం చేశాడు.[4][8] 2011–12 రంజీ ట్రోఫీ సీజన్‌లో, తొమ్మిది మ్యాచ్‌లలో 68 సగటుతో 754 పరుగులు చేసి ముంబై తరపున అత్యధిక పరుగులు చేసిన ఆటగాడిగా నిలిచాడు.[13] ఇతను భారత అండర్-22 జట్టులో కూడా సభ్యుడు, రెండు శతకాలతో 80కి పైగా సగటుతో 721 పరుగులు చేశాడు. 2011 డిసెంబరు 10న చెన్నైలో జరిగిన కార్యక్రమంలో BCCI ఇతనికి ఉత్తమ అండర్-22 క్రికెటర్‌గా ఎం.ఏ. చిదంబరం ట్రోఫీని ప్రదానం చేసింది.[14]

2014–15 రంజీ ట్రోఫీ సీజన్‌లో కొంతకాలం పాటు ముంబై జట్టుకు కెప్టెన్‌గా వ్యవహరించాడు, ఆ తర్వాత టోర్నమెంట్ మధ్యలో ఇతని స్థానంలో వేరొకరిని నియమించారు.[15] ఈ టోర్నమెంట్‌లో పది మ్యాచ్‌ల్లో 690 పరుగులు చేశాడు.[16] 2015–16 రంజీ ట్రోఫీ గెలుచుకున్న ముంబై జట్టులో సభ్యుడిగా ఉన్నాడు.[17] 788 పరుగులతో సీజన్‌లో అత్యధిక పరుగులు చేసిన టాప్ 5 ఆటగాళ్లలో ఇతను ఒకడు. మధ్య ప్రదేశ్‌తో జరిగిన సెమీఫైనల్ మ్యాచ్ రెండో ఇన్నింగ్స్‌లో 115 పరుగులతో సహా మూడు శతకాలు సాధించాడు.[18][19] యాదవ్ ఉన్న ముంబై జట్టు 2016–17 రంజీ ట్రోఫీలో వరుసగా రెండోసారి రంజీ ఫైనల్‌కు చేరుకుంది కానీ గుజరాత్ చేతిలో ఓడిపోయింది.[20] అత్యధిక స్కోరు 110 పరుగులతో వరుసగా మూడో సీజన్‌లో 600లకు పైగా పరుగులు చేశాడు.[21]

ముంబై గెలిచిన 2018–19 విజయ్ హజారే ట్రోఫీ లిస్ట్ ఎ క్రికెట్ టోర్నమెంట్‌లో 40కి పైగా సగటుతో 241 పరుగులు చేశాడు.[22][23] 2019 అక్టోబరులో 2019–20 దేవధర్ ట్రోఫీ కోసం ఇండియా సి జట్టుకు ఎంపికయ్యాడు.[24] 2019–20 రంజీ ట్రోఫీ సీజన్‌లో ముంబై జట్టుకు మళ్లీ కెప్టెన్‌గా నియమితులయ్యాడు, కానీ ఈ టోర్నమెంట్‌లో ముంబై గ్రూప్ దశ దాటలేకపోయింది.[25][26] 2020–21 సయ్యద్ ముస్తాక్ అలీ ట్రోఫీ టి20 టోర్నమెంట్‌లో కూడా జట్టుకు కెప్టెన్‌గా వ్యవహరించాడు.[27][28] ఐదు మ్యాచ్‌లలో కేవలం ఒక విజయాన్ని నమోదు చేసి గ్రూప్ Eలో అట్టడుగు స్థానంలో నిలిచింది.[29] ముంబై జట్టు బాధ్యతలతో పాటు, పార్సీ జింఖానా తరపున క్లబ్ క్రికెట్ ఆడటం కొనసాగించాడు. 2021లో పోలీస్ షీల్డ్ టోర్నమెంట్‌లో పయ్యాడే స్పోర్ట్స్ క్లబ్‌తో జరిగిన ఫైనల్‌లో 249 పరుగులు చేసి, "బెస్ట్ బ్యాట్స్‌మెన్ ఆఫ్ ది ఫైనల్" అవార్డును గెలుచుకున్నాడు. 1956 తర్వాత క్లబ్ మొదటిసారి టోర్నమెంట్‌ను గెలవడంలో సహాయపడ్డాడు.[12][30]

అంతర్జాతీయ కెరీర్

[మార్చు]

అరంగేట్రం, ప్రారంభ కెరీర్

[మార్చు]

2021 ఫిబ్రవరిలో, ఇంగ్లాండ్‌తో జరిగిన హోమ్ సిరీస్ కోసం యాదవ్ భారత ట్వంటీ20 ఇంటర్నేషనల్ (T20I) జట్టుకు ఎంపికయ్యాడు.[31] 2021 మార్చి 14న అహ్మదాబాద్‌లోని నరేంద్ర మోడీ స్టేడియంలో సిరీస్‌లోని రెండవ మ్యాచ్‌లో టి20 అరంగేట్రం చేశాడు, కానీ బ్యాటింగ్ చేసే అవకాశం రాలేదు.[32] మార్చి 18న జరిగిన నాల్గవ గేమ్ లో, బ్యాటర్‌గా తన మొదటి ఇన్నింగ్స్ ఆడాడు. అంతర్జాతీయ క్రికెట్‌లో తాను ఎదుర్కొన్న మొదటి బంతినే సిక్సర్‌గా మలిచాడు. టి20లలో ఈ ఘనత సాధించిన మొదటి భారతీయుడిగా నిలిచాడు.[33] ఆ మ్యాచ్‌లో అర్ధ శతకం సాధించాడు. అప్పటి భారత కెప్టెన్ విరాట్ కోహ్లీ ఇతని ప్రదర్శనను ప్రశంసించాడు.[34][35] ఇంగ్లాండ్‌తో జరిగే తదుపరి సిరీస్‌కు భారత వన్డే జట్టులో ఎంపికయ్యాడు కానీ ఎటువంటి మ్యాచ్‌లు ఆడలేదు.[36][37] 2021 జూన్‌లో, శ్రీలంక‌తో జరిగే అవే సిరీస్ కోసం భారత పరిమిత ఓవర్ల క్రికెట్ జట్లలో సభ్యుడయ్యాడు.[38] 2021 జూలై 18న కొలంబోలోని ప్రేమదాస స్టేడియంలో జరిగిన సిరీస్‌లోని మొదటి మ్యాచ్‌లో వన్‌డే అరంగేట్రం చేశాడు.[39] 2021 జూలై 20న శ్రీలంకపై తన తొలి వన్‌డే అర్ధ శతకాన్ని సాధించాడు.[40]

