బ్లూ పారట్‌ఫిష్

బ్లూ పారట్‌ఫిష్ Blue parrotfish
Conservation status
Least Concern  (IUCN 3.1)
శాస్త్రీయ వర్గీకరణ
Kingdom:	Animalia
Phylum:	Chordata
Class:	Actinopterygii
Order:	Perciformes
Family:	Scaridae
Genus:	Scarus
Species:	S. coeruleus
Binomial name
Scarus coeruleus Edwards, 1771

నీలి చేప లేదా బ్లూ పారట్‌ఫిష్ అనునది అంతరించి పోవుచున్న ఒక అరుదైన చేప జాతి.

విశేషాలు

• ఈ చేపలు ఎక్కువగా కోరల్ రీఫ్ రాళ్ల దగ్గర ఉంటాయి.
• ఇది సుమారు 29 అంగుళాల వరకు ఎదుగుతుంది.
• నోట్లో దంతాలతో పాటు దీనికి గొంతులోనూ పళ్లుంటాయి. వీటిని పారింగ్జల్ టూత్ అంటారు.
• చిలుక ముక్కులాంటి దీని దవడ, దంతాలతో రాళ్లపై ఉన్న ఆల్గేను తొలుస్తూ కడుపు నింపుకుంటుంది.
• గొంతులోని పళ్లతో ఏకంగా రాళ్లనే ఇసుకలా తొలిచి అందులో నాచును తినేస్తుంది. అలా రోజు మొత్తంలో 80 శాతం సమయం ఇది ఆహార వేటలో గడుపుతుంది.
• చిలుక ముక్కులాంటి దవడ ఉంటుంది కాబట్టి ఈ జాతి చేపల్ని ప్యారట్‌ఫిష్ అంటారు. కానీ దీని రంగుని బట్టి బ్లూ ప్యారట్‌ఫిష్ అని పేరు పెట్టారు.
• ఆహారం కోసం సముద్రంలో పగడపు దీవుల్లోని రాళ్లను పళ్లతో గీరడం వల్ల బోలెడంత ఇసుక తయారవుతుంది. ఇలా ఒకో చేప ఏడాదికి సుమారు 90 కిలోల ఇసుకను తయారుచేస్తుందని అంచనా. కొన్ని బీచ్‌ల్లో తెల్లగా కనిపించే ఇసుక వీటి వల్ల ఏర్పడినదే.
• వీటికి కూడా బ్లూ క్వాబ్స్, బ్లూ ప్యారట్స్, బ్లూమ్యాన్ అంటూ చాలా పేర్లు ఉన్నాయి.
• ఇవి ఎక్కువగా అట్లాంటిక్, కరిబీయన్ సముద్రాల్లో ఉంటాయి.

పరిరక్షణ

ఈ చేప ఆల్గేను తిని రీఫ్‌లపై దాని వ్యాప్తిని ఆపడం ద్వారా మిగతా చేపలకు కూడా రీఫ్‌లు ఆవాసమవుతున్నాయి. కానీ ఈ నీలి చేప క్రమంగా అంతరించిపోతుండడం వల్ల రీఫ్‌లపై నాచు అధికంగా పేరుకుపోయి బోలెడు చేప జాతులకు నష్టం కలుగుతోంది. ముఖ్యంగా బ్రెజిల్‌ లోని సముద్రాల్లోని రీఫ్‌లు బాగా దెబ్బతింటున్నాయి. అందుకే శాస్త్రవేత్తలు ఈ చేపను కాపాడే చర్యలు మొదలెట్టారు.