సూర్యరశ్మి
సూర్యుని నుండి భూమిని చేరే కాంతిని సూర్యరశ్మి (Sunlight) అంటారు. ఇది సూర్యుని నుండి వెలువడే విద్యుదయస్కాంత వికిరణాలలో ఒక భాగం. ప్రత్యేకంగా చెప్పాలంటే పరారుణ కిరణాలు, దృగ్గోచర వర్ణపటం మరియు అతినీలలోహిత కిరణాలు యొక్క సముదాయం అని చెప్పవచ్చు.భూమిపై సూర్యుని నుండి వచ్చే సూర్యకాంతి వాతావరణం వల్ల వడపోయబడుతుంది.సూర్యుని నుండి వెలువడే సూర్యుని వికిరణాలు మేఘాల వల్ల మూయబడక పోతే సూర్యకాంతి భూమిని చెరుతుంది. సూర్యకాంతి అనునది ప్రకాశవంతమైన కాంతి మరియు ఉష్ణ వికిరణాల సముదాయం.
ప్రపంచ వాతావరణ స్ంస్థ ఈ పదాన్ని "sunshine duration" అని వాడుతుంది. అనగా భూమిపై ఒక ప్రదేశంలో సూర్యుని నుండి పొందిన వికిరణాకు కనీసం 120 వాట్లు/సెకండ్ వైశాల్యంలో పొందిన సమయం.[1] సూర్యకాంతి ని "సన్ షైన్ రికార్డర్", "పైరనోమీటర్" వంటి పరికరాలతో నమోదు చేయవచ్చు.
సూర్యకాంతి భూమిని చేరటానికి 8.3 నిముషాలు పడుతుంది. ఈ సౌరశక్తి సుమారు 10,000 నుండి 170000 సంవత్సరాల కాలం సూర్యుని అంతర్భాగంలో శక్తిని పొంది ఆ తర్వాత వెలుపలికి వచ్చి కాంతిని ఉద్గారం చేస్తుంది.[2] నేరుగా వచ్చే సూర్యకాంతి యొక్క కాంతి తీవ్రత విలువ సుమారు 93 ల్యూమెన్/వాట్ ఉంటుంది. కాంతి తీవ్రత ఎక్కువగా గల కాంతి ప్రతిదీప్తి సుమారు 100000 లక్స్ లు లేదా ల్యూమెన్ పర్ చదరపు మీటరు ఉంటుంది.
విషయ సూచిక |
వాతావరణ మార్పులు [మార్చు]
భూమ్మీద సూర్యరశ్మి పగటి వెలుతురులా ఉదయం నుంచి ప్రారంభమై సాయంత్రం వరకు కనిపిస్తుంది.
జీవరాశులపై ప్రభావం [మార్చు]
భూమ్మీద జీవించే ప్రతీ జీవరాశీ ఏదో ఒక విధంగా సూర్యరశ్మిపై ఆధారపడి ఉంది. మొక్కలు సూర్యరశ్మి ని ఉపయోగించుకుని కిరణజన్య సంయోగక్రియ అనే ప్రక్రియ ద్వారా తమ పెరుగుదలకు కావాల్సిన పిండిపదార్థాలను తయారు చేసుకుంటాయి. జంతువులు మొక్కలు, పండ్లు, కూరగాయలు మొదలైన ఉత్పత్తులు సేవించడం ద్వారా పరోక్షంగా సూర్యరశ్మిని ఉపయోగించుకుంటున్నాయి.
ఆరోగ్యంపై ప్రభావం [మార్చు]
మానవ శరీరం సూర్యరశ్మి నుంచి డి విటమిన్ ను ఉత్పత్తి చేస్తుంది. ఎక్కువ సేపు ఎండ తగలకుండా ఉండటం వల్ల, తీసుకునే ఆహారంలో ఇది తక్కువ పరిమాణంలో ఉండటం వల్ల, శరీరంలో ఈ విటమిన్ కొరత ఏర్పడవచ్చు. ఎక్కువ సమయం సూర్యరశ్మికి గురికావడం మూలాన దానిలో ఉన్న అతినీలలోహిత కిరణాల వల్ల చర్మ క్యాన్సర్ వచ్చే అవకాశం కూడా ఉంది.
ఇతరత్రా [మార్చు]
చాలామందికి ప్రత్యక్షంగా ఎండలో ఉండటమంటే ఇబ్బంది కలిగించేదే. సూర్యునివైపు సూటిగా చూడటం వలన దృష్టి కూడా దెబ్బతినే ప్రమాదం ఉంది. ఇలా జరగకుండా ఉండటం కోసం చాలామంది నల్ల కళ్ళద్దాలను వాడటం సహజం. ప్రత్యక్షంగా తలమీద ఎండ పడకుండా టోపీలు, శిరస్త్రాణములు (హెల్మెట్). మొదలైనవి వాడుతుంటారు. చల్లని ప్రదేశాల్లో ప్రజలు ఎండవేడిమిని బాగా ఎంజాయ్ చేస్తారు. నీడవైపు ఎక్కువగా వెళ్ళరు. అదే ఉష్ణమండల దేశాల్లో దీనికి పూర్తిగా వ్యతిరేకం. మద్యాహ్న సమయాల్లో చల్లగా ఉన్న ప్రదేశాల్లో ఉండటానికే ప్రాధాన్యతనిస్తారు. ఒకవేళ బయటకు వెళ్ళవలసి వస్తే ఏదైనా నీడ పట్టున ఉండటానికి ప్రయత్నిస్తారు.
సూచికలు [మార్చు]
- ↑ "Chapter 8 – Measurement of sunshine duration" (PDF). CIMO Guide. World Meteorological Organization. Retrieved 2008-12-01.
- ↑ "NASA: The 8-minute travel time to Earth by sunlight hides a thousand-year journey that actually began in the core". NASA, sunearthday.nasa.gov. Retrieved 2012-02-12.