2021 జూలైలో, ఇంగ్లాండ్‌తో జరిగే అవే సిరీస్ కోసం భారత టెస్ట్ జట్టులో ప్రత్యామ్నాయ ఆటగాడిగా ఎంపికయ్యాడు, కానీ మ్యాచ్ ఆడలేదు.[41] 2021 సెప్టెంబరులో, 2021 ఐసీసీ పురుషుల టి20 ప్రపంచ కప్ కోసం భారత జట్టులో ఎంపికయ్యాడు.[42] ప్రపంచ కప్‌లో మూడు మ్యాచ్‌లలో కేవలం 31 పరుగులు చేశాడు, గ్రూప్ దశ నుండే భారత్ నిష్క్రమించింది.[43][44] 2021 నవంబరులో, న్యూజిలాండ్‌తో జరిగే హోమ్ సిరీస్ కోసం భారత టెస్ట్ జట్టులో ఎంపికయ్యాడు, కానీ ఏ మ్యాచ్‌లోనూ ప్లేయింగ్ ఎలెవన్‌లో చోటు దక్కించుకోలేదు.[45] న్యూజిలాండ్‌తో మూడు టి20లు ఆడి, అర్ధ శతకంతో సహా మూడు ఇన్నింగ్స్‌లలో 63 పరుగులు చేశాడు.[43] 2022 ఫిబ్రవరిలో వెస్టిండీస్‌తో జరిగే హోమ్ సిరీస్ కోసం రెండు పరిమిత ఓవర్ల జట్లలో సభ్యుడిగా ఉండి, వన్డే జట్టులోకి తిరిగి వచ్చాడు.[37]

అగ్రశ్రేణి టి20 బ్యాటర్

[మార్చు]

2022 జూన్‌లో, ఐర్లాండ్‌తో టి20 సిరీస్, ఆ తర్వాత ఇంగ్లాండ్ పర్యటన కోసం భారత జట్టులో సభ్యుడిగా ఉన్నాడు.[46] 2022 జూలైలో, నాటింగ్‌హామ్‌లో ఇంగ్లాండ్‌తో జరిగిన మ్యాచ్‌లో 55 బంతుల్లో 117 పరుగులు చేసి తన మొదటి టి20 శతకాన్ని సాధించాడు.[47] టి20లలో శతకం సాధించిన ఐదవ భారతీయ ఆటగాడిగా, నాల్గవ లేదా అంతకంటే తక్కువ స్థానంలో బ్యాటింగ్ చేసి ఈ మార్కును చేరుకున్న రెండవ ఆటగాడిగా నిలిచాడు.[48] 2022 ఆగస్టులో, 2022 ఆసియా కప్ టి20 పోటీలో ఆడి ఐదు ఇన్నింగ్స్‌లలో 139 పరుగులు చేశాడు.[49] తర్వాత, ఆస్ట్రేలియా, దక్షిణాఫ్రికాతో జరిగిన టి20 హోమ్ సిరీస్‌లో భాగమయ్యాడు.[43] 2022 అక్టోబరులో, దక్షిణాఫ్రికాతో జరిగిన సిరీస్‌లో 573 బంతుల్లోనే టి20లలో 1,000 పరుగులు పూర్తి చేసి, బంతుల పరంగా ఈ ఘనత సాధించిన అత్యంత వేగవంతమైన ఆటగాడిగా నిలిచాడు.[50][51] 2022 అక్టోబరు 30న, తన కెరీర్‌లో తొలిసారిగా టి20 బ్యాట్స్‌మెన్‌ల కోసం ఐసీసీ పురుషుల ప్లేయర్ ర్యాంకింగ్స్‌లో అగ్రస్థానాన్ని సాధించాడు.[52][53]

2022 అక్టోబరులో, ఆస్ట్రేలియాలో జరిగిన 2022 ఐసీసీ పురుషుల టి20 ప్రపంచ కప్‌లో ఆడాడు, ఇందులో భారత్ సెమీ-ఫైనల్స్‌కు చేరుకుంది.[54] ఆరు ఇన్నింగ్స్‌లలో 239 పరుగులతో టోర్నమెంట్‌లో మూడవ అత్యధిక పరుగులు చేసిన ఆటగాడిగా నిలిచాడు.[55] 2022 అక్టోబరు 27న సిడ్నీలో నెదర్లాండ్స్‌పై 25 బంతుల్లోనే టి20 ప్రపంచ కప్‌లో తన మొదటి అర్ధ శతకాన్ని నమోదు చేశాడు.[56][57] 2022 నవంబరులో, న్యూజిలాండ్‌పై మౌంట్ మౌంగనుయ్‌లో 51 బంతుల్లో 111* పరుగులు చేసి తన రెండవ టి20 శతకాన్ని సాధించాడు. ఇందులో పదకొండు ఫోర్లు, ఏడు సిక్సర్లు ఉన్నాయి. రోహిత్ శర్మ తర్వాత ఒక క్యాలెండర్ ఇయర్‌లో టి20లలో రెండు శతకాలు సాధించిన రెండవ భారతీయుడిగా నిలిచాడు.[58][59] అతను 2022లో ఐసీసీ పురుషుల టి20 క్రికెటర్ ఆఫ్ ది ఇయర్ అవార్డును గెలుచుకున్నాడు, ఐసీసీ పురుషుల టి20 టీమ్ ఆఫ్ ది ఇయర్‌లో కూడా పేరు పొందాడు.[60][61]

