అమలాపురం గడియార స్తంభం సెంటర్
 అమలాపురం గడియార స్తంభం సెంటర్ | |
| అక్షాంశ,రేఖాంశాలు | 16°34′43″N 82°00′22″E / 16.5787°N 82.0061°E |
|---|---|
| ప్రదేశం | అమలాపురం , ఆంధ్రప్రదేశ్ భారత దేశం |
| ఎత్తు | 40 అడుగుల |
| నిర్మాణం ప్రారంభం | 1957 |
కోనసీమ జిల్లా లో ప్రధాన పట్టణమైన అమలాపురంలోని ప్రధానమైన కూడళ్ళలో ఈ గడియార స్తంభం 1957 లో నిర్మించారు. కోనసీమ వాసులకే కాదు, జిల్లా వాసులకు సుపరిచయం, కొండ గుర్తుగా ఈ గడియార స్తంభం ఉండేది.
చరిత్ర[మార్చు]
ఈ గడియార స్తంభం దాదాపు 6 దశాబ్దాల చరిత్ర కలిగినది.గడియార స్తంభాన్ని 1957 నవంబర్ 20న అప్పటి జిల్లా కలెక్టర్ ఎ కృష్ణస్వామి, మున్సిపల్ చైర్మన్ కె వెంకటరత్నం, కమిషనర్ వైవి సుబ్బారావుల ఆధ్వర్యంలో నిర్మించారు.పునాది నుంచి చుతురస్రాకారంలో నిర్మితమైన ఈ గడియార స్తంభం పైకి వెళ్ళే కొద్దీ పరిమాణం తగ్గేలా సుమారు 40 అడుగుల ఎత్తులో డిజైన్‌ చేశారు.[1] అప్పటి కాలంలో వివిధ ప్రాంతాల నుండి పనులపై అమలాపురం వచ్చిన వారికి గడియార స్తంభం ఒక చిరునామాగా నిలిచేది.నాలుగు దిక్కులా గడియారాలు కనిపిస్తూ, ప్రజలకు సమయం చూసుకోవడానికి ఎంతగానో ఉపయోగపడేది.అమలాపురం లో ఒక చారిత్రిక కట్టడంగా పేరు పొందింది.
ఉద్యమాలు[మార్చు]
ఈ గడియార స్తంభం సెంటర్ రాజకీయ, సామాజిక ఉద్యమాలకు ఇది ప్రధాన వేదికగా ఉండేది.ఇక్కడ నుండే ప్రజలు నిరసనలు తెలియజేసేవారు.
శిధిలస్థితి నూతన గడియార స్తంభం ఏర్పాటు[మార్చు]
ఈ చారిత్రిక కట్టడం శిధిల స్థితికి చేరుకోవడంతో గడియారాలు పనిచేయడం మానేసాయి. పాత గడియార స్తంభాన్ని పూర్తిగా తొలగించి దాని స్థానంలో నూతన హంగులతో కూడిన మరో స్మారక చిహ్నం నిర్మించారు.ఈ స్తంభాన్ని నిర్మించేందుకు ఓఎన్‌జిసి కోటి రూపాయలు సమకూర్చింది. [2][3]
మూలాలు[మార్చు]
- ↑ ఆంధ్రభూమి (2016). "గడియర స్తంభం చరిత్ర". ఆంధ్రభూమి.
- ↑ ఆంధ్రభూమి (2016). "స్మృతిపథంలో అమలాపురం గడియార స్తంభం".
{{cite journal}}: Cite journal requires|journal=(help) - ↑ ఈనాడు (2018). "గడియర స్తంభం నూతన నిర్మాణం".
{{cite journal}}: Cite journal requires|journal=(help)