కుర్చీ

వికీపీడియా నుండి

కుర్చీ (Chair) మన ఇంటిలో, కార్యాలయాలలో చాలా ఉపయోగకరమైన వస్తువు. వీటిని మేజాతో కలిపి ఉపయోగిస్తారు.

సాధారణంగా కుర్చీకి నాలుగు కాళ్ళు, బల్ల ఉండి చేరబడడానికి వెనుక భాగంతో, చేతులు పెట్టుకోవడానికి అనువుగా ఉంటుంది. ఒక్క కూర్చోడానికి మాత్రమే ఉండే దానిని స్టూలు (Stool) అంటారు. ఒకరి కంటే ఎక్కువమంది కూర్చోడానికి అనువుగా ఉండేదానిని బెంచి, సోఫా అంటారు. వాహనాలలో లేదా సినిమా హాలులో బిగించియున్న కుర్చీలను సీట్లు అంటారు. కుర్చీలు ఎక్కడికైనా సులువుగా తీసుకొనివెళ్ళడానికి వీలవుతుంది. కుర్చీ వెనుకభాగానికి మరియు/లేదా సీటుకి గాలి తగలడానికి వీలుగా కన్నాలుంటాయి.

కొన్ని కుర్చీలకు వెనుక భాగం తల ఉన్నంత ఎత్తు వరకు ఉంటుంది; మరికొన్నింటికి తల భాగం కోసం వేరుగా చిన్న మెత్త అతికించి ఉంటుంది. మోటారు వాహనాలలో ఈ మెత్త భాగం ప్రమాదం జరిగినప్పుడు మెడ మరియు తల భాగాలను రక్షిస్తుంది.

చక్రాల కుర్చీ (Wheel Chair) కాళ్ళతో నడవలేని వారు ఉపయోగిస్తారు. చక్రాలను చేతులతో తిప్పుతూ వీరు ముందుకు కదుల్తారు. కొన్నిటికి ఆపడానికి బ్రేకులు కూడా ఉంటాయి.