ఋభువు

వికీపీడియా నుండి
Jump to navigation Jump to search

ఋభువులు (ఆంగ్లం: elves) అంటే గెర్మనీయ పురాణాల్లో ఒక రకమైన అద్భుత జీవి. సాధారణంగా ఋభువులకి మంత్రజాలానికీ, ప్రకృతికీ సంబంధించిన శక్తులు ఉంటాయి. ఋభువుల రూపం చాలామటుకు మనిషిలాంటిదే, కానీ తమకి మొనదేలిన చెవులు ఉంటాయి. కొన్ని కథల్లో పొడుగ్గా ఉంటే మరికొన్ని కథల్లో పొట్టిగా ఉంటారు.

నీల్ల్ బ్లొమ్మెర్ చేసిన Ängsälvor (స్వీడిష్ లో "మైదానపు ఋభువులు") (1850)

వ్యుత్పత్తి[మార్చు]

మూల-గెర్మనీయ భాషలోని *albiz అనే పదం ఆంగ్లంలో "elf"లా, పూర్వ నోర్సు భాషలో "álfr"లా మారింది. ఈ *albiz పదానికి మూల-సింధ-ఐరోపా భాషలో *albʰós అనే పదంలో మూలాలు ఉన్నాయి. ఈ పదం సంస్కృతంలో "ఋభు"లా మారింది.[ఆధారం చూపాలి] *albʰósకి "తెలుపు" అన్న అర్థం.

చరిత్ర[మార్చు]

ఉత్తర ఐరోపా పురాణాల్లో ఋభువులును తరుచుగా ప్రస్తావిస్తారు. స్నొర్రి స్టుర్లుసొన్ రాసిన "గద్యపు ఎడ్డ"లో, రెండు రకాల ఋభువులు ఉంటారని రాసి ఉంది: స్వర్గంలో నివసించే తెల్ల ఋభువులు,, భూమి కింద నివసించే నల్ల ఋభువులు.

ఆధునిక సాహిత్యం[మార్చు]

జే. ఆర్. ఆర్. టోల్కీన్ రచనల్లో కొన్ని పాత్రలు ఋభువులు. టోల్కీన్ కథల్లో ఋభువులు చాలా ఎత్తుగా, అందంగా ఉంటారు. వాళ్లు విల్లు-బాణం వాడడంలో సామర్థ్యులు, వాళ్లకి మాంత్రిక శక్తులు కలిగి ఉంటాయి. వాళ్లు చిరంజీవులు. టొల్కీన్ కథలు జరిగే మధ్య-భూమి అనే లోకంలో, రెండు ఋభు భాషలు ఉంటాయి. వాటి పేర్లు సిండరిన్, క్వెన్య.


"https://te.wikipedia.org/w/index.php?title=ఋభువు&oldid=4099281" నుండి వెలికితీశారు