పెదపరిమి

పెదపరిమి
రెవెన్యూ గ్రామం
పెదపరిమి
అక్షాంశ రేఖాంశాలు: 16°27′45.4478″N 80°27′20.6384″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	గుంటూరు
మండలం	తుళ్లూరు
విస్తీర్ణం	26.36 కి.మీ2 (10.18 చ. మై)
జనాభా  (2011)	6,887
• జనసాంద్రత	260/కి.మీ2 (680/చ. మై.)
అదనపు జనాభాగణాంకాలు
• పురుషులు	3,388
• స్త్రీలు	3,499
• లింగ నిష్పత్తి	1,033
• నివాసాలు	1,906
ప్రాంతపు కోడ్	+91 ( )
పిన్‌కోడ్	522236.
2011 జనగణన కోడ్	589958

పెదపరిమి, గుంటూరు జిల్లా, తుళ్ళూరు మండలం లోని గ్రామం.ఇది మండల కేంద్రమైన తుళ్ళూరు నుండి 7 కి. మీ. దూరం లోను, సమీప పట్టణమైన మంగళగిరి నుండి 18 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1906 ఇళ్లతో, 6887 జనాభాతో 2636 హెక్టార్లలో విస్తరించి ఉంది. గ్రామంలో మగవారి సంఖ్య 3388, ఆడవారి సంఖ్య 3499. షెడ్యూల్డ్ కులాల సంఖ్య 1908 కాగా షెడ్యూల్డ్ తెగల సంఖ్య 176. గ్రామ జనగణన లొకేషన్ కోడ్ 589958.

గ్రామ చరిత్ర

సీఆర్‌డీఏ పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు. తుళ్లూరు మండలం పరిధిలో: లింగాయపాలెం, దాని పరిధిలో ఉన్న ఆవాస ప్రాంతాలు (హామ్లెట్స్), మోదుగు లంకపాలెం, ఉద్దండ రాయుని పాలెం, వెలగపూడి, నేలపాడు, శాకమూరు, ఐనవోలు, మల్కాపురం, మందడంతో పాటు దాని పరిధిలో ఉన్న హామ్లెట్స్, వెంకటపాలెం, అనంతవరం, నెక్కల్లు, తుళ్లూరు, దొండపాడు, అబ్బరాజుపాలెం, రాయపూడి, బోరుపాలెం, కొండ్రాజుపాలెం, పిచుకల పాలెం, ఉండవల్లి, పెనుమాక, తాడేపల్లి మున్సిపాలిటీ పరిధిలోని నులకపేట, డోలస్ నగర్ ప్రాంతాలు ఉన్నాయి..

గ్రామానికి చెందిన వ్యక్తులు

• మోదుగుల వేణుగోపాల్ రెడ్డి - మాజీ ఎంపీ,మాజీ ఎమ్మెల్యే
• నంబూరి శంకర్ రావు - ఎమ్మెల్యే

గుంటూరు జిల్లా పరిధిలోని మండలాలు

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామ భౌగోళికం

సమీప గ్రామాలు

తాడికొండ 4 కి.మీ, శాఖమూరు 4 కి.మీ, నిడుముక్కల 4 కి.మీ, మోతడక 5 కి.మీ, కర్లపూడి 5 కి.మీ.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు నాలుగు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి తుళ్ళూరులో ఉంది. సమీప జూనియర్ కళాశాల, ప్రభుత్వ ఆర్ట్స్, సైన్స్, డిగ్రీ కళాశాల తుళ్ళూరులోను, ఇంజనీరింగ్ కళాశాల మంగళగిరిలోనూ ఉన్నాయి. సమీప వైద్య కళాశాల, మేనేజిమెంటు కళాశాల మంగళగిరిలోను, పాలీటెక్నిక్ నల్లపాడులోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల గుంటూరులో ఉన్నాయి.

వైద్య సౌకర్యం

ప్రభుత్వ వైద్య సౌకర్యం

పెదపరిమిలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. ఎన్టీఆర్ సుజల స్రవంతి అందుబాటులో ఉంది.

పారిశుధ్యం

గ్రామంలో మురుగునీటి పారుదల వ్యవస్థ లేదు.మురుగునీటిని శుద్ధి ప్లాంట్‌లోకి పంపిస్తున్నారు.గ్రామం సంపూర్ణ పారిశుధ్య పథకం కిందకు రావట్లేదు.సామాజిక మరుగుదొడ్డి సౌకర్యం లేదు.ఇంటింటికీ తిరిగి వ్యర్థాలను సేకరించే వ్యవస్థ లేదు.సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

పెదపరిమిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. ట్రాక్టరు సౌకర్యం గ్రామానికి 5 కి.మీ. లోపు దూరంలో ఉంది. ప్రైవేటు బస్సు సౌకర్యం, రైల్వే స్టేషన్ మొదలైన సౌకర్యాలు గ్రామం నుండి 10 కి.మీ.కి పైబడిన దూరంలో ఉన్నాయి. ప్రధాన జిల్లా రహదారి గ్రామం గుండా పోతోంది. జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్ గ్రామం నుండి 5 నుండి 10 కి.మీ. దూరంలో ఉంది. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి.చైతన్య గ్రామీణ బ్యాంకు, కార్పొరేషన్ బ్యాంకు, బ్యాంక్ ఆఫ్ బరోడా, రెండు ఎ.టి.యమ్ లు ఉన్నాయి.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది.అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు గ్రామం నుండి 5 నుండి 10 కి.మీ. దూరంలో ఉంది.

షటిల్ కోర్టు

ఆటలయొక్క ప్రాముఖ్యతను గుర్తించి, స్థానిక హనుమాన్, వినాయకస్వామి వార్ల దేవస్థానం ప్రక్కన రాయల్ యూత్ వారు షటిల్ కోర్టు ఏర్పాటు చేసారు...దీనికి చింతక్రింది వేణు గోపాల్ ఎంతో ఉపకరించారు.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి విద్యుత్ సరఫరా చేస్తున్నారు.

భూమి వినియోగం

పెదపరిమిలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 177 హెక్టార్లు
• వ్యవసాయం సాగని, బంజరు భూమి: 5 హెక్టార్లు
• నికరంగా విత్తిన భూమి: 2453 హెక్టార్లు
• నీటి సౌకర్యం లేని భూమి: 2352 హెక్టార్లు
• వివిధ వనరుల నుండి నీటి పారుదల లభిస్తున్న భూమి: 101 హెక్టార్లు

నీటిపారుదల సౌకర్యాలు

పెదపరిమిలో వ్యవసాయానికి నీటి సరఫరా కింది వనరుల ద్వారా జరుగుతోంది

• కాలువలు: 101 హెక్టార్లు

ఉత్పత్తి

పెదపరిమిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

ప్రత్తి, మిరపమినుము, శనగ

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి సర్వా సత్యవతి, సర్పంచిగా ఎన్నికైనారు.

గామములోని దర్శనీయ ప్రదేశములు/దేవాలయములు

శ్రీ కోదండరామాలయం

ఈ ఆలయంలో ప్రతి సంవత్సరం, శ్రీరామనవమికి శ్రీ సీతారాముల కళ్యాణోత్సవాలు, వైభవంగా నిర్వహించెదరు.

శ్రీ విజ్ఞేశ్వర ఆలయం

ఈ ఆలయంలో ప్రతి సంవత్సరం, వినాయకచవితి నీ వైభవంగా నిర్వహించెదరు.

గణపతి మహోత్సవములను 1980 వ సంవత్సరం నుంచి వైభవంగా నిర్వహించెదరు.

శ్రీ షిర్డీ సాయిబాబా ఆలయం

ఈ గ్రామంలో రెండు కోట్ల రూపాయల వ్యయంతో నూతనంగా నిర్మించిన ఈ ఆలయంలో ఎటుచూసినా శిల్పకళా సౌందర్యం చూపరులను కట్టిపడేస్తుంది. ఆలయశ్లాబుపై గర్భగుడిలో నిర్మించిన అష్టకోణం ప్రత్యేకత సంతరించుకున్నది. పెదపరిమికి చెందిన నంబూరు శంకరరావు, భాష్యం వెంకటరావు ప్రధాన దాతలు. గ్రామస్థుల సౌజన్యంతో ఈ ఆలయాన్ని నిర్మించారు. ఈ ఆలయంలో ప్రతిష్ఠించుటకై రాజస్థానులోని జైపూర్ నుండి ఆరడుగుల ఎత్త్తయిన సాయిబాబా విగ్రహాన్ని, 10 లక్షల రూపాయల వ్యయంతో ఏర్పాటుచేసారు. ఈ ఆలయంలో విగ్రహ ప్రతిష్ఠా మహోత్సవాలు, 2017, మే-4వతేదీ గురువారం నుండి ప్రారంభమగును. 5వతేదీ శుక్రవారంనాడు, ప్రతిష్ఠించే విగ్రహాలతో గ్రామోత్సవం నిర్వహించెదరు. 6వతేదీ శనివారం ఉదయం 10-48 కి విగ్రహ ప్రతిష్ఠ నిర్వహించెదరు. అనంతరం భక్తులకు అన్నసమారాధన కార్యక్రమం నిర్వహించెదరు. ఈ సందర్భంగా పలు సాంస్కృతిక కార్యక్రమాలు నిర్వహించెదరు. [5]

పవనపుత్ర ధ్యాన పిరమిడ్

ధ్యాన ప్రాముఖ్యతను గుర్తించి., శ్రీ ఆంజనేయ, వినాయక స్వామి వార్ల దేవస్థానం ప్రక్కన పిరమిడ్ నిర్మాణం జరిగింది.

గ్రామ విశేషాలు

విశాఖపట్నం గ్రేహౌండ్స్ దళం ఎస్.పి.గా పనిచేయుచున్న కొల్లి రఘునాథరెడ్డి, పెదపరిమి గ్రామాన్ని, ఆదర్శగ్రామం (స్మార్ట్ విలేజి) గా తీర్చిదిద్దడానికై దత్తత తీసుకున్నారు.

రాయల్ యూత్

గ్రామం లోని యువత ఒక సంఘముగా ఏర్పాటు అయి దానికి రాయల్ యూత్ గా నామకరణం చేసియున్నారు... యువత ఆద్భర్యంలో గత 5 సంవత్సరాలుగా (2014-2018) వినాయకచవితి పర్వదినం వైభవంగా జరుపబడింది.

బాల గణేష్ యూత్

గ్రామం లోని యువత ఒక సంఘముగా ఏర్పాటు అయి దానికి బాల గణేష్ యూత్ గా నామకరణం చేసియున్నారు....యువత ఆద్భర్యంలో గత 10 సంవత్సరాలుగా (2014) వినాయకచవితి పర్వదినం వైభవంగా జరుపుతున్నారు.

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 6,635. ఇందులో పురుషుల సంఖ్య 3,330, స్త్రీల సంఖ్య 3,305, గ్రామంలో నివాస గృహాలు 1,657 ఉన్నాయి. గ్రామ విస్తీర్ణము 2,636 హెక్టారులు.

వ్యక్తులు

• ఎమ్వీ రామిరెడ్డి