ఎలనాగ
నాగరాజు సురేంద్ర | |
|---|---|
 ఎలనాగ | |
| వృత్తి | వైద్యుడు,కవి, రచయిత, అనువాదకుడు, విమర్శకుడు. |
| ప్రసిద్ధ రచనలుs | Dazzlers, ఉత్తమ లాటిన్ అమెరికన్ కథలు,కథాతోరణం |
ఎలనాగ (అసలు పేరు: డాక్టర్ నాగరాజు సురేంద్ర, జననం: 1953) తెలుగు సాహిత్యంలో ప్రముఖ కవి, భాషావేత్త, విమర్శకుడు మరియు అనువాదకుడు. తెలుగుతో పాటు ఆంగ్లంలో కూడా రచనలు చేయడం ఆయన ప్రత్యేకత.[1] చిన్నపిల్లల వైద్యవృత్తిని కొనసాగిస్తూ, కవిత్వం, వ్యాసరచన, అనువాదం వంటి విభిన్న సాహిత్యరంగాల్లో రచనలు చేశారు.
ప్రారంభ జీవితం
[మార్చు]ఎలనాగ 1953లో కరీంనగర్ జిల్లాలోని ఎలగందుల గ్రామంలో జన్మించారు. ఉన్నత పాఠశాలలో చదువుతున్నప్పుడే రచనా వ్యాసంగం ప్రారంభించారు. విద్యార్థి దశలో రాసిన కవిత మొదటిసారిగా కరీంనగర్ నుండి వెలువడుతున్న 'గౌతమి' పత్రికలో ప్రచురితమైంది.
విద్య మరియు వృత్తి
[మార్చు]ఎలనాగ మెడిసిన్ చదువుకొని చిన్నపిల్లల వైద్యుడు (పీడియాట్రిషన్) గా వృత్తిని కొనసాగించారు.
ఉద్యోగ విశేషాలు
[మార్చు]- 1980-1986: నైజీరియాలోని ప్రభుత్వ ఆసుపత్రుల్లో పనిచేశారు
- 1989-2012: ఆంధ్రప్రదేశ్ వైద్య విధానపరిషత్తులో పనిచేశారు
- రాష్ట్ర స్థాయి అధికారిగా ఉద్యోగ విరమణ పొందారు
సాహిత్య రచనలు
[మార్చు]ఎలనాగ రచనలు భారతి, కృష్ణాపత్రిక, స్రవంతి, ఆంధ్రప్రభ, తరుణ, పొలికేక, విపుల మొదలైన ప్రముఖ పత్రికల్లో ప్రచురితమయ్యాయి.
భాషపై రచనలు
తెలుగు భాషలో సవ్యత, శైలీ, నుడి వినియోగం వంటి అంశాలపై రచనలు చేశారు.
ఈయన రచించిన మొత్తం పుస్తకాల సంఖ్య 38.
తెలుగులో స్వతంత్ర రచనలు 16, ఆంగ్లంలో స్వతంత్ర రచనలు 2.
ఆంగ్లంనుండి తెలుగులోకి అనువాదాలు 10, తెలుగునుండి ఆంగ్లంలోకి అనువాదాలు 10.
కవితలు, గేయాలు, ఛందోబద్ధ పద్యాలు, ప్రయోగ పద్యాలు, ప్రయోగ వచనం, కథలు, వ్యాసాలు, అనువాదాలు, ప్రామాణిక గళ్లనుడికట్లు, శ్లేషాత్మక చమత్కారికలు వంటి వివిధ ప్రక్రియలలో రచనలు చేశారు.
లాటిన్ అమెరికన్ కథలను, ఆఫ్రికన్ కథలను, సోమర్సెట్ మామ్ కథలను, ప్రపంచ కథలను, పవన్ కె. వర్మ రచించిన Ghalib: The Man, The Times నవలను, సైరస్ మిస్త్రీ రాసిన Chronicle of a Corpse Bearer నవలను తెలుగులోకి అనువదించారు.
భాష గురించిన వ్యాసాలు, సంగీతం గురించిన వ్యాసాలు రాశారు.
వట్టికోట ఆళ్వారుస్వామి, దాశరథి కృష్ణమాచార్య, కాళోజీ కథలను మరియు కాళోజీ కవిత్వం (నా గొడవ) ను ఆంగ్లంలోకి అనువదించారు.
ప్రధాన రచనలు
- భాషాసవ్యతకు బాటలు వేద్దాం
- యుక్తవాక్యం
- నుడిక్రీడ
- పన్నీటి జల్లు
- మేధామథనం
- పళ్లెరం
- వాగంకురాలు
- సజల నయనాల కోసం
- అంతర్లయ
- అంతర గాంధారం
- అంతర్నాదం
- పెన్మంటలు – కోకిలమ్మ పదాలు
- అంతస్తాపము
- మోర్సింగ్ మీద మాల్కౌఁస్ రాగం
- కొత్తబాణి
- పొరుగు వెన్నెల
- ఊహల వాహిని
- Faded Leaves and Fireflies
- Impression-Images
- Memorable Melody Makers and Other Poems on Music
- కథాతోరణం
- గాలిబ్ – నాటి కాలం
- ఉత్తమ ఆఫ్రికన్ కథలు
గౌరవాలు
[మార్చు]ఆంగ్ల మినీ కవితల సంకలనం “Dazzlers” అంతర్జాతీయ స్థాయి ప్రచురణ సంస్థ ఉకియోటో పబ్లిషింగ్ నిర్వహించే Poet of the Year – 2023 పురస్కారాన్ని అందుకుంది.[2] ఈ కవితా సంపుటి టర్కిష్, ఫ్రెంచ్, జర్మన్, స్పానిష్, రష్యన్, చైనీస్, జపనీస్, కొరియన్ మొదలైన 25 విదేశీ భాషల్లోకి అనువదించబడింది.ఈ పురస్కారం 2024 జనవరి 13న కోల్కతా సాహిత్య సమారోహంలో అందజేయబడింది.
పురస్కారాలు:
- పవన్ కె. వర్మ రచించిన ‘గాలిబ్: ది మాన్, ది టైమ్స్’ గ్రంథానికి ఎలనాగ చేసిన తెలుగు అనువాదం *‘గాలిబ్ నాటి కాలం’*కు కేంద్ర సాహిత్య అకాడమీ 2023 సంవత్సరానికి పురస్కారాన్ని ప్రకటించింది.
- అనువాద సాహిత్యంలో చేసిన కృషికి గుర్తింపుగా, ఎలనాగ 2017లో తెలుగు విశ్వవిద్యాలయం కీర్తి పురస్కారంను కూడా స్వీకరించారు.[3]
- నవంబర్ 2025 న శ్రీకృష్ణదేవరాయ తెలుగు భాషా నిలయం డా. ఎం. ఎల్. నరసింహారావు సాహితీ సేవా పురస్కారం.
మూలాలు
[మార్చు]- ↑ "భాషకు వైద్యం చేస్తున్న పిల్లల డాక్టరుకు అంతర్జాతీయ పురస్కారం – మయూఖ" (in అమెరికన్ ఇంగ్లీష్). 2024-01-14. Retrieved 2025-11-10.
- ↑ Service, Express News (2024-03-13). "Karimnagar writer Elanaga bags Sahitya Akademy award". The New Indian Express (in ఇంగ్లీష్). Retrieved 2025-11-10.
- ↑ "'ఎలనాగ'కు కేంద్ర సాహిత్య అవార్డు | - | Sakshi". www.sakshi.com. Retrieved 2025-11-10.