2023 జనవరిలో, రాజ్‌కోట్‌లో శ్రీలంకపై 45 బంతుల్లోనే శతకం పూర్తి చేసి, భారత్ తరపున టి20లలో రెండవ వేగవంతమైన శతకాన్ని, తన కెరీర్‌లో మూడవ శతకాన్ని నమోదు చేశాడు.[62][63] 2023 జనవరి-ఫిబ్రవరిలో న్యూజిలాండ్‌తో జరిగిన వన్డే, టి20 సిరీస్ రెండింటిలోనూ ఆడి ఐదు ఇన్నింగ్స్‌లలో 142 పరుగులు చేశాడు.[43][37] 2023 జనవరిలో, 910 రేటింగ్ పాయింట్లు సాధించాడు. ఇది పురుషుల టి20 ర్యాంకింగ్స్ చరిత్రలో రెండవ అత్యుత్తమ రేటింగ్. 2022 సంవత్సరానికి ఐసీసీ పురుషుల టి20 టీమ్ ఆఫ్ ది ఇయర్‌ కెప్టెన్‌గా ఎంపికయ్యాడు.[64][65]

టెస్ట్ అరంగేట్రం, ప్రపంచ కప్‌లు

[మార్చు]
2023 బోర్డర్-గవాస్కర్ ట్రోఫీలో యాదవ్

2023 ఫిబ్రవరి 9న నాగ్‌పూర్‌లో ఆస్ట్రేలియాపై టెస్టు అరంగేట్రం చేశాడు. 2024 ఆగస్టు నాటికి ఇదే ఇతని ఏకైక టెస్టు ప్రదర్శన.[66] తదుపరి వన్డే సిరీస్‌లో, చెన్నైలో జరిగిన మూడవ మ్యాచ్‌లో వరుసగా మూడవ గోల్డెన్ డక్ (మొదటి బంతికే ఔట్ కావడం) నమోదు చేశాడు. అలా చేసిన మొదటి భారతీయ బ్యాటర్‌గా నిలిచాడు.[67] 2023 ఆగస్టులో, వెస్టిండీస్‌తో టి20 సిరీస్ కోసం భారత జట్టు వైస్ కెప్టెన్‌గా నియమితుడయ్యాడు.[68] మూడవ మ్యాచ్‌లో 44 బంతుల్లో 83 పరుగులతో సహా నాలుగు ఇన్నింగ్స్‌లలో 166 పరుగులు చేశాడు.[43][69] 2023 ఆసియా కప్ గెలిచిన భారత జట్టులో సభ్యుడు, కానీ బంగ్లాదేశ్‌తో జరిగిన ఓటమిలో ఒక గేమ్ మాత్రమే ఆడాడు.[70][71][72] తరువాత, భారతదేశంలో జరిగిన 2023 క్రికెట్ ప్రపంచ కప్ కోసం భారత జట్టులో ఎంపికయ్యాడు.[73] ప్రపంచ కప్‌లో ఏడు ఇన్నింగ్స్‌లలో కేవలం 106 పరుగులు చేశాడు, ఇందులో భారత్ రన్నరప్‌గా నిలిచింది.[74][75] ప్రపంచ కప్ తర్వాత, ఆస్ట్రేలియాతో జరిగిన టి20 సిరీస్‌కు భారత జట్టు కెప్టెన్‌గా ఎంపికయ్యాడు.[76][77] ఐదు ఇన్నింగ్స్‌ల్లో 144 పరుగులు చేసి జట్టును 4–1 తేడాతో సిరీస్ విజయానికి నడిపించాడు.[43][78] ఆ తర్వాత దక్షిణాఫ్రికా పర్యటనకు కూడా కెప్టెన్‌గా ఎంపికయ్యాడు.[79] ఆ సిరీస్‌లో, తన కెరీర్‌లో నాల్గవ టి20 శతకాన్ని సాధించాడు. టి20లలో అత్యధిక సెంచరీలు చేసిన రికార్డులో రోహిత్ శర్మ, గ్లెన్ మాక్స్‌వెల్ సరసన చేరాడు (ఆ తర్వాత శర్మ, మాక్స్‌వెల్ ఇద్దరూ ఈ రికార్డును అధిగమించారు).[80][81] 2023లో వరుసగా రెండో ఏడాది ఐసీసీ మెన్స్ టి20 క్రికెటర్ ఆఫ్ ది ఇయర్ అవార్డును గెలుచుకున్నాడు.[82]

2024 మేలో, 2024 ఐసీసీ పురుషుల టి20 ప్రపంచ కప్ టోర్నమెంట్ కోసం భారత జట్టులో యాదవ్ ఎంపికయ్యాడు.[83] ఆఫ్ఘనిస్తాన్‌తో జరిగిన సూపర్ 8 మ్యాచ్‌లో, 28 బంతుల్లో 53 పరుగులు చేసినందుకు ప్లేయర్ ఆఫ్ ది మ్యాచ్‌గా ఎంపికయ్యాడు.[84] దక్షిణాఫ్రికాతో జరిగిన ఫైనల్‌లో, దక్షిణాఫ్రికా ఇన్నింగ్స్ చివరి ఓవర్‌లో డేవిడ్ మిల్లర్‌ను ఔట్ చేయడానికి బౌండరీ లైన్ దగ్గర ఒక క్యాచ్ పట్టుకున్నాడు.[85] ఏడు పరుగుల తేడాతో మ్యాచ్ గెలిచిన భారత్ తమ రెండవ టి20 ప్రపంచ కప్‌ను ఎత్తివేసింది. అంతకుముందు 2007లో ప్రారంభ ఎడిషన్‌ను గెలుచుకుంది.[86] క్రికెట్ వ్యాఖ్యాత ఇయాన్ స్మిత్ ఈ క్యాచ్‌ను క్రికెట్ చరిత్రలోనే "గొప్ప క్యాచ్‌లలో ఒకటి" అని పేర్కొన్నాడు.[87][88] 2024 జూన్‌లో, ఆస్ట్రేలియాకు చెందిన ట్రావిస్ హెడ్ అధిగమించడంతో ఐసీసీ టి20 ప్లేయర్ ర్యాంకింగ్స్‌లో రెండవ స్థానానికి పడిపోయాడు.[89] జూలై చివర్లో పల్లెకెలెలో శ్రీలంకలో పర్యటించిన భారత జట్టుకు కెప్టెన్‌గా వ్యవహరించాడు. ఈ మూడు టి20ల సిరీస్‌ను భారత్ 3–0తో గెలుచుకుంది.[90][91]

2025 సెప్టెంబరులో, 2025 ఆసియా కప్ గెలిచిన భారత జట్టుకు యాదవ్ కెప్టెన్‌గా వ్యవహరించాడు.[92] టోర్నమెంట్ సమయంలో, పహల్గామ్ దాడి బాధితులకు విజయాన్ని అంకితం చేస్తూ వ్యాఖ్యలు చేసినందుకు ఐసీసీ ప్రవర్తనా నియమావళిని ఉల్లంఘించినందుకు ఇతని మ్యాచ్ ఫీజులో 30% జరిమానా విధించారు.[93] టోర్నమెంట్ నుండి వచ్చిన తన మొత్తం మ్యాచ్ ఫీజు భారత సైన్యానికి, పహల్గామ్ దాడి బాధితుల కుటుంబాలకు విరాళంగా ఇస్తున్నట్లు యాదవ్ ప్రకటించాడు.[94][95][96]

ఐపీఎల్ కెరీర్

[మార్చు]

యాదవ్ 2012 సీజన్‌కు ముందు ఇండియన్ ప్రీమియర్ లీగ్ (IPL)లో ముంబై ఇండియన్స్ (MI) జట్టులో చేరాడు.[13] కేవలం ఒక మ్యాచ్ ఆడి డకౌట్ అయ్యాడు.[97][98] 2014 ఐపీఎల్ వేలంలో, కోల్‌కతా నైట్ రైడర్స్ (KKR) ఇతనిని ₹7 మిలియను (US$88,000)కు కొనుగోలు చేసింది.[99][100] ఈ జట్టుతో తన మొదటి సీజన్‌లో 32 సగటుతో 164 పరుగులు చేశాడు, కెకెఆర్ టైటిల్ గెలుచుకుంది.[98][101] ఈ జట్టుతో నాలుగు సీజన్లు గడిపాడు, 54 మ్యాచ్‌లలో 608 పరుగులు చేశాడు.[98]

2018 ఐపీఎల్ వేలంలో, యాదవ్‌ను ముంబై ఇండియన్స్ ₹32 మిలియను (US$4,00,000) ధరకు తిరిగి కొనుగోలు చేసింది.[102] ముంబై తరపున మూడు సీజన్లలో 1400 కంటే ఎక్కువ పరుగులు చేశాడు. 2019, 2020 సీజన్లలో జట్టు టైటిల్ గెలవడంలో కీలక పాత్ర పోషించాడు.[98][101] 2022 వేలానికి ముందు ఫ్రాంచైజీ ఇతనిని ₹80 మిలియను (US$1.0 million)కు అట్టిపెట్టుకుంది.[103] గాయం కారణంగా 2022 సీజన్ ప్రారంభాన్ని కోల్పోయాడు, తిరిగి వచ్చిన తర్వాత ఎనిమిది మ్యాచ్‌లలో 43 కంటే ఎక్కువ సగటుతో 303 పరుగులు చేశాడు. మే 6న గుజరాత్ టైటాన్స్‌తో జరిగిన మ్యాచ్‌లో కండరాల గాయం కారణంగా ఇతని 2022 సీజన్ ముగిసింది.[98][104]

2023 సీజన్ కోసం జట్టు వైస్ కెప్టెన్‌గా నియమితుడయ్యాడు. రోహిత్ గాయం కారణంగా దూరమైన ఒక మ్యాచ్‌లో కెకెఆర్‌పై జట్టుకు నాయకత్వం వహించాడు.[105] 2023 సీజన్‌లో, మే 12న గుజరాత్ టైటాన్స్‌పై తన తొలి ఐపీఎల్ శతకంతో సహా 16 మ్యాచ్‌ల్లో 605 పరుగులు చేశాడు. ఇది బ్యాటర్‌గా ఇతనికి అత్యుత్తమ ఐపీఎల్ సీజన్.[98][106] గాయం నుండి కోలుకుంటున్నందున 2024 ఐపీఎల్ సీజన్ మొదటి కొన్ని మ్యాచ్‌లకు దూరమయ్యాడు.[107][108] సీజన్‌లో 11 మ్యాచ్‌లు ఆడాడు, సన్‌రైజర్స్ హైదరాబాద్‌పై తన రెండవ ఐపీఎల్ శతకంతో సహా 345 పరుగులు చేశాడు.[109]

ఆట తీరు

[మార్చు]

యాదవ్ హార్డ్ హిట్టింగ్ మిడిల్ ఆర్డర్ బ్యాటర్. క్రీజులో కుదురుకోవడానికి సమయం తీసుకునే బదులు మొదటి బంతి నుంచే ఆక్రమించే ధోరణిని కలిగి ఉంటాడు. ఇతను మైదానంలో నలువైపులా (ఆఫ్ సైడ్, లెగ్ సైడ్) షాట్‌లు ఆడతాడు.[11] ఫైన్ లెగ్ మీదుగా ఆడే స్కూప్ షాట్‌లతో సహా మైదానం చుట్టూ షాట్‌లు ఆడేందుకు మణికట్టును ఉపయోగిస్తాడు. అందుకే ఇతనిని తరచుగా మిస్టర్ 360 అని పిలుస్తారు.[1][2]

గౌరవాలు

[మార్చు]

భారతదేశం

[మార్చు]

కోల్‌కతా నైట్ రైడర్స్

[మార్చు]

ముంబై ఇండియన్స్

[మార్చు]

వ్యక్తిగతం

[మార్చు]
  • ఐసీసీ పురుషుల టి20 క్రికెటర్ ఆఫ్ ది ఇయర్: 2022,[60] 2023[82]
  • బీసీసీఐ ద్వారా ఉత్తమ అండర్-22 క్రికెటర్‌గా ఎం.ఏ. చిదంబరం ట్రోఫీ: 2011[14]
  • ఐసీసీ పురుషుల టి20 టీమ్ ఆఫ్ ది ఇయర్: 2022,[61] 2023[65]

కెరీర్ గణాంకాలు

[మార్చు]
అంతర్జాతీయ శతకాలు[110]
సం. స్కోరు ప్రత్యర్థి [[బ్యాటింగ్ ఆర్డర్ (క్రికెట్)|స్థా.]] [[ఇన్నింగ్స్|ఇన్.]] వేదిక స్వ/వి తేదీ ఫలితం మూలం
1 117  ఇంగ్లాండు 4 2 ట్రెంట్ బ్రిడ్జ్, నాటింగ్‌హామ్ విదేశీ 2022 జూలై 10 ఓటమి [47]
2 111*  New Zealand 3 1 బే ఓవల్, మౌంట్ మౌంగనుయ్ విదేశీ 2022 నవంబరు 20 గెలుపు [58]
3 112*  శ్రీలంక 4 1 సౌరాష్ట్ర క్రికెట్ అసోసియేషన్ స్టేడియం, రాజ్‌కోట్ స్వదేశీ 2023 జనవరి 7 గెలుపు [62]
4 100  South Africa 4 1 వాండరర్స్ స్టేడియం, జోహన్నెస్‌బర్గ్ విదేశీ 2023 డిసెంబరు 14 గెలుపు [80]


మూలాలు

[మార్చు]
  1. ↑ 1.0 1.1 "Suryakumar Yadav's origin story: How SKY became Mr. 360". Sportstar. 3 October 2023. Retrieved 1 June 2024.
  2. ↑ 2.0 2.1 "The method and the man - how Suryakumar Yadav does what only he can". ESPNcricinfo. 8 January 2023. Archived from the original on 11 January 2024. Retrieved 1 December 2023.
  3. ↑ "Suryakumar Yadav becomes fastest batter in the world to score 3000 runs in T20Is". News18. Retrieved 1 February 2026.
  4. ↑ 4.0 4.1 "Profile, Suryakumar Yadav". ESPNcricinfo. Archived from the original on 28 November 2023. Retrieved 1 December 2023.
  5. ↑ "'Expect Suryakumar Yadav to score century": Cricketer's grandfather". Rising Kashmir. 19 November 2023. Archived from the original on 19 November 2023. Retrieved 1 December 2023.
  6. ↑ "Suryakumar Yadav education qualification, cricket career and more". Times Now. Archived from the original on 23 August 2024. Retrieved 1 June 2024.
  7. ↑ "Suryakumar Yadav impressive education qualification and career". Jagran Josh. Archived from the original on 23 August 2024. Retrieved 1 June 2024.
  8. ↑ 8.0 8.1 "Suryakumar Yadav Family- Father, Mother & Sister". Cricreads. 2 October 2023. Archived from the original on 10 January 2024. Retrieved 1 December 2023.
  9. ↑ Rizvi, Taus (29 September 2017). "Flamboyant Suryakumar Yadav's cricket spectrum". Daily News and Analysis. Retrieved 25 January 2023.
  10. ↑ Tripathi, Anuj. "T20 centurion Suryakumar Yadav's wife Devisha Shetty is a classical dancer: Know all about their love story, in pics". Zee News. Archived from the original on 4 September 2022. Retrieved 4 September 2022.
  11. ↑ 11.0 11.1 "How Suryakumar Yadav became the template for India's new batting style". The Week. 14 October 2022. Archived from the original on 24 August 2024. Retrieved 1 December 2023.
  12. ↑ 12.0 12.1 "Parsee Gymkhana create history by winning third successive title". The Times of India. 27 December 2021. Archived from the original on 15 January 2023. Retrieved 1 December 2023.
  13. ↑ 13.0 13.1 "Suryakumar Yadav". mykhel. Archived from the original on 10 July 2023. Retrieved 1 June 2024.
  14. ↑ 14.0 14.1 "Suryakumar Yadav – A Star in the Making". Pillai College of Arts Science and Commerce. 10 December 2011. Retrieved 5 June 2012.
  15. ↑ "Ranji Trophy: Suryakumar Yadav named Mumbai skipper, Vijay Shankar to lead TN". Indian Express. 3 December 2019. Archived from the original on 15 January 2023. Retrieved 1 December 2023.
  16. ↑ "2014-15 Ranji Trophy, most runs". ESPNcricinfo. Archived from the original on 24 August 2024. Retrieved 1 June 2024.
  17. ↑ "Saurashtra vs Mumbai, Final at Pune, Feb 24 2016 - Full Scorecard". ESPNcricinfo. Archived from the original on 16 March 2024. Retrieved 1 June 2024.
  18. ↑ "2015-16 Ranji Trophy, most runs". ESPNcricinfo. Archived from the original on 21 September 2023. Retrieved 1 June 2024.
  19. ↑ "Suryakumar, Tare tons set MP 571 target". ESPNcricinfo. 16 February 2016. Archived from the original on 24 August 2024. Retrieved 1 June 2024.
  20. ↑ "Mumbai vs Gujarat, Final at Indore, Jan 10 2017 - Full Scorecard". ESPNcricinfo. Archived from the original on 2 October 2023. Retrieved 1 June 2024.
  21. ↑ "2016-17 Ranji Trophy, most runs". ESPNcricinfo. Archived from the original on 24 July 2023. Retrieved 1 June 2024.
  22. ↑ "2018-19 Vijay Hazare Trophy, most runs". ESPNcricinfo. Archived from the original on 24 October 2023. Retrieved 1 June 2024.
  23. ↑ "Delhi vs Mumbai, Final at Bengaluru, Oct 20 2018 - Full Scorecard". ESPNcricinfo. Archived from the original on 29 July 2024. Retrieved 1 June 2024.
  24. ↑ "Deodhar Trophy 2019: Hanuma Vihari, Parthiv, Shubman to lead; Yashasvi earns call-up". Sportstar. 24 October 2019. Archived from the original on 24 October 2019. Retrieved 25 October 2019.
  25. ↑ "2019–20 Ranji Trophy table". ESPNcricinfo. Archived from the original on 23 September 2023. Retrieved 1 June 2024.
  26. ↑ "Suryakumar Yadav excels with bat in his first Ranji Trophy appearance in nearly three years". The Economic Times. 20 December 2022. ISSN 0013-0389. Archived from the original on 31 December 2023. Retrieved 31 December 2023.
  27. ↑ "Suryakumar Yadav to lead Mumbai in Syed Mushtaq Ali Trophy". Hindustan Times. 26 December 2020. Archived from the original on 16 January 2023. Retrieved 1 December 2023.
  28. ↑ "Suryakumar Yadav to lead Mumbai in Syed Mushtaq Ali Trophy, Aditya Tare named vice-captain". The New Indian Express. 16 December 2020. Archived from the original on 24 August 2024. Retrieved 10 May 2021.
  29. ↑ "2020–21 Syed Mushtaq Ali Trophy, table". ESPNcricinfo. Archived from the original on 24 February 2024. Retrieved 1 June 2024.
  30. ↑ "Parsee Gymkhana create history by winning third successive title". Cricket Graph. 27 December 2021. Archived from the original on 24 August 2024. Retrieved 1 December 2023.
  31. ↑ "India's squad for Paytm T20I series announced". Board of Control for Cricket in India. 19 February 2021. Archived from the original on 9 December 2023. Retrieved 1 December 2023.
  32. ↑ "2nd T20I (N), Ahmedabad, Mar 14, 2021, England tour of India". ESPNcricinfo. 14 March 2021. Archived from the original on 24 August 2024. Retrieved 1 June 2022.
  33. ↑ "With six off first ball in international cricket, Suryakumar Yadav achieves unique feat". Times Now. 22 March 2021. Archived from the original on 14 January 2023. Retrieved 1 December 2023.
  34. ↑ "Full Scorecard of India vs England 4th T20I 2020/21 – Score Report". ESPNcricinfo. Archived from the original on 21 March 2021. Retrieved 22 March 2021.
  35. ↑ "Virat Kohli hails Suryakumar Yadav at toss". India.com. 20 March 2021. Archived from the original on 20 March 2021. Retrieved 21 March 2021.
  36. ↑ "Prasidh Krishna, Suryakumar Yadav earn call-ups for England ODIs". Cricbuzz. 22 March 2021. Archived from the original on 14 January 2023. Retrieved 1 December 2023.
  37. ↑ 37.0 37.1 37.2 "ODI batting record, Suryakumar Yadav". ESPNcricinfo. Archived from the original on 11 January 2024. Retrieved 1 December 2023.
  38. ↑ "Shikhar Dhawan to captain India on limited-overs tour of Sri Lanka". ESPNcricinfo. 10 June 2021. Archived from the original on 10 June 2021. Retrieved 1 December 2023.
  39. ↑ "1st ODI (D/N), Colombo (RPS), Jul 18 2021, India tour of Sri Lanka". ESPNcricinfo. Archived from the original on 24 August 2024. Retrieved 18 July 2021.
  40. ↑ "India vs Sri Lanka 2nd ODI Highlights: India ride on Deepak Chahar, Suryakumar Yadav fifties to win series". Hindustan Times. 20 July 2021. Archived from the original on 23 July 2021. Retrieved 23 July 2021.
  41. ↑ "Prithvi Shaw, Suryakumar Yadav to join India Test squad in England". ESPNcricinfo. 25 July 2021. Archived from the original on 2 October 2023. Retrieved 1 December 2023.
  42. ↑ "India's T20 World Cup squad: R Ashwin picked, MS Dhoni mentor". ESPNcricinfo. 8 September 2021. Archived from the original on 8 September 2021. Retrieved 1 December 2023.
  43. ↑ 43.0 43.1 43.2 43.3 43.4 43.5 "T20 batting record, Suryakumar Yadav". ESPNcricinfo. Archived from the original on 11 January 2024. Retrieved 1 December 2023.
  44. ↑ "T20 World Cup 2021 - Points Table". ESPNcricinfo. Archived from the original on 1 October 2023. Retrieved 1 December 2023.
  45. ↑ "Shardul Thakur for A tour to SA, Suryakumar Yadav included in Test squad for NZ series". The Indian Express. 23 November 2021. Archived from the original on 16 February 2022. Retrieved 1 December 2023.
  46. ↑ "Hardik Pandya to captain India in Ireland T20Is; Rahul Tripathi gets maiden call-up". ESPNcricinfo. 15 June 2022. Archived from the original on 15 June 2022. Retrieved 1 December 2023.
  47. ↑ 47.0 47.1 "Scorecard of England vs India 3rd T20I 2022". ESPNcricinfo. Archived from the original on 10 July 2022. Retrieved 10 July 2022.
  48. ↑ "Suryakumar Yadav becomes second Indian to achieve big feat in T20Is after incredible century against England". Hindustan Times. 10 July 2022. Archived from the original on 10 July 2022. Retrieved 10 July 2022.
  49. ↑ "Most runs, 2022 Asia cup". ESPNcricinfo. Archived from the original on 11 January 2024. Retrieved 1 December 2023.
  50. ↑ "Ind vs SA: Suryakumar Yadav completes 1000 T20I runs; beats MS Dhoni in elite list, creates new world record". Times Now. 2 October 2022. Archived from the original on 2 October 2022. Retrieved 1 December 2023.
  51. ↑ "Suryakumar completes 1000 runs in T20I". English Jagran. 3 October 2022. Archived from the original on 6 December 2022. Retrieved 1 December 2023.
  52. ↑ "ICC Rankings: Suryakumar Yadav becomes world's No.1 T20I batter". The Indian Express. 3 November 2022. Archived from the original on 13 November 2022. Retrieved 23 November 2022.
  53. ↑ "ICC Profile - Stats, Ranking & Info". International Cricket Council. Archived from the original on 2 November 2022. Retrieved 2 November 2022.
  54. ↑ "India vs England, 2nd Semi-Final at Adelaide, T20 WC, Nov 10 2022 - Full Scorecard". ESPNcricinfo. Archived from the original on 7 April 2024. Retrieved 1 June 2024.
  55. ↑ "2023 ICC Men's T20 World Cup". ESPNcricinfo. Archived from the original on 21 January 2022. Retrieved 1 December 2023.
  56. ↑ "Virat Kohli, Suryakumar Yadav show knocks Netherlands down". The Hindustan Times. 28 October 2022. Archived from the original on 9 February 2023. Retrieved 1 June 2024.
  57. ↑ "Suryakumar Yadav Brings Up Fifty With Outrageous Six, Celebrates Milestone With Virat Kohli in Style". NDTV. 28 October 2022. Archived from the original on 24 August 2024. Retrieved 1 December 2023.
  58. ↑ 58.0 58.1 "Sensational Suryakumar scores yet another T20I century". International Cricket Council. Archived from the original on 8 June 2023. Retrieved 1 November 2023.
  59. ↑ "Suryakumar Yadav Scores 49-Ball Century, Becomes Only 2nd Indian to Achieve This Milestone". ProBatsman. 20 November 2022. Archived from the original on 20 November 2022. Retrieved 20 November 2022.
  60. ↑ 60.0 60.1 "ICC Men's T20I Cricketer of the Year 2022 revealed". International Cricket Council. Archived from the original on 24 August 2024. Retrieved 25 January 2023.
  61. ↑ 61.0 61.1 "World Cup stars form ICC Men's T20I Team of the Year 2022". International Cricket Council. 23 January 2023. Archived from the original on 24 August 2024. Retrieved 20 January 2024.
  62. ↑ 62.0 62.1 "Stats - Suryakumar hits India's second-fastest T20I ton". ESPNcricinfo. Archived from the original on 10 January 2023. Retrieved 10 January 2023.
  63. ↑ "Suryakumar Yadav Breaks KL Rahul's Record, Hit 2nd Fastest Century for India". Probatsman. 7 January 2023. Archived from the original on 7 January 2023. Retrieved 7 January 2023.
  64. ↑ "Best-Ever Twenty20 Batting ICC Player Rankings". International Cricket Council. Archived from the original on 11 October 2023. Retrieved 1 June 2024.
  65. ↑ 65.0 65.1 "Firepower aplenty in ICC Men's T20I Team of the Year for 2023". International Cricket Council. 22 January 2024. Archived from the original on 22 January 2024. Retrieved 20 January 2024.
  66. ↑ "1st Test, Nagpur, February 09 - 13, 2023, Australia tour of India". ESPNcricinfo. Archived from the original on 24 August 2024. Retrieved 9 February 2023.
  67. ↑ "Suryakumar Yadav was dismissed for his third straight golden duck". ESPNcricinfo. 22 March 2023. Retrieved 1 December 2023.
  68. ↑ "Suryakumar Yadav says getting elevated to India T20I vice-captain feels like a 'dream'". Firstpost. 28 December 2022. Archived from the original on 28 December 2022. Retrieved 15 September 2023.
  69. ↑ "Suryakumar and Tilak do the chase in a canter to keep the series alive for India". ESPNcricinfo. 8 August 2023. Archived from the original on 3 October 2023. Retrieved 15 September 2023.
  70. ↑ "12th Match, Super Four (D/N), Colombo (RPS), September 15, 2023, Asia Cup". ESPNcricinfo. Archived from the original on 15 October 2023. Retrieved 1 December 2023.
  71. ↑ "'Former India Cricketer On "Struggling" Suryakumar Yadav vs Bangladesh In Asia Cup 2023". NDTV. 17 September 2023. Archived from the original on 21 December 2023. Retrieved 1 December 2023.
  72. ↑ 72.0 72.1 "2023 Asia Cup". ESPNcricinfo. Archived from the original on 30 November 2023. Retrieved 1 December 2023.
  73. ↑ "ICC Cricket World Cup 2023: Full squad list of all 10 participating teams". The Hindu. 29 September 2023. Archived from the original on 1 December 2023. Retrieved 1 June 2024.
  74. ↑ "ICC Cricket World Cup 2023". ESPNcricinfo. Archived from the original on 25 February 2024. Retrieved 1 December 2023.
  75. ↑ "Most runs, 2023 Cricket World Cup". ESPNcricinfo. Archived from the original on 18 October 2023. Retrieved 1 December 2023.
  76. ↑ "Suryakumar Yadav Named India Captain For T20I Series Against Australia". NDTV. 20 November 2023. Archived from the original on 24 August 2024. Retrieved 1 June 2024.
  77. ↑ "Suryakumar Yadav plays a 'captain's knock'; India clinch a dramatic two-wicket win against Australia". The Economic Times. 24 November 2023. ISSN 0013-0389. Archived from the original on 23 November 2023. Retrieved 24 November 2023.
  78. ↑ "IND v AUS 2023/24 - Schedule & Results". ESPNcricinfo. Archived from the original on 1 December 2023. Retrieved 1 December 2023.
  79. ↑ "Ravichandran Ashwin Reacts As BCCI Names Suryakumar Yadav Captain For T20Is vs Australia". NDTV. 23 November 2023. Archived from the original on 28 November 2023. Retrieved 1 December 2023.
  80. ↑ 80.0 80.1 "India vs South Africa: Suryakumar Yadav scores 4th T20I ton, equals Rohit Sharma's record". The Indian Express. 15 December 2023. Retrieved 1 June 2024.
  81. ↑ "Most hundreds in career, T20Is". ESPNcricinfo. Archived from the original on 11 January 2024. Retrieved 1 December 2023.
  82. ↑ 82.0 82.1 "India star named ICC Men's T20I Cricketer of the Year". International Cricket Council. 24 January 2024. Retrieved 1 December 2024.
  83. ↑ 83.0 83.1 "India announce squad for the ICC Men's T20I World Cup 2024". International Cricket Council. Archived from the original on 19 May 2024. Retrieved 10 June 2024.
  84. ↑ Muthu, Alagappan (20 June 2024). "Suryakumar and Bumrah give India a winning start to the Super Eight". ESPNcricinfo. Retrieved 30 June 2024.
  85. ↑ "Ind vs SA Live Report". ESPNcricinfo. 29 June 2024. Archived from the original on 29 June 2024. Retrieved 29 June 2024.
  86. ↑ 86.0 86.1 "T20 World Cup winners: India, West Indies and England tied on two titles each". Olympics.com. Archived from the original on 1 June 2024. Retrieved 1 June 2024.
  87. ↑ "Did Suryakumar Yadav flick the boundary cushion? Fresh video of T20WC-winning catch shuts controversy once and for all". The Hindustan Times. 5 July 2024. Archived from the original on 24 August 2024. Retrieved 1 August 2024.
  88. ↑ "Controversy erupts over Suryakumar Yadav's title-winning catch in T20 World Cup final". The Express Tribune. 5 July 2024. Archived from the original on 24 August 2024. Retrieved 1 August 2024.
  89. ↑ "Suryakumar Yadav's No.1 T20I ranking snatched by Australia's Travis Head". The Hindustan Times. 26 June 2024. Archived from the original on 28 June 2024. Retrieved 1 August 2024.
  90. ↑ "Suryakumar Yadav replaces Rohit Sharma as T20I captain, Hardik Pandya snubbed". India Today. 18 July 2024. Archived from the original on 18 July 2024. Retrieved 18 July 2024.
  91. ↑ Brar, Hemant (29 June 2024). "Ind vs SL 3rd T20I Report". ESPNcricinfo. Archived from the original on 30 July 2024. Retrieved 30 July 2024.
  92. ↑ 92.0 92.1 "Tilak seals thriller to give India ninth Asia Cup title". ESPNcricinfo. 28 September 2025. Retrieved 28 September 2025.
  93. ↑ "Suryakumar found guilty of breaching code of conduct; verdict on Rauf and Farhan awaited". ESPNcricinfo. 26 September 2025. Retrieved 26 September 2025.
  94. ↑ "'You always remain in my thoughts': Suryakumar Yadav donates Asia Cup match fee to families of Pahalgam victims and Indian Army". The Financial Express. 29 September 2025. Retrieved 30 September 2025.
  95. ↑ "Asia Cup 2025: Suryakumar Yadav to donate match fees to Indian Army". The Economic Times. 29 September 2025. ISSN 0013-0389. Retrieved 30 September 2025.
  96. ↑ "Suryakumar Yadav lashes out at ACC for withholding Asia Cup trophy, donates match fees to Indian armed forces". The Times of India. 29 September 2025. ISSN 0971-8257. Retrieved 30 September 2025.
  97. ↑ "Cricket scorecard – Mumbai Indians vs Pune Warriors, 3rd Match, Indian Premier League 2012". Cricbuzz. Archived from the original on 20 June 2022. Retrieved 12 January 2021.
  98. ↑ 98.0 98.1 98.2 98.3 98.4 98.5 98.6 98.7 "Suryakumar Yadav, squad details". Indian Premier League. Archived from the original on 4 December 2023. Retrieved 1 December 2023.
  99. ↑ "IPL 2014 auction". ESPNcricinfo. 13 February 2014. Archived from the original on 19 April 2023. Retrieved 15 February 2014.
  100. ↑ "2014 IPL auctions". Cricbuzz. 13 February 2014. Retrieved 15 February 2014.
  101. ↑ 101.0 101.1 101.2 101.3 "IPL champions". Archived from the original on 29 July 2024. Retrieved 1 December 2023.
  102. ↑ "List of sold and unsold players". ESPNcricinfo. Archived from the original on 28 January 2018. Retrieved 27 January 2018.
  103. ↑ "IPL 2022 player retention". NDTV. Archived from the original on 24 August 2024. Retrieved 1 June 2024.
  104. ↑ Kumar, Aditya (9 May 2022). "IPL 2022: Suryakumar Yadav, Mumbai Indians Batsman, Ruled out". Outlook. Retrieved 1 December 2023.
  105. ↑ "IPL 2023: Suryakumar Yadav captains Mumbai Indians, Rohit Sharma misses out due to stomach issue". India Today. 16 April 2023. Archived from the original on 3 October 2023. Retrieved 15 September 2023.
  106. ↑ "Suryakumar Yadav scores maiden IPL century in match against Gujarat Titans". The Indian Express. 12 May 2023. Retrieved 15 September 2023.
  107. ↑ "List of Injured Players IPL 2024: When will Suryakumar Yadav return for Mumbai Indians?". CNBC TV18. Retrieved 1 June 2024.
  108. ↑ "IPL 2024 MI vs RCB: How injuries made Suryakumar better version of himself". Business Standard. 10 April 2024. Archived from the original on 10 April 2024. Retrieved 1 June 2024.
  109. ↑ "MI vs SRH: Suryakumar Yadav equals Rohit Sharma's Mumbai record with 2nd IPL hundred". India Today. 6 May 2024. Retrieved 1 June 2024.
  110. ↑ "Centuries by Suryakumar Yadav". ESPNcricinfo. Archived from the original on 24 August 2024. Retrieved 1 August 2024.

బయటి లింకులు

[మార్చు]
Wikimedia Commons logo
విキーమీడియా కామన్స్‌లో Suryakumar Yadav}కి సంబంధించి దస్త్రాలు ఉన్నాయి.
"https://te.wikipedia.org/w/index.php?title=సూర్యకుమార్_యాదవ్&oldid=4855390" నుండి వెలికితీశారు