అమృతం (ధారావాహిక)

అమృతం
అమృతం
జానర్	హాస్య ధారావాహిక
సృష్టికర్త	గంగరాజు గుణ్ణం
తారాగణం	శివాజీ రాజా; నరేష్; హర్షవర్ధన్; గుండు హనుమంతరావు; రాగిణి; నారిపెద్ది శివన్నారాయణ; వాసు ఇంటూరి;
Theme music composer	కళ్యాణీ మాలిక్
Opening theme	"ఒరే ఆంజనేయలు"; బై కళ్యాణీ మాలిక్
దేశం	భారతదేశం
అసలు భాష	తెలుగు
సీజన్ల	03 సంఖ్య
ఎపిసోడ్ల సంఖ్య	313
ప్రొడక్షన్
ఎగ్జిక్యూటివ్ ప్రొడ్యూసర్	ఊర్మిళ గుణ్ణం
ప్రొడక్షన్ స్థానం	హైదరాబాద్ (చిత్రీకరణ ప్రాంతం)
నిడివి	20–22 నిమిషాలు (ప్రతీ ఎపిసొడ్)
ప్రొడక్షన్ కంపెనీ	జస్ట్ యెల్లో మీడియా
డిస్ట్రిబ్యూటర్	జస్ట్ యెల్లో మీడియా
విడుదల
వాస్తవ నెట్‌వర్క్	జెమినీ టీవీ
చిత్రం ఫార్మాట్	480i
మొదటి షో	18 నవంబర్ 2001 - 18 నవంబర్ 2007, ఆదివారం 8:30pm IST
బాహ్య లంకెలు
	Website

అమృతం ప్రసిద్ధిచెందిన ఒక హాస్యభరితమైన తెలుగు ధారావాహిక.

పాత్రలు

అమృతం - శివాజీ రాజా/నరేష్/హర్షవర్ధన్ - అమృతరావు ధారావాహికలో ప్రధాన పాత్ర. ఇతడు అమృత విలాస్ అనే హోటల్ నడుపుతాడు.
అంజి - గుండు హనుమంత రావు - ఆముదాల ఆంజనేయులు, అమృతరావు స్నేహితుడు. అమృత విలాస్ హోటల్ లో వంటవాడు, భాగస్వామి.
సంజు - సంజీవని - ఝాన్సీ /సుప్రజ /అనితా చౌదరి - అమృతరావు భార్య.
శాంత - రాగిణి, శాంత - అంజి భార్య.
అప్పాజీ - శివనారాయణ, అమృతరావు ఇంటి యజమాని. ప్రతిరోజు అమృత విలాస్ లో పెసరట్లు, భోజనాలు ఫ్రీగా తింటూ ప్రతీ చిన్న పొరపాట్లకు పెనాల్టీలు వేస్తుంటాడు.
సర్వం - వాసు ఇంటూరి - సర్వేశ్వరన్, అమృత విలాస్ హోటల్ లో సర్వర్
పరంధామయ్య - దేవదాస్ కనకాల - పరంధామయ్య - అమృతరావు మామగారు.
పద్దు - అమృతరావు మరదలు

సృష్టికర్త

ఈ సీరియల్ కి గంగరాజు గుణ్ణం కాన్సెప్ట్, రచన, నిర్మాణం చేసారు. ఈ సీరియల్ ని ఆయన సొంత మీడియా హౌస్ జస్ట్ ఎల్లో పేరు మీద నిర్మించారు. అచ్చ తెలుగు బాషా హాస్యానికి ప్రస్తుత సామజిక, రాజకీయ అంశాలకు అనుగుణంగా ఈ సీరియల్ ను రూపొందించారు. ఎటువంటి అడల్ట్ కంటెంట్ కి తావు లేకుండా హాస్యాన్ని పండించగలిగారు కాబట్టే పిల్లల నుండి పెద్దల వరకు అందరికి నచ్చింది. అమృతం చూసే ప్రేక్షకులలో అన్ని వర్గాల వారు ఉండటంతో ప్రసార టీ.ఆర్.పి రేటింగ్స్ లో నం.1 గా నిలిచింది.^[1]

దర్శకత్వం

ఈ సీరియల్ తో 11 మంది డైరెక్టర్లుగా పరిచయం అయ్యారు. ఈ సీరియల్ తో డైరెక్టర్ గా పరిచయం అయిన చంద్రశేఖర్ యేలేటి ఆ తరువాత ఐతే, సాహసం, అనుకోకుండా ఒక రోజు, ఒక్కడున్నాడు, మనమంతా వంటి సినిమాలతో మంచి పేరు తెచ్చుకున్నారు. ఈ సీరియల్ లో అంబుజనాభాంగా చేసిన ఎస్.ఎస్.కంచి మొదటి 30 ఎపిసోడ్స్ కు దర్శకత్వం వహించాడు. ఈ సీరియల్ లో అమృతంగా చేసిన హర్షవర్ధన్, సర్వంగా చేసిన వాసు ఇంటూరి కూడా కొన్ని ఎపిసోడ్స్ కు దర్శకత్వం వహించారు.^[2]

పేరు-ప్రఖ్యాతలు

ఈ సీరియల్ లో ఆంజనేయులుగా చేసిన గుండు హనుమంతరావు ప్రఖ్యాత సినీ, రంగస్థల నటుడు. ఈ సీరియల్ తో కెమెరామెన్ గా కెరీర్ ప్రారంభించిన కె.కె.సెంథిల్ కుమార్ ఇప్పుడు తెలుగు సినీ పరిశ్రమలో ప్రఖ్యాత సినిమాటోగ్రాఫర్ గా బాహుబలితో మంచి పేరు సంపాదించుకున్నారు. ఈ సీరియల్ లో అప్పాజిగా చెసిన నారిపెద్ది శివన్నారాయణ ఈ రోజు తెలుగు సినీ పరిశ్రమలో నటుడుగా మంచి పెరు సంపాదించుకున్నాaరు. సర్వంగా చేసిన వాసు ఇంటూరి తరువాత మరికొన్ని సీరియల్లో చేసారు. కొన్ని చిత్రాల్లోనూ నటించారు. ఈ సీరియల్ లో చిన్న పాత్రలు వేసి కెరీర్ మొదలుపెట్టిన సాగర్, ఈ రోజు మొగలిరేకులు ఆర్.కే.నాయుడుగా అందరికి సుపరిచితం. ప్రముఖ కమెడియన్ శ్రీనివాస రెడ్డి ఇందులో కొన్ని ఎపిసోడ్స్ లో నటించారు.

ప్రసారం

ఈ సీరియల్ ప్రసారాన్ని2001 నవంబరు 18 లో జెమినీ టీ.వీలో ప్రారంభించారు. ప్రతి ఆదివారం రాత్రి 8:30 ని.కు ఆరేళ్ళ పాటు ప్రసారమైంది. కానీ కొత్త కథల లేమి కారణంగా 2007 నవంబరు 18 న చివరి ఎపిసోడ్ ప్రసారంతో ఈ సీరియల్ ని ముగించారు. జెమినీ టీ.వీలో స్వచ్ఛందంగా ప్రోగ్రాం స్లాట్ వదులుకున్న మొదటి కార్యక్రమం అమృతం. భారీ జనాదరణ ఉన్న సమయంలో ఈ నిర్ణయం ప్రేక్షకులని నిరాశపరచింది. తరువాత దీనికి సీక్వెల్ గా "అమృతం ఆద్వితీయం" ధారావాహికని కొనసాగింపుగా మొదలుపెడదామనుకున్నారు కానీ కుదరలేదు. ఈ సీరియల్ కి చాలా వరకు కథలని గంగరాజు గుణ్ణం, వాసు ఇంటూరి అందించారు.^[2]

జీ తెలుగు ఛానల్ లో ఈ ధారావాహిక పునః ప్రసారాన్ని ప్రతిరోజూ రాత్రి 9:00 గం.లకు కొన్నాళ్ల పాటు వేశారు.^[3] ఆ తరువాత మా టీవీలో వారాంతాల్లో రాత్రి 7:00 గం.లకు కొన్నాళ్ళు ప్రసారం చేసారు. తిరిగి జెమినీ టీవీలో సోమవారం - శుక్రవారం రాత్రి 10:30 కు ప్రసారం చేసారు.^[4] ధారావాహిక పూర్తయ్యాక మా గోల్డ్ ఛానల్ లో ప్రతిరోజు రాత్రి 10 గంటలకు కొన్నాళ్ళు ప్రసారం చేసారు. తరువాత ఈటీవీ ప్లస్ ఛానల్ లో సోమవారం - శుక్రవారం రాత్రి 9:30 గం.లకు ఈ ధారావాహికను ప్రసారం చేసారు. ఇలా ఛానల్ టీ.ఆర్.పీ రేటింగ్స్ కోసం దీన్ని పునః ప్రసారం చేస్తూ వచ్చారు. ఈ సీరియల్ లో ఉన్న అన్ని ఎపిసోడ్స్ ని యూట్యూబ్లో ఉచితంగా అందుబాటులో ఉంచారు.^[5]

ప్రస్తుతం ఈటీవీ ప్లస్ ఛానల్ లో సోమవారం - శనివారం వరకు సాయంత్రం 6:00 గం.లకు ఈ ధారావాహికను ప్రసారం చేస్తున్నారు.^[6]

పాట

“

అయ్యోలు హమ్మోలు ఇంతేనా బ్రతుకు హుహుహు

ఆహాలు ఓహోలు ఉంటాయి వెతుకు హహహ

మన చేతుల్లోనే లేదా రిమోట్ కంట్రోలు

ఇట్టే మార్చేద్దాము ఏడుపుగొట్టు ప్రోగ్రామ్లు

ఒరే ఆంజనేలు తెగ ఆయాస పడిపోకు చాలు

మనం ఈదుతున్నాం ఒక చంచాడు భవసాగరాలు

కరెంట్, రెంటు ఎక్సట్రా మన కష్టాలూ

కర్రీలో కారం ఎక్కువ ఐతే కన్నీళ్లు

”