ఎమ్వీ రామిరెడ్డి

నేపథ్యం

గుంటూరు జిల్లా (అమరావతి) పెదపరిమి గ్రామంలో జన్మించి, అంచలంచలుగా ఎదిగి నల్లగండ్ల, హైదరాబాదులో స్థిరపడిన కవి, కథకులు, జర్నలిస్ట్, సేవాతత్పరులు ఎమ్వీ రామిరెడ్డి (MV Rami Reddy). 11 సంవత్సరాలు ఈనాడు సబ్-ఎడిటర్‌గా పనిచేశారు. 2006 నుంచి రామ్‌కీ ఫౌండేషన్ సి.ఇ.ఒ.గా బాధ్యతలు నిర్వహిస్తున్నారు.

ఎమ్వీ రామిరెడ్డి
జననం	మువ్వా వెంకటరామిరెడ్డి 07 ఫిబ్రవరి 1970 పెదపరిమి గ్రామం, గుంటూరు జిల్లా (అమరావతి)
వృత్తి	రామ్‌కీ ఫౌండేషన్ సి.ఇ.ఒ.గా (2006 నుంచి), అంతకుముందు ఈనాడు సబ్-ఎడిటర్‌గా (11 సంవత్సరాలు), కవి, కథకులు
గుర్తించదగిన సేవలు	90కి పైగా కథలు, 130కి పైగా కవితలు ప్రచురణ | 3 కథాసంపుటిలు, 4 కవిత్వ సంపుటిలు

సాహిత్య కృషి

ఇప్పటివరకు 90కి పైగా కథలు, 130కి పైగా కవితలు వివిధ ప్రముఖ పత్రికల్లో ప్రచురితమయ్యాయి. 4 కవిత్వ సంపుటులు, 3 కథాసంపుటులు వెలువరించారు.

ప్రచురించిన పుస్తకాలు

కవిత్వం:

1. బిందువు (1997)   

2. మనిషి జాడ (2009)   

3. అజరామరం (2015)

4. అనిర్వచనం (2022) Archived 2023-05-11 at the Wayback Machine

కథలు:

1. వెన్నలో లావా (2011)  

2. వెంట వచ్చునది (2018)

3. స్పర్శవేది (2021)

ఇతర ప్రక్రియలు:

• ఒక నవల (సగం కాలిన జీవితం, ‘చతుర’లో ప్రచురితం)
• నాలుగు రేడియో నాటికలు, రెండు రేడియో నాటకాలు
• ముప్ఫైకి పైగా విమర్శా వ్యాసాలు
• ఉన్నతస్థాయికి ఎదిగిన వ్యక్తుల జీవిత కథనాలు 30 దాకా

సంపాదకత్వం:

• పదవ తరగతి తరవాత (1999)
• రైతు కవిత (డాక్టర్ పాపినేని శివశంకర్, బండ్ల మాధవరావు గార్లతో కలిసి)

పురస్కారాలు

1. ఆకాశవాణి జాతీయ సర్వభాషా కవిసమ్మేళనం 2023 (తెలుగు భాషనుంచి)
2. చెంగవల్లి వెంకట రమణయ్య స్మారక సాహితీ పురస్కారం – 2022
3. మక్కెన రామసుబ్బయ్య కథాపురస్కారం – 2022 (స్పర్శవేది కథాసంపుటి)
4. గిడుగు రామమూర్తి పంతులు జాతీయ సాహిత్య పురస్కారం – 2022 (స్పర్శవేది)
5. ప్రియమైన రచయితల సంఘం విశిష్ట సాహితీ పురస్కారం (10-09-2022)
6. మాడభూషి రంగాచార్య స్మారక పురస్కారం – 2021 (స్పర్శవేది కథాసంపుటి)
7. కొలకలూరి భాగీరథీ కథానికా పురస్కారం (వెంట వచ్చునది-2020)
8. అంగలకుదిటి సుందరాచారి స్మారక పురస్కారం (వెంట వచ్చునది-2020)
9. శకుంతలా జైనీ కళా పురస్కారం (2020)
10. తెలుగు విశ్వవిద్యాలయం కీర్తి పురస్కారం (2018కి గాను 2022 జనవరిలో)
11. కొండసాని నారాయణరెడ్డి స్మారక జాతీయ సాహిత్య పురస్కారం (వెంట వచ్చునది–2019)
12. వాసిరెడ్డి భాస్కరరావు స్మారక పురస్కారం, అరసం, వరంగల్ (వెంట వచ్చునది-2019)
13. ఎడ్ల గురవారెడ్డి స్మారక పురస్కారం, సిద్ధిపేట, తెలంగాణ (అజరామరం–2017)
14. గుంటూరు జిల్లా రచయితల సంఘం అవార్డు (అజరామరం–2016)
15. రాజీవ్ గాంధి ఎక్స్‌లెన్స్ అవార్డు, ఢిల్లీ (2013)
16. చెలిమి సాంస్కృతిక సమితి పురస్కారం (మనిషి జాడ - 2012)
17. కోటపాటి మురహరిరావు సాహితీ పురస్కారం (2012)
18. ఎస్.వి.డి. సాహితీ పురస్కారం 2011 (మనిషి జాడ)
19. ఆంధ్ర నాటక కళాసమితి కవితా పురస్కారం 2003
20. రంజని - కుందుర్తి అవార్డు 2002
21. రచన - కథాపీఠం పురస్కారం 2001
22. కాశీభట్ల హనుమాంబ స్మారక కథా పురస్కారం 2000

సేవాపథం

• తండ్రిగారి స్మృత్యర్థం స్థాపించిన ‘‘మువ్వా చినబాపిరెడ్డి మెమోరియల్ ట్రస్ట్’’ తరఫున 1998 నుంచీ సేవాకార్యక్రమాలు.
• సుమారు 45 మంది పిల్లల చదువుకు ఆర్థికసాయం. వారిలో పాతిక మంది వరకు మంచి ఉద్యోగాల్లో స్థిరపడ్డారు.
• మహిళలకు నైపుణ్య శిక్షణ, ఉపాధి కల్పన, వైద్య శిబిరాల వంటి సేవా కార్యక్రమాలు అడపాదడపా నిర్వహణ.
• నిరుద్యోగ యువతకు ఉచితంగా వృత్తి నైపుణ్య శిక్షణ, ఉద్యోగ కల్పన.
• వృద్ధాలయం నిర్వహణ
• ట్రస్టు తరఫున ఇప్పటిదాకా 15 పుస్తకాల ప్రచురణ (ఇతర రచయితలవీ కలిపి).

మూలాలు

01. మువ్వా చినబాపిరెడ్డి మెమోరియల్ ట్రస్ట్

02. Asianet News Telugu (May 8th, 2022) "మక్కెన రామసుబ్బయ్య ఫౌండేషన్ సాహితీ పురస్కారాలు 2022 ప్రకటన"

03. Daily GK in Telugu (12th February, 2020) "కొలకలూరి పురస్కారాలు- 2020 విజేతల ప్రకటన" Archived 2023-05-11 at the Wayback Machine

04. ETV Bharath (5th September, 2022) "చిన బాపిరెడ్డి ఛారిటబుల్ ట్రస్ట్ ఆధ్వర్యంలో వృద్దాలయం ప్రారంభం"