హంసేశ్వరి దేవాలయం
| హంసేశ్వరి దేవాలయం | |
|---|---|
| হংসেশ্বরী মন্দির | |
 | |
  Location within West Bengal  హంసేశ్వరి దేవాలయం (India) | |
| భౌగోళికం | |
| భౌగోళికాంశాలు | 22°57′51.55″N 88°23′59.31″E / 22.9643194°N 88.3998083°E |
| దేశం | భారతదేశం |
| రాష్ట్రం | పశ్చిమ బెంగాల్ |
| జిల్లా | హుగ్లీ జిల్లా |
| ప్రదేశం | బాన్స్‌బేరియా, హూగ్లీ జిల్లా |
| సంస్కృతి | |
| దైవం | హంసేశ్వరి, ఆది పరాశక్తి జగత్జననీ కాళి రూపం |
| ముఖ్యమైన పర్వాలు | కాళీ పూజ |
| వాస్తుశైలి | |
| నిర్మాణ శైలులు | బెంగాల్ నిర్మాణ శైలి |
| చరిత్ర, నిర్వహణ | |
| నిర్మించిన తేదీ | 1814 |
| సృష్టికర్త | రాణి శంకరి |
హంసేశ్వరి దేవాలయం భారతదేశంలోని పశ్చిమ బెంగాల్‌లోని హుగ్లీ జిల్లాలో బాన్స్‌బేరియా పట్టణంలో ఉన్న ఒక హిందూ రత్న దేవాలయం. ఆలయ ప్రధాన దేవత హంగేశ్వరి, ఈమె హిందూ పురాణాలలో ఆది పరాశక్తి జగత్జననీ దక్షిణ కాళి రూపంగా పరిగణించబడింది. డిసెంబరు 1799లో రాజా నృసింహదేబ్ రాయ్ మహాసాయి ఈ ఆలయానికి పునాది రాయి వేశాడు. కానీ 1802లో రెండవ అంతస్థుని పూర్తి చేసిన తర్వాత, చాలా ప్రసిద్ధి చెందిన ఈ ఆలయాన్ని అసంపూర్తిగా వదిలేసి స్థాపకుడు మరణించాడు. అతని రెండవ భార్య రాణి శంకరి 1814లో మిగిలిన పనిని పూర్తి చేసింది. ఈ ఆలయం ప్రత్యేకమైన రత్న శిల్పకళకు ప్రసిద్ధి చెందింది.[1]
బాన్‌బేరియా బాండెల్, ట్రిబెని మధ్య ఉన్న ఒక పారిశ్రామిక పట్టణం. రాణి హంసేశ్వరి రాజా నృసింహ దేబ్ రాయ్ తల్లి, అందుకే దేవతను హంసేశ్వరిగా పూజిస్తారు. హిందూ పురాణాలలో దేవతను కాళి మాత రూపంగా పూజిస్తారు. ఆలయ సముదాయంలో ప్రధాన ఆలయంతో పాటు అనంత బసుదేవ ఆలయం - మరొక ఆలయం ఉంది. 1788లో రాజా నృసింహా దేబ్ రాయ్ మహాసాయి నిర్మించిన స్వాన్‌భాబా కాళి ఆలయం కూడా సమీపంలో ఉంది. హంసేశ్వరి ఆలయం ఈ ప్రాంతంలో ఉన్న సాధారణ నమూనాకు భిన్నమైన విలక్షణమైన నిర్మాణాన్ని కలిగి ఉంది, ఇందులో 13 మినార్లు లేదా రత్నాలు ఉన్నాయి, ప్రతి ఒక్కటి వికసించే తామరపువ్వు వలె నిర్మించబడింది. భవనం లోపలి నిర్మాణం మానవ శరీర నిర్మాణ శాస్త్రాన్ని పోలి ఉంటుంది. దీనిని రాజా నృసింహ దేబ్ రాయ్ మహాసాయి ప్రారంభించాడు, తరువాత అతని భార్య రాణి శంకరి 1814లో పూర్తి చేసింది.[2]
దేవాలయాల వాస్తుశిల్పం "తాంత్రిక సత్చక్రభేద్"కు ప్రాతినిధ్యం వహిస్తుంది. ఈ నిర్మాణం మానవ శరీరం నిర్మాణం గురించి చెబుతుంది. ఎందుకంటే ఐదు అంతస్థుల ఆలయం మన మానవ శరీరంలోని ఐదు భాగాల వంటిది, అవి: బజ్రక్ష, ఇరా, చిత్రిణి, పింగళ, సుషుమ్నా.[3]
మూలాలు[మార్చు]
- ↑ Sikha Banerjee, "Story of the Hanseswari Temple, Banshberia", from Chitrolekha International Magazine on Art and Design, Vol. 2, No. 1, 2012 Special Issue on the Temples of Bengal Archived 19 డిసెంబరు 2013 at the Wayback Machine.
- ↑ Sikha Banerjee, "Story of the Hanseswari Temple, Banshberia", from Chitrolekha International Magazine on Art and Design, Vol. 2, No. 1, 2012 Special Issue on the Temples of Bengal Archived 19 డిసెంబరు 2013 at the Wayback Machine.
- ↑ "Archived copy". Archived from the original on 16 జనవరి 2017. Retrieved 14 జనవరి 2017.
{{cite web}}: CS1 maint: archived copy as title (link)