పూజా బాత్రా

వికీపీడియా నుండి
ఇక్కడికి గెంతు: మార్గసూచీ, వెతుకు
పూజా బాత్రా
Pooja Batra.jpg
జననం {{{birthdate}}}
భార్య/భర్త డాక్టర్ సోనూ అహ్లూవాలియా

పూజా బాత్రా (హిందీ: पूज बत्रा, ఉర్దూ: پُوجا بترا) , (జననం 27 అక్టోబర్ 1973), ఉత్తరప్రదేశ్ లోని ఫైజాబాద్ లో ఒక సిక్కు-పంజాబీ కుటుంబములో జన్మించిన భారతీయ నటీమణి.

బాల్య జీవితం, నేపథ్యం[మార్చు]

పూజా బాత్రా రవి బాత్రా యొక్క కుమార్తె, ఈయన భారతదేశం మరియు పాకిస్తాన్ మధ్య 1971లో జరిగిన యుద్ధంలో గాయపడిన ఒక సైనికాధికారి. ఆమె తల్లి, నీలం బాత్రా 1971లో జరిగిన మిస్ ఇండియా పోటీలలో పాల్గొన్నారు. ఆమె కేంద్రీయ విద్యాలయలో చదువుకుంది. అక్కడ ఆమె క్రీడలు, చర్చలు మరియు ఆటలలో ఉత్సాహంగా పాలుపంచుకుంది. ఆమె మంచి క్రీడాకారిణి, ఈమె 200 మరియు 400 మీటర్ల పరుగు పందెములలో పాల్గొంది.

ఆమె పూణేలోని ఫెర్గుస్సన్ కళాశాల నుండి ఆర్ధికశాస్త్రంలో పట్టా పుచ్చుకుంది. ఆమె పూణేలోని సింబయాసిస్ కళాశాల నుండి మార్కెటింగ్ లో MBA చేసింది.[1] ఆమెకు ఇద్దరు కవల సోదరులు ఉన్నారు.

వృత్తి జీవితం[మార్చు]

ప్రారంభ వృత్తి జీవితం[మార్చు]

చిన్న వయస్సులోనే, ఆమె పార్ట్-టైం ఉద్యోగముగా మోడలింగ్ ప్రారంభించింది. ఆమె చేసిన లిరిల్ సబ్బు వాణిజ్య ప్రకటన ఆమెకు మంచి పేరు తెచ్చిపెట్టింది. ఈమె హెడ్ అండ్ షోల్డర్స్ ను భారత దేశంలో ప్రవేశపెట్టి దానికి ప్రచార రాయబారిగా పనిచేసిన మొదటి భారతీయురాలు. ఒక మోడల్ గా ఈమె 250 పైగా కార్యక్రమములు మరియు వ్యాపార ప్రకటనల ప్రచారములలో పాల్గొంది. 1993లో ఆమెను మిస్ ఇండియా కిరీటం వరించినప్పుడు ఆమె బాగా ఖ్యాతి గడించింది. తర్వాత ఆమె భారతదేశంలోని గొప్ప మోడళ్లలో ఒకరుగా వెలుగొందింది. ఆమె భారతదేశం మరియు విదేశములలో 250 పైగా ఫ్యాషన్ షోలలో రాంప్ పైన నడిచింది. పరాగ్ చీరలకి ఆమె ప్రచార రాయబారి.

20 పైగా చలన చిత్రములలో ఆమె కథానాయిక పాత్ర పోషించింది. ఆమె చిత్రములలో ఒకటైన, తాజ్ మహల్ అనే ఒక చారిత్రిక కావ్యం, 2004లో కేన్స్ చలన చిత్రోత్సవంలో ప్రదర్శించబడింది. విరాసత్ ఫిల్మ్ స్టూడియోతో ఒప్పందానికి సంతకం చేసే ముందు పూజా తన చదువును పూర్తి చేయటానికి అనేక చలనచిత్ర అవకాశములను నిరాకరించింది. నోయిడాలోని ఆసియన్ అకాడమి ఆఫ్ ఫిల్మ్ & టెలివిజన్ యొక్క ఇంటర్నేషనల్ ఫిల్మ్ అండ్ టెలివిజన్ క్లబ్ లో ఆమె జీవితకాల సభ్యురాలు. 1995లో ఆసై అనే ఒక తమిళ చిత్రంలో ఆమె ఒక హాస్య పాత్ర పోషించింది.

తదుపరి వృత్తి జీవితం[మార్చు]

ఆమె 1997లో తన మొదటి చిత్రం విరాసత్ కు సంతకం చేసింది. హసీనా మాన్ జాయేగి , దిల్ నే ఫిర్ యాద్ కియా మరియు కహీ ప్యార్ న హో జాయే లతో సహా ఆమె 21 పైగా చిత్రాలలో నటించింది.

బాత్రా మలయాళం చిత్రాలలో కూడా నటించింది. వాటిలో ఎక్కువ చిత్రాలు మెగాస్టార్లు మోహన్ లాల్ మరియు మమ్ముట్టిలతో నటించినవి. ఆమె రెండు తమిళ చిత్రములలో కూడా నటించింది. ఆమె రంగస్థలం పై కూడా నటించింది మరియు ఉత్తర అమెరికా అంతటా పర్యటించింది. దీనితో ఆమెకు మంచి పేరు ప్రఖ్యాతులు వచ్చాయి. ఆమె ఇటీవల లాస్ ఏంజిల్స్ లో 2009 అకాడమి అవార్డ్స్ వేడుకలో కనిపించింది. ఇక్కడ ఆమె విరాసత్ లో తన సహ-నటుడైన, అనిల్ కపూర్ ను కలుసుకుంది.

వ్యక్తిగత జీవితం[మార్చు]

బాత్రా Dr. సోను అహ్లువాలియా అనే ఎముకలు మరియు కీళ్ళ శస్త్రవైద్యుడిని వివాహం చేసుకుని, లాస్ ఏంజిల్స్, కాలిఫోర్నియాలో నివసిస్తోంది. ఆమెకు ముంబైలో కూడా ఒక ఇల్లు ఉంది.

దాతృత్వం[మార్చు]

బాత్రా తన సమయాన్ని మరియు ధనాన్ని AIDS (ముక్తి ఫౌండేషన్), ఇల్లు వాకిలి లేని పిల్లలు, బొంబాయి పోలీసు డిపార్టుమెంటు మరియు కాశ్మీరు యుద్ధంలో క్షతగాత్రులైన సైనికులు వంటి ఉదాత్త కార్యక్రమముల కొరకు కేటాయించింది.

భారతదేశంలోని పేద పిల్లల కొరకు నిధులు సేకరించటానికి ఆమె మై లిటిల్ డెవిల్ (బస్ యారి రఖో ) అనే చిత్రంలో పారితోషకం తీసుకోకుండానే నటించింది. ఈ చిత్రానికి హిందీ, ఇంగ్లీష్ మరియు ఫ్రెంచ్ భాషలలో అనువాద వాక్యములు వ్రాయబడ్డాయి. NFDC-లా ఫేటే (కెనడా) ఈ చిత్రాన్ని సహ సమర్పించారు మరియు గోపి దేశాయ్ ఈ చిత్రానికి దర్శకత్వం వహించారు. ఈ చిత్రం 2000లో జరిగిన 24వ వార్షిక మాంట్రియాల్ వరల్డ్ ఫిల్మ్ ఫెస్టివల్; 2000లో జరిగిన చికాగో ఇంటర్నేషనల్ చిల్డ్రన్'స్ ఫిల్మ్ ఫెస్టివల్; 2001లో జరిగిన 10వ వార్షిక ఫిలడెల్ఫియా ఫిల్మ్ ఫెస్టివల్ ఆఫ్ వరల్డ్ సినిమా, మరియు 2005లో మలేషియాలో ఇండియన్ ఫిల్మ్ ఫెస్టివల్ లో ప్రదర్శించబడింది.

పురస్కారాలు మరియు ప్రతిపాదనలు[మార్చు]

  • 1997: విజేత - విరాసత్ చిత్రానికి ఉత్తమ సహాయ నటిగా శాన్సూయ్ స్క్రీన్ అవార్డు
  • 1997: ప్రతిపాదన - విరాసత్ చిత్రానికి మంచి భవిష్యత్తు ఉన్న నూతన నటిగా ఫిలింఫేర్ అవార్డు
  • 2006: ప్రతిపాదన - తాజ్ మహల్ - ఆన్ ఎటర్నల్ లవ్ స్టోరీ చిత్రానికి ఉత్తమ నటిగా శాన్సూయ్ స్క్రీన్ అవార్డు

ఫిల్మోగ్రఫీ[మార్చు]

సంవత్సరాలు చలన చిత్రం పాత్ర ఇతర వివరాలు
1995 ఆసై అతిధి పాత్ర తమిళ చలనచిత్రం
సిసింద్రి తెలుగు చలనచిత్రం
1997 విశ్వవిధాత పూనం
విరాసత్ అనిత
భాయి పూజ
చంద్రలేఖ లేఖ మలయాళం చలనచిత్రం
1998 శ్యామ్ ఘనశ్యామ్ రూప
గ్రీకు వీరుడు తెలుగు చలనచిత్రం
సాజిష్
1999 మేఘం కల్నల్ తంపురాన్ భార్య, మేఘం మలయాళం చలనచిత్రం
ఒరువన్ తమిళ చలనచిత్రం
హసీనా మాన్ జాయేగి పూజా వర్మ
2000 బస్ యారి రఖో ప్రతిభ
దైవతింటే మకాన్ మలయాళం చలనచిత్రం
కన్డుకొండైన్ కన్డుకొండైన్ నందిని తమిళ చలనచిత్రం
కహీ ప్యార్ న హో జాయే మోనా
2001 ఇత్తేఫాక్ రోషిణి హీరానందని
దిల్ నే ఫిర్ యాద్ కియా సోనియా చోప్రా
ఫర్జ్ మరలుగొలిపే మహిళ
కుచ్ ఖట్టి కుచ్ మీటి సావిత్రి
జోడి No.1 కాసినోలో నాట్యం చేసే అమ్మాయి
Nayak: The Real Hero లైలా
2003 Talaash: The Hunt Begins కామిని
పర్వానా పర్వానా సహచరి
2005 Taj Mahal: An Eternal Love Story నూర్ జహాన్

సూచనలు[మార్చు]

బాహ్య లింకులు[మార్చు